Connect with us

පුවත්

ජනාධිපති මාධ්‍ය අධ්‍යක්ෂවරයකුට අල්ලස් චෝදනා!

Published

on

ජනාධිපති ලේකම් කාර්යාලයේ මාධ්‍ය අධ්‍යක්ෂවරයකු අල්ලස් ඉල්ලීම සහ ඒ පිළිබඳ පුත්තලම දිස්ත්‍රික්කයේ ප්‍රාදේශීය ලේකම්වරයකු මුහුණු පොතේ (ෆේස්බුක්) සටහනක් තැබීම සම්බන්ධයෙන් අල්ලස් හෝ දූෂණ චෝදනා විමර්ශන කොමිෂන් සභාව පරීක්ෂණයක් ආරම්භ කර ඇතැයි වාර්තා වේ.

ජනාධිපති ලේකම් කාර්යාලය විසින් අල්ලස් හෝ දූෂණ චෝදනා විමර්ශන කොමිෂන් සභාවට ලිඛිතව දැනුම් දීමත් සමග මෙම පරීක්ෂණය ආරම්භ කර තිබේ.

ප්‍රාදේශීය ලේකම්වරයා සිය ෆේස්බුක් සටහනේ සඳහන් කර ඇත්තේ ජනාධිපති කාර්යාලයේ මාධ්‍ය අධ්‍යක්ෂවරයකු යැයි කියා ගන්නා පුද්ගලයකුගෙන් තමාගේ ප්‍රාදේශීය සභා බල ප්‍රදේශය තුළ පදිංචි පුද්ගලයකුගේ අංකය ඉල්ලා ඇමතුමක් ලැබුණු බවත් එම පුද්ගලයාට පසුගියදා ඔහුගේ ඉඩම රජයට පවරා ගැනීමෙන් පසු ලැබිය යුතු රුපියල් මිලියන 5ක වන්දිය නොලැබුණු බවත්ය.

එමෙන්ම මාධ්‍ය අධ්‍යක්ෂවරයා ප්‍රාදේශීය ලේකම්වරයාට දන්වා තිබුණේ වන්දි මුදල් ලබාදීමට එරෙහිව තමන්ට පෙත්සමක් ලැබී ඇති බවත් පරීක්ෂණයක් අවසන් වනතුරු එම වන්දි මුදල අත්හිටුවන ලෙසත්ය.

මෙය ප්‍රාදේශීය ලේකම්වරයාට කරදරයක් වී ඇති බැවින් ඔහු පෙත්සමේ පිටපතක් තමාට එවන ලෙස මාධ්‍ය අධ්‍යක්ෂවරයාගෙන් ඉල්ලා ඇති අතර වන්දි මුදල් ප්‍රදානය කළ පුද්ගලයාගේ තොරතුරු ඔහු සතුව තිබුණද ඒවා ජනාධිපති කාර්යාලයේ නිලධාරියාට ලබා දී නොමැත.

කෙසේ වෙතත් ප්‍රාදේශීය ලේකම්වරයා අදාළ ඉඩමට වන්දි ලබා දුන් පුද්ගලයාට කතා කර කරුණු විමසීමේදී එම පුද්ගලයා පවසා ඇත්තේ මාධ්‍ය අධ්‍යක්ෂවරයා හඳුනන බවය. 

පසුව ප්‍රාදේශීය ලේකම්වරයා විසින් එම පුද්ගලයාට මාධ්‍ය අධ්‍යක්ෂවරයාගේ දුරකථන අංකය ලබා දී තිබේ.

පසුව එම පුද්ගලයා කතා කර ප්‍රාදේශීය ලේකම්වරයාට පවසා ඇත්තේ “එයා (මාධ්‍ය අධ්‍යක්ෂ) මගෙන් වන්දි මුදල් කප්පාදුවක් ඉල්ලනවා” යනුවෙනි.

ප්‍රාදේශීය ලේකම්වරයා එම පුද්ගලයාට පවසා ඇත්තේ රජය තම ඉඩමට වන්දි ලබාදී ඇත්තේ සම්පූර්ණ තක්සේරුවක් මත බවත් එම මුදලින් සතයක්වත් කිසිවකුට නොදෙන ලෙසයි.

ඒ අනුව ප්‍රාදේශීය ලේකම්වරයා සිය ෆේස්බුක් සටහනේ අවසානයේ සදහන් කර ඇත්තේ “ජනාධිපතිතුමාගේ මාධ්‍ය අධ්‍යක්ෂවරුන්, ප්‍රාදේශීය ලේකම්වරුන් අතකොළු කරගෙන අල්ලස් ඉල්ලන මට්ටමට දියුණු වෙලා” යනුවෙනි.

කෙසේ වෙතත් අල්ලස් ඉල්ලූ බවට චෝදනා එල්ල වී ඇති මාධ්‍ය අධ්‍යක්ෂවරයා සම්බන්ධයෙන් පරීක්ෂණයක් සිදුවන අතර අවශ්‍ය ස්ථානවලට දැනුවත් නොකර මේ පිළිබඳ සමාජ මාධ්‍ය ඔස්සේ සටහන් තැබීමට එරෙහිව ප්‍රාදේශීය ලේකම්වරයාට එරෙහිවද පරීක්ෂණයක් පැවැත්වේ.

පුවත්

ග්‍රාමීය සංවර්ධනයට රජයෙන් බිලියන 20 ක්

Published

on

By

ග්‍රාමීය ජනතාවට අවශ්‍ය පහසුකම් සැලසීමට මෙන්ම අඩු ආදායම්ලාභී පවුල්වල ජීවන තත්ත්වයන් නංවාලීමේ ව්‍යාපෘති රැසක් ඉදිරි මාස කිහිපය තුළ ක්‍රියාත්මක කිරීමට රජය සැලසුම් කර ඇත.

කෘෂිකර්ම හා වැවිලි කර්මාන්ත අමාත්‍ය මහින්ද අමරවීර මහතා පවසන්නේ, එම වැඩ කටයුතු සඳහා රජය විසින් රුපියල් බිලියන 20.6ක මුදලක් වැය කිරීමට පියවර ගන්නා බවට ජනාධිපති රනිල් වික්‍රමසිංහ මහතා අමාත්‍ය මණ්ඩලය දැනුම්වත් කළ බවය.

මේ හේතුවෙන්, හැකි තරම් නව කෘෂිකාර්මික ව්‍යාපෘති සකසන්නැයි අමාත්‍යවරයා විසින්  නිලධාරීන්ට උපදෙස් ලබා දී තිබේ.

එම කෘෂිකාර්මික ව්‍යාපෘති ගම්මානවල ගොවි ජනතාවගේ ආදායම් තත්ත්වයන් ඉහළ නැංවීම, ඔවුන්ගේ යටිතලපහසුකම් සංවර්ධනය සහ නව කෘෂි තාක්ෂණය ඉලක්ක කර ගනිමින් සකසන ලෙසද මෙහිදී මහින්ද අමරවීර අමාත්‍යවරයා උපදෙස් දී ඇති බව සඳහන්ය.

කෘෂිකර්ම හා වැවිලි කර්මාන්ත අමාත්‍යාංශයේදී පැවති සාකච්ඡාවක් අමතමින් අමාත්‍යවරයා මෙම උපදෙස් ලබා දී ඇත.

Continue Reading

පුවත්

“ආර්ථික පරිවර්තන පනත ඉතා භයානකයි”

Published

on

By

ආණ්ඩුව පාර්ලිමේන්තුවට ඉදිරිපත් කර ඇති ආර්ථික පරිවර්තන පනත ඉතා භයානක ප්‍රතිඵල ගෙන දෙන පනතක් යයි පාර්ලිමේන්තු මන්ත්‍රී මහාචාර්ය ජී.එල් පීරිස් මහතා කොළඹ අද (27) පැවති මාධ්‍ය හමුවකදී පැවසීය.

මේ වන විට පවතින්නේ ජනවරමක් රහිත පාර්ලිමේන්තුවක් බැවින් එමගින් මෙවැනි පනතක් සම්මත කර ගැනීම ඉතා භයානක බවද මහාචාර්යවරයා කීය. 

මන්ත්‍රීවරයා වැඩිදුරටත් කියා සිටියේ රජය ලාභ ලබන ආයතන ලහි ලහියේ විකුණා දැමීමට අවශ්‍යය පිඹුරුපත් කඩිනමින් සකස් කරන බව දැනගන්නට ලැබී ඇති බවය

ජනතා ගැටලු විසඳීම සඳහා අභිනව පාර්ලිමේන්තුවක අවශ්‍යතාවය  වර්තමාන සමාජය තුළින් පිළිබිඹු වන බව කී ඒ මහතා තරුණ පරපුර ඇමතීම සියලු පක්ෂ නායකයින්ගේ යුතුකම බවත් අනාගතයේ ජීවනාලිය  ඔවුන් බවඅමතක නොකළ යුතු යයිද සඳහන් කළේය

වත්මන් ආණ්ඩුව  මැතිවරණවලට දක්වන බිය සුළු බව හේතුවෙන් මුදල් නොමැති යැයි පවසා මැතිවරණ කල් දැමීමට අර  අඳිමින් සිටින බව පැවසූ මහාචාර්යවරයා ඒ සඳහා නොයෙකුත් උපක්‍රම යොදමින් සිටින බවද පැවසීය

පළමුව පැවැත්වෙන්නේ පාර්ලිමේන්තු මැතිවරණයද ජනාධිපතිවරණයද යන්න ගැන ජනතාව කිසියම් කුතුහලයකින් පෙළෙන බව පැවසූ මන්ත්‍රීවරයා ආණ්ඩුක්‍රම ව්‍යවස්ථාවට අනුව ජනාධිපතිවරණය අනිවාර්යයෙන්ම පැවැත්විය යුතු බව සඳහන් කළේය

Continue Reading

පුවත්

මුදවාගැනීමේ මෙහෙයුමකට මන්ත්‍රීවරු 3ක් තායිලන්තයට

Published

on

By

විපක්ෂයේ මන්ත්‍රීවරුන් තිදෙනෙක් අද (27) අලුයම තායිලන්තය බලා පිටත්ව ගියහ.

ඒ, මියන්මාරයේ සයිබර් අපරාධ කලාපයේ ත්‍රස්ත ග්‍රහණයේ සිටින ශ්‍රී ලාංකිකයින් සහ රුසියානු – යුක්‍රේන යුද්ධයට මැදිවී රුසියාවේ සිටින ශ්‍රී ලාංකික රණවිරුවන් බේරාගෙන යළි ශ්‍රී ලංකාව වෙත රැගෙන ඒමේ රාජ්‍යතාන්ත්‍රික මෙහෙයුම සඳහා එම රටවල රාජ්‍යතාන්ත්‍රික නිලධාරීන් සහ තෙවන පාර්ශ්වයන් සමග සාකච්ඡා කර වැඩපිළිවෙළක් සකස් කිරීම සඳහාය.

මෙම විපක්ෂ මන්ත්‍රී කණ්ඩායමට නීතීඥ වසන්ත යාපා බණ්ඩාර, ජේ.සී. අලවතුවල සහ සුජිත් සංජය පෙරේරා යන මන්ත්‍රීවරුන් ඇතුළත් වේ.

ඔවුන් මියන්මාරයේ සහ රුසියාවේ දින 05 බැගින් ගත කරමින් මෙම මෙහෙයුම දියත් කිරීමට නියමිතය.

මන්ත්‍රීවරුන් පිරිස ත්‍රෛනිකායික මහනාහිමිවරුන්ගේ සහ විපක්ෂ නායකවරයාගේ ඉල්ලීම් රැගත් ලිපි, මියන්මාරය සහ රුසියාව බලා පිටත්ව ගොස් තායිලන්තයේ සහ මියන්මාරයේ සංඝනායක හිමිවරුන් සහ රුසියාවේ රාජ්‍යතාන්ත්‍රික නිලධාරීන් හමුවී භාරදීමට ද නියමිත බවට වාර්තා වේ.

පිරිස අද අලුයම 01.10ට පමණ ශ්‍රී ලන්කන් ගුවන් සේවයේ UL – 402 දරන ගුවන්යානයෙන් තායිලන්තයේ බැංකොක් නුවර බලා පිටත්ව ගොස් ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved