Connect with us

පුවත්

ජාතික ළමා ආරක්ෂක අධිකාරියට ඓතිහාසික නියෝග

Published

on

ජාතික ළමා ආරක්ෂක අධිකාරියට  එදිරිව තොරතුරු දැනගැනීමේ පනත ප්‍රකාරව දැමූ පැමිණිල්ලක් වෙනුවෙන් නියෝගයන් ලැබී තිබේ.

මෙම පැමිණිල්ල ගොණුකර තිබුනේ Stop Child Cruelty Trust සංවිධානය විසිනි.

අදාළ තොරතුරු දැනගැනීමේ පනත ප්‍රකාරව දැමූ පැමිණිල්ලට ළමා ආරක්ෂක අධිකාරිය වෙත ලැබුනු නියෝග මෙසේය.

1. ළමා ආරක්ෂක අධිකාරිය වෙත ලැබුණු පැමිණිලි වලට පහුගිය වසර 10 තුළ කෘරත්වයට අදාලව සහ ලිංගික අපයෝජන වලට අදාලව ලබාගත් දණ්ඩ විනිශ්චයන් කීයද?

  • ළමා අපයෝජන සම්බන්ධ  අධීක්ෂණයේ අනිවාර්ය අංගයක් වන නඩු කටයුතු වල ප්‍රගතිය පිළිබඳ තොරතුරු ප්‍රදර්ශනය කිරීම සඳහා පොදු අධිකාරිය සැලැස්මක් සකස් කල යුතු අතර එය මාස 3ක් තුළ ඉදිරිපත් කල යුතුයි.

2. අධිකාරියේ ප්‍රගතිය සටහන් වෙන වාර්ෂික වාර්ථා මහජනතාවට ප්‍රදර්ශනය කල යුතුය.

  • 2019, 2020, 2021, 2022 වාර්ථා සියල්ල 2024/05/10 දිනට පෙර ලබා දිය යුතුය.

3. අධිකාරියේ වෙබ් අඩවියේ දත්ත ඉංග්‍රීසි භාෂාවෙන් පමණක් නොව රාජ්‍ය භාෂා ප්‍රතිපත්තිය අනුව සිංහල සහ දෙමළ භාෂා වලින් ඉදිරිපත් කළ යුතුය.

ස්වාධීන ආයතනයක් ලෙස 1998 අංක 50 දරණ පාර්ලිමේන්තු පනත ප්‍රකාරව ඉමහත් බලතල ඇති ‘ජාතික ළමා ආරක්ෂක අධිකාරියේ’ අකර්මණ්‍යතා නිසා මහජන විශ්වාසය පළුදුවීම සිදුවෙමින් පවතිනා අතර එය වැළැක්වීම වෙනුවෙන් ගන්නා ලද පියවරක් ලෙස මෙම තොරතුරු දැනගැනීමේ පනත ප්‍රකාර පැමිණිල්ල ඉදිරිපත් කල බව Stop Child Cruelty Trustසංවිධානය සඳහන් කරයි.

ඔවුන් වැඩිදුරටත් පෙන්වා දෙන්නේ, 2022 වසරේ දී COPE කමිටුව හමුවේ ජාතික ළමා ආරක්ෂක අධිකාරියේ  දත්ත පද්ධතියක් නිර්මාණය කිරීම සඳහා මිලියන ගණනක් වංචා කල බව ද මින් ඔප්පු වූ බවයි.

රාජ්‍ය ආයතනක් වශයෙන් ආයතනයේ නිලධාරීන් වගවීමට ලක් කිරීමත් දරුවන් ආරක්ෂා කිරීමට ඔවුන් බැඳී සිටින වගකීම වචන වලට සීමා නොවී කාර්යක්ෂම සේවයක් වෙනුවෙන් දිරි ගැන්වීමත් ස්වකීය පරමාර්ථය බව විසින් වැඩිදුරටත් සඳහන් කරයි.

( Stop Child Cruelty Trust නිල Facebook පිටුව)

පුවත්

ජ්‍යෙෂ්ඨ පුරවැසි ගිණුම් සමාලෝචන කමිටු වාර්තාව ජනපති වෙත

Published

on

By

ජ්‍යෙෂ්ඨ පුරවැසි ගිණුම්වල පොළිය ඉහළ නැංවීම පිළිබඳ සොයා බැලීමේ කමිටු වාර්තාව ලබන සතියේ ජනාධිපතිවරයා වෙත භාරදෙන බව මුදල් රාජ්‍ය අමාත්‍ය රංජිත් සියඹලාපිටිය මහතා පවසයි.

අමාත්‍යවරයා ඒ බව සඳහන් කළේ, අදාළ කමිටුව මුදල් අමාත්‍යාංශයේදී රැස්වූ අවස්ථාවේදී ය.

වයස අවුරුදු 60 ට වැඩි පුද්ගලයින්ට අයත් බැංකු ගිණුම් සංඛ්‍යාව, මිලියන 1.1 කි.

මුදල් අමාත්‍යාංශය නිවේදනය කළේ, එක් අයෙකු බැංකු ගිණුම් කිහිපයක් පවත්වාගෙන යාම, වෙනත් පාර්ශ්වයන්ගේ මුදල් එම ගිණුම්වල තැන්පත් කිරීම ආදිය සම්බන්ධයෙන් ද එහිදී සොයා බලන බවයි.

මේ අතර, සමෘද්ධි නිලධාරීන්, ග්‍රාම නිලධාරීන් සහ රජයේ විධායක නිලධාරීන්ගේ වැටුප් සහ දීමනා ඉහළ නැංවීමට අදාළ යෝජනා කිහිපයක් සම්බන්ධයෙන් ද එහිදී සාකච්ඡා කර තිබේ.

Continue Reading

පුවත්

ජගත් ජල සමුළුවේ ප්‍රධාන දේශනය වෙනුවෙන් හිටපු ජනපතිනිය ඉන්දුනීසියාවට

Published

on

By

ජනාධිපති රනිල් වික්‍රමසිංහ මහතා අද (18) සිට ලබන 20 වැනිදා දක්වා ඉන්දුනීසියාවේ සංචාරයක නිරත වෙයි.

ඒ, ඉන්දුනීසියාවේ බාලි නුවරදී පැවැත්වෙන ජගත් ජල සමුළුවට සහභාගී වීම සඳහාය.

මේ අතර, හිටපු ජනාධිපතිනි චන්ද්‍රිකා බණ්ඩාරනායක කුමාරතුංග මහත්මිය ද, අද ඉන්දුනීසියාව බලා පිටත්ව යාමට නියමිතය.

ඒ, ජගත් ජල සමුළුවේ ප්‍රධාන දේශනය පැවැත්වීම සඳහා ය.

සමුළුව හෙට සිට ලබන 21 වැනිදා දක්වා පැවැත්වෙයි.

හිටපු ජනාධිපතිනිය එම සමුළුවට සහභාගී වන්නේ, ඉන්දුනීසියා රජයේ සහ එක්සත් ජාතීන්ගේ මහා මණ්ඩලයේ සභාපතිවරුන්ගේ කවුන්සිලයේ ආරාධනයකට අනුවයි.

Continue Reading

පුවත්

ගංගා ආශ්‍රිත පහත් බිම්වල සිටින පිරිසට අනතුරු අඟවයි

Published

on

By

පවතින වැසි සහිත කාලගුණ තත්ත්වයත් සමඟ ගංගා ආශ්‍රිත පහත් බිම්වල ගංවතුර තත්ත්වයක් ඇති වීමේ අවදානමක් පවතින බව වාරි මාර්ග දෙපාර්තමේන්තුව පවසයි.

එම දෙපාර්තමේන්තුව පෙන්වා දෙන්නේ, අධික තීව්‍රතාවයක් සහිත වර්ෂාපතන තත්ත්වයන් සමඟ නගරාශ්‍රිතව ක්ෂණික ගංවතුර තත්ත්වයන් ඇතිවීමේ අවදානම ද අධික බවය.

වර්ෂාවේ තීව්‍රතාවය හා ප්‍රමාණය මත ගංවතුර තත්ත්වයේ ප්‍රබලතාවය හා අවදානම රඳාපවතින බව වාරි මාර්ග දෙපාර්තමේන්තුව පවසයි.

මේ අතර දිස්ත්‍රික්ක කිහිපයක් සඳහා නිකුත්කර ඇති නාය යෑම් අනතුරු ඇඟවීම් නිවේදනය අද (18) පස්වරු 4.00 දක්වා දීර්ඝ කළ බව ජාතික ගොඩනැගිලි පර්යේෂණ සංවිධානයේ ‌ජ්‍යේෂ්ඨ භූ විද්‍යාඥ ආචාර්ය වසන්ත සේනාධීර මහතා පවසයි.

මේ අතර අධික වර්ෂාපතනයත් සමග ගල් සහ පස් කඳු කඩාවැටීමට ඇති අවදානම හේතුවෙන් ඊයේ (17) රාත්‍රි 8.00 සිට තාවකාලිකව වසා දැමුණු  ඇල්ල – වැල්ලවාය ප්‍රධාන මාර්ගය  අද උදෑසන 06.00 සිට යළි විවෘත කර තිබේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved