Connect with us

පුවත්

ජපානයෙන් ජයවර්ධනපුර මහ රෝහලට වෛද්‍ය උපකරණ ප්‍රදානයක්

Published

on

මෙරට සිටින ජපන් තානාපති – මිසුකොෂි හිදෙඅකි මහතා විසින් අද (06) දිනයේදී ශ්‍රී ජයවර්ධනපුර මහ රෝහල වෙත වෛද්‍ය උපකරණ ප්‍රදානයක් සිදුකර තිබේ.

ජපානය සහ ශ්‍රී ලංකාව අතර ඇති ගැඹුරු බැඳීම සහ ශ්‍රී ලංකාවේ සෞඛ්‍ය සේවා යටිතල පහසුකම් නංවාලීම සඳහා ජපානයේ ඇති සාමූහික කැපවීම අවධාරණය කළ මෙම අවස්ථාවට සෞඛ්‍ය අමාත්‍ය – වෛද්‍ය රමේෂ් පතිරණ සහ සෞඛ්‍ය රාජ්‍ය අමාත්‍ය – වෛද්‍ය සීතා අරඹේපොල යන මහත්ම මහත්මීන් ඇතුළු සම්භාවනීය අමුත්තන් පිරිසක් එක් විය.

ගුණාත්මක සෞඛ්‍ය සේවාවක් සැපයීමේ හැකියාව තවදුරටත් ශක්තිමත් කරමින් ශ්‍රී ජයවර්ධනපුර මහ රෝහල වෙත මෙම විශේෂිත වෛද්‍ය උපකරණ ප්‍රදානය කිරීම මෙම සුවිශේෂී අවස්ථාව මගින් සනිටුහන් කරයි. භාර දුන් උපකරණ අතර නිර්වින්දන මෙවලම් කට්ටලයක්, ස්වයංක්‍රීය පරාවර්තක මාපකයක්, දැඩි සත්කාර ඒකක ඇඳන් තුනක්, ප්‍රතිසාධන ඇඳක්, ස්ලිට් ලාම්පු තුනක්, ඇඳ අසල තබන නිරීක්ෂණ මොනිටර පහක්  සහ ශල්‍ය උපකරණ කට්ටලයක් ඇතුළත් වේ.

මෙම අවස්ථාවේ දී තානාපති මිසුකෝෂි මහතා ප්‍රකාශ කළේ, “ශ්‍රී ලංකාවේ සෞඛ්‍ය සේවාව ප්‍රගමනය කිරීම සඳහා අපගේ කැපවීම අවධාරණය කරමින්, අද දින පැවැත්වෙන මෙම උපකරණ වල මූලික කාණ්ඩය භාරදීමේ උත්සවයට සහභාගී වීමට ලැබීම ගැන මම සතුටු වන” බවයි. 

සෞඛ්‍ය ක්ෂේත්‍රයට දායකත්වය දැක්වීම මගින් ජපානය සහ ශ්‍රී ලංකාව අතර සුහදතාවය සහ සහයෝගීතාව වර්ධනය කිරීමේ අඛණ්ඩ අවශ්‍යතාව හවුල් දැක්මක් සහිතව ස්ථිරවම ජපානය තුළ පවතින බව ජපන් තානාපති කාර්යාලය පවසයි.

අද දින සිදුවෙන මෙම උපකරණ ප්‍රදානය නියෝජනය කරන්නේ නොබෝ දිනකින් සිදුවෙන විශාල ප්‍රදාන ව්‍යාපෘතියක ආරම්භය බවත්, ඉදිරියේදී අතිරේක වෛද්‍ය උපකරණ ශ්‍රී ජයවර්ධනපුර මහ රෝහලේ ස්ථාපිත කෙරෙන බවත් තානාපති කාර්යාලය වැඩිදුරටත් පවසයි.

පුවත්

බන්ධනාගාර කොමසාරිස් ජනරාල්වරයාට අධිකරණ නියෝගයක්

Published

on

By

බන්ධනාගාර නිලධාරින් වෘත්තීය ක්‍රියාමාර්ගයකට අවතීරණවීම පිළිබඳ වහාම අද (20) දිනය තුළ අධිකරණය හමුවේ පෙනී සිට කරුණු දක්වන ලෙස කොළඹ ප්‍රධාන මහෙස්ත්‍රාත් තිළිණ ගමගේ මහතා අද පෙරවරුවේ බන්ධනාගාර කොමසාරිස් ජනරාල්වරයාට නියෝග කළේය.

ඒ, කොළඹ ප්‍රධාන මහෙස්ත්‍රාත් අධිකරණයේ අද දිනට නියමිත නඩු කටයුතු ආරම්භ කළ අවස්ථාවේ බන්ධනාගාර ගත රැඳවියන් අධිකරණයට රැගෙනවිත් නොතිබීම පිළිබඳ අවධානය යොමු කරමිනි.

එහිදි අද දිනයේ ලෙඩ නිවාඩු වාර්තාකර ඇති නිලධාරින් පිළිබඳ සම්පුර්ණ වාර්තාවක් අධිකරණයට ඉදිරිපත් කරන ලෙසද කොළඹ ප්‍රධාන මහෙස්ත්‍රාත්වරයා බන්ධනාගාර කොමසාරිස් ජනරාල්වරයාට නියෝග කර තිබුණි.

මේ අතර දිවයිනේ ප්‍රදේශ කිහිපයක බන්ධනාගාර නිලධාරින් ලෙඩ නිවාඩු වාර්තා කර අද සේවයට වාර්තාකර නොමැති බව වාර්තා විය.

ඒ වැටුප් ඉහළ නොදැමීම ඇතුළු ඉල්ලීම් කිහිපයක් මුල් කරගනිමිනි.

බන්ධනාගාර නිලධාරින්ගේ සියලු නිවාඩු අවලංගුකර ඇති බැවින් සියලුදෙනා වහාම සේවයට වාර්තා කළ යුතු බවට බන්ධනාගාර කොමසාරිස්, මාධ්‍ය ප්‍රකාශක ගාමිණී බී. දිසානායක මහතා විසින් අද නිවේදනය කරන ලදී.

වැටුප් ඉහළ නොදැමීම, නිලධාරී හිඟය විසඳීම ඇතුළු ඉල්ලීම් කිහිපයක් මුල් කරගනිමින් බන්ධනාගාර නියාමක සහ සැරයන්වරුන් පිරිසක් වෘත්තීය ක්‍රියාමාර්ගයක් ලෙස මෙලෙස ලෙඩ නිවාඩු දමා ඇති බව වාර්තාවිය.

ඒ අනුව වැලිකඩ, ගාල්ල සහ මාතර යන බන්ධනාගාරවල බන්ධනාගාර නිලධාරින් මෙම වෘත්තීය ක්‍රියාමාර්ගයට ප්‍රවිශ්ඨ වී තිබේ.

බන්ධනාගාර තුළ ක්‍රියාත්මක මෙම  වෘත්තීය ක්‍රියාමාර්ගය හේතුවෙන් රැදවියන් බැලීමට අවස්ථාව ලබාදීම මෙන්ම රැඳවියන් නඩු කටයුතු සඳහා අධිකරණයට රැගෙන යාමටද බාධා එල්ල වී ඇත.

සබැඳි පුවත්

බන්ධනාගාර නිලධාරීන් වෘත්තීය ක්‍රියාමාර්ගයක

Continue Reading

පුවත්

“විශ්‍රාමික ප්‍රජාව සමාජ පරිවර්තනයේ ගෞරවනීය කොටස්කරුවෙක්”

Published

on

By

විශ්‍රාමික ප්‍රජාව සමාජ පරිවර්තනයේ ගෞරවනීය කොටස්කරුවෙක් බව ජාතික ජන බලවේගයේ නායක අනුර කුමාර දිසානායක මහතා පවසා සිටී.

ඒ මහතා මේ බව පවසන ලද්දේ ඊයේ (19) දින පැවැත්වුන ජාතික ජන බලවේගය විසින් සංවිධානය කල “විශ්‍රාමික ජාතික සමුළුව ”  අමතමිනි.

ඉදිරි මැතිවරණය ගැනද අනුර දිසානායක මහතා මෙහිදී අදහස් දැක්වූයේය.

“පාර්ලිමේන්තුව විසුරුවා හැරීමට බැසිල් රාජපක්ෂට වුවමනාව තිබෙනවා. එක්කෝ එයා රනිල්ට සහාය දෙන්න ඕනෑ. ජනතාවගේ සහායෙන් රනිල් ජනාධිපති වුණොත්, පොහොට්ටුවේ ගමන එතනින් අවසන්. රනිල්ට සහාය නොදී වෙන අපේක්ෂකයෙක් දැම්මොත්, පොහොට්ටුවට තිබෙන ඡන්ද ප්‍රමාණයත් නැතිවෙනවා. දාන්න කෙනෙකුත් නැහැ. ….

ස.ජ.බෙ.ටත් අවශ්‍යයි පාර්ලිමේන්තුව විසුරුවා ගන්න. ජනාධිපතිවරණයේදී කේන්ද්‍ර වෙන්නේ පුද්ගලයන්….

 ජාතික ජන බලවේගයේ අපි මේ දෙකටම ලැහැස්තියි…”

අනුර  දිසානායක මහතා විසින් සිදුකරනු ලැබූ සම්පූර්ණ කතාව

Continue Reading

පුවත්

අධිවේගයේ යන රියදුරන්ට දැනුම්දීමක්

Published

on

By

පවතින අයහපත් කාලගුණික තත්ත්වයත් සමඟ අධිවේගී මාර්ගයේ ගමන් ගන්නා රියදුරන්ට විශේෂ දැනුම්දීමක් සිදුකර තිබේ.

ඒ අනුව ඔවුන්ට රිය ධාවන වේගය පැයට කිලෝමීටර 60ක වේගයෙන් පවත්වාගන්නා ලෙස මාර්ග සංවර්ධන අධිකාරිය විසින් දැනුම් දී ඇත.

Continue Reading
Advertisement

Trending

Copyright © 2023 Sri Lanka Mirror. All Rights Reserved