Connect with us

පුවත්

ටෙලිකොම්හි ෆයිබර් ඔප්ටික් කේබල් 5ත් වික්කම ලංකාවට අබ සරණයි

Published

on

විකුණා දැමීමට යන ශ්‍රී ලංකා ටෙලිකොම් ආයතනය සතු භෞතික වත්කම් අතර වඩාත්ම වටිනා සම්පත ලෙස සැලකෙන්නේ ශ්‍රී ලංකාවෙන් විදේශ රටවලට සන්නිවේදන පහසුකම් සලසන භූගත කේබල් 5කින් සමන්විත කේබල් පද්ධතිය (ටෙලිකොම් සතු සබ්මැරීන් ෆයිබර් ඔප්ටික් කේබල් පද්ධතිය) බව වාර්තා වේ.

මේවන විට ටෙලිකොම් මිලදී ගැනීමට මැලේසියාව හා ඉන්දියාව අතර දෙකොන් සටනක් ආරම්භ වී ඇතැයි ද මේ අතර වාර්තා වේ.

කෙසේවුවද, ශ්‍රී ලංකා ටෙලිකොම් රජය සතු 49.5% විකුණන්නේ නම් එම කොටස ලබා ගැනීමට මුලින්ම ආරාධනා කළ යුතුවන්නේ ටෙලිකොම් හි 44.98% ක් කොටස් හිමි මැලේසියාවේ GTLH වෙත බව පැවසේ. 

ටෙලිකොම් පෞද්ගලීකරණ ගිවිසුම අනුව මැලේසියානු ජාතික ශ්‍රී ලංකා සම්භවයක් හිමි දමිළ බෞද්ධ ආනන්ද ක්‍රිෂ්ණන් සතු GTLH සහ ශ්‍රී ලංකා රජය සතු කොටස් තෙවන පාර්ශවයකට විකිණීමට තහංචි පනවා ඇත. 

අදාළ තත්ත්වය හේතුවෙන් මැලේසියානු සමාගම විසින් ඉතිරි කොටස් මිලදී ගැනීම ප්‍රතික්ශේප කලහොත් පමනක් රජයට තෙවැනි පාර්ශවයකට තමාසතු 49.5 % ක කොටස් විකිණිය හැකිවේ.

සමාජ මාධ්‍ය ක්‍රියාකාරියකු වන ලාලිත හේවාගමගේ මහතා සිය ෆේස්බුක් පිටුවේ සටහනක් තබමින් කියා සිටින්නේ දැනටමත් ඩයලොග් ආයතනයේ 82.74% කට වඩා වැඩි කොටස් ප්‍රමාණයක් මැලේසියාවේ ඩයලොග් ආසියාටා සතුවන බවත්, ටෙලිකොම් ආයතනයත් මැලේසියාව සතුවූ විට ශ්‍රී ලංකාවේ සමස්ථ විදුලි සන්දේශ අයිතිකරු මැලේසියාව වනු ඇති බවයි.

දකුණු ඉන්දියනු, පෘතුග්‍රීසි, ලංදේසි සහ ඉංග්‍රීසි යටත් කර ගැනීම් වලට සාපේක්ෂව මෙය සුන්දර අත්පත් කරගැනීමක් බවද ඔහු පෙන්වාදෙයි.

ගිවිසුම කඩකර ලයිකා මොබයිල්, රිලයන්ස්, අම්බානි වැනි තෙවැනි ගැනුම්කරුවෙකට රජය සතු කොටස් පැවරීමට ජනාධිපති රනිල් වික්‍රමසිංහ ගේ තිරය පිටුපස සිටින ගෝල බාලයන් උත්සාහය දරමින් සිටින බවද ඔහු කියා සිටී.

ඔහුන් තම අරමුණ ජයගත්තද අනාගතයේ දිනක ජාත්‍යන්තර අධිකරණයක් හමුවේ GTLH (මැක්සීස්) වෙත අති විශාල වන්දි මුදලක් ගෙවීමට සිදුවනු ඇති බවට ද ලාලිත මහතා අනතුරු අඟවා ඇත.

එය සමහර විට රජය සතු කොටස් විකුණා ලබාගන්නා මුදලටත් වඩා වැඩිවනු ඇතැයි ද ඔහු කියා සිටී.

මොළ ගෙනාව නැව් මේතරම් ගොංද?

ආර්ථික විශේෂඥයන් පෙන්වා දෙන්නේ ලෝකයේ විශාල ආර්ථික ඇති දියුණු රටවල් සිය ආර්ථික ප්‍රවර්ධනය වාර්තමානයේ අත්පත් කරගනු ලබන්නේ ඊ වානිජ ලෝකය වෙත ගමන් කිරීමෙන් බවයි.

ඒ අනුව රටක් දියුණු කිරීමට එරට සංනිවේදන පද්ධතියේ අයිතිය රජය සතුව තිබීම වඩාත් වැදගත් බවයි.

එසේම ආරක්ෂක විශ්ලේෂකයන් පෙන්වා දෙන්නේ මේවන විටත් ජාතික හැඳුනුම්පත් මුද්‍රණය හා එහි දත්ත ගබඩාව තමන් සතුකර ගැනීමට ඉන්දීයාව ඉතා සූක්ෂමව කටයුතු කරමින් සිටින බවත්, එහි දෙවැනි පියවර ජාතික සංනිවේදන ජාලය සියතට ගැනීම බවයි.

ටෙලිකොම්ට ඉව අල්ලන ඉන්දීය වෘකයෝ

අප වෙත වාර්තා වන ආකාරයට සුප්‍රකට ඉන්දීය ව්‍යාපාරික පවුලක් වන මිත්තල් පවුලට අයත් රිලයන්ස් සමාගම, එසේම මුකේෂ් අම්බානිට අයත් ජියෝ සමාගම සහ සුභාෂ්කරන් අලි රාජාට අයත් ලයිකා මොබයිල් ආයතනය ටෙලිකොම් ආයතනය මිලට ගැනීමට උනන්දු වන බව තහවුරු වී තිබේ. 

මෙයින් රිලයන්ස් සමාගම දැනට මෙරට එයාර්ටෙල් ආයතනයේද හිමිකාරිත්වය දරයි.

අසාර්ථකම සභාපති රොහාන්….

මේ අතර, ටෙලිකොම් වෘත්තීය සමිති පෙන්වා දෙන්නේ ටෙලිකොම් වෙත පත්වූ අසාර්ථකම සභාපතිවරයා වන්නේ වත්මන් සභාපති රොහාන් ප්‍රනාන්දු මහතා බවයි.

ඔහු පහුගිය කාලයේ ටෙලිකොම් ලාභ ලබන බව කියමින් පත්තරවල පිටු ගණන් කතා කළ ද මේවන විට එවැනි ලාභ ලබන ආයතනයක් විකුණා දැමීම සම්බන්ධයෙන් කිසිවක් නොකියා නකුට පස්ස පැත්තේ ගසාගෙන සිටින බවයි.

රටේ සම්පත් විකිණීම ගැන නන්දා මාලිනී එදා කී දේ.

සබැඳි පුවත්

ටීවී, රේඩියෝ අල්ලාගත් අලිරාජා ටෙලිකොම් හා ලංකා රෝහලත් ගිලියි!

ටෙලිකොම් ඉන්දියාවට: අදානි,සුභාෂ්කරන් කාගේ හවුලක්ද?

පුවත්

සා / පෙළට කුසලතා හෝ වෘත්තීය විෂය ධාරාවක්

Published

on

By

සමාජය සවිබලගැන්වීම වෙනුවෙන් ඉඩම තීරණාත්මක සාධකයක් වන බවත් එබැවින් වගා කර නොමැති ඉඩම් වගා කටයුතු සඳහා යොදා ගැනීමට හැකිවන නව නීති හඳුන්වා දීමට කටයුතු කරන බවත් සමාජ සවිබලගැන්වීම් රාජ්‍ය අමාත්‍ය අනුප පස්කුවල් මහතා සඳහන් කළේය.

එමෙන්ම සමාජ සවිබලගැන්වීම් උදෙසා අධ්‍යාපන සහතික පත්‍ර සමාන්‍ය පෙළ විභාගයට ද කුසලතා හෝ වෘත්තීය විෂය ධාරාවක් ඇතුළත් කිරීමට රජය තීරණය කර ඇති බව ද රාජ්‍ය අමාත්‍යවරයා පැවසීය. 

“සමාජය සවිබලගැන්වීම සඳහා අධ්‍යාපන ක්‍රමයේ වෙනසක් ඇති විය යුතු බව අප විසින් ඉදිරිපත් කළ ප්‍රධාන මතවාදයක් ලෙස දැක්විය හැකියි. ඊට අනුව සාමාන්‍ය පෙළ ගණිතය, ආගම සහ භාෂාව වැනි විෂයන් අසමත් වූවත් ඔවුන් විභාගය අසමත්වූවන් ලෙස නොසැලකිය යුතුයි. එබැවින් අ.පො.ස සාමාන්‍ය ‍පෙළ විභාගයේ විෂය මාලාවට කුසලතා හෝ වෘත්තීය විෂය ධාරාවක් ඇතුළත් කිරීමට රජය තීරණය කර තිබෙනවා. එය සමාජය පිළිගත් අදහසක් ලෙස ද හැඳින්විය හැකියි. ඒ අනුව නව වසරේ සිට එය ක්‍රියාත්මක කිරීමට අධ්‍යාපන අමාත්‍යාංශය විසින් තීරණය කර තිබෙනවා. ඒ අනුව කුසලතා පූර්ණ වෘත්තිකයෙකු බිහි කිරීමට අවශ්‍ය අධ්‍යාපන ප්‍රතිසංස්කරණ ඉදිරියේ දී සිදුවන බව සඳහන් කළ යුතුයි.”

සමාජ සවිබලගැන්වීම් රාජ්‍ය අමාත්‍ය අනුප පස්කුවල් මහතා මේ බව සඳහන් කර සිටියේ ‘ස්ථාවර රටකට සැවොම එක මඟකට’ මැයෙන් අද (21) ජනාධිපති මාධ්‍ය කේන්ද්‍රයේ පැවති ප්‍රවෘත්ති සාකච්ඡාවට එක් වෙමිනි.

Continue Reading

පුවත්

මැතිවරණයට පෙර විසඳිය යුතු දේ ගැන ජනපති හා පක්ෂ නායකයින්ට ලිපියක්

Published

on

By

සාධාරණ සමාජයක් සඳහා වන ජාතික ව්‍යාපාරය විසින් අද (21) දිනයේ මාධ්‍ය නිවේදනයක් නිකුත් කර විශේෂ ඉල්ලීමක් සිදුකර තිබේ.

ඔවුන් තම ඉල්ලීම ලෙස ජනාධිපතිතුමන් ඇතුළු සියලුම පක්ෂ නායකයින්ගෙන් ආයාචනා කර සිටින්නේ මීළඟ මැතිවරණයට පෙර ජනවාර්ගික අසහනය විසඳන ලෙසය.

එමෙන්ම රටේ අනාගත යහපත උදෙසා පොදු ජාතික අභිලාෂයන් පෙරටුකර ගත් ඒකාබද්ධ ප්‍රයත්නයකට යොමු විය යුතු බව ඔවුන් විසින් මෙහිදී පෙන්වා දෙනු ලබයි.

එම සම්පූර්ණ ලිපිය පහතින් දැක්වේ.

Continue Reading

පුවත්

බන්ධනාගාර නිලධාරීන්ගේ වෘත්තීය ක්‍රියාමාර්ග අවසන්

Published

on

By

බන්ධනාගාර නිලධාරීන් විසින් ගෙන ගිය වෘත්තීය ක්‍රියාමාර්ගය අවසන් කිරීමට පියවර ගෙන ඇති බව බන්ධනාගාර මාධ්‍ය ප්‍රකාශක බන්ධනාගාර කොමසාරිස් ගාමිණි බී. දිසානායක මහතා පවසයි.

රුපියල් 25,000ක වැටුප් වැඩිවීමක් ලබාදෙන ලෙස ඉල්ලමින් බන්ධනාගාර නිලධාරීන් ඊයේ (20) පෙරවරුවේ සිට වෘත්තිය ක්‍රියාමාර්ගයක නිරත විය.

අද (21) දහවල් බන්ධනාගාර කොමසාරිස් ජනරාල්වරයා ඇතුළු උසස් බන්ධනාගාර නිලධාරීන් සහ වෘත්තීය ක්‍රියාමාර්ගයන්හි නිරත නිලධාරීන් අතර විශේෂ සාකච්ඡාවක් පැවැත්වුණි.

අධිකරණ කටයුතු අඩාල වීමට ඉඩ නොතබන ලෙසත්, බන්ධනාගාර කටයුතු සඳහා බාධා වන ආකාරයට කටයුතු නොකරන ලෙසත් බන්ධනාගාර කොමසාරිස් ජනරාල්වරයා එහිදී ඔවුන්ට දැනුම්දී ඇත.

අධිකරණ අමාත්‍ය ආචාර්ය විජයදාස රාජපක්ෂ මහතා පසුගිය 20 වනදා සඳහන් කළේ, බන්ධනාගාර නිලධාරීන්ගේ ඉල්ලීම සාධාරණ බැවින් එය ඉටුකිරීම සඳහා කැබිනට් පත්‍රිකාවක් ඉදිරිපත් කොට ඔවුන්ට සාධාරණයක් ඉටුකිරීමට තමන් කටයුතු කරන බවයි.

අධිකරණ අමාත්‍යවරයා විසින් ලබා දුන් එම පොරොන්දුව පිළිබඳව විශ්වාසය තබමින් වෘත්තිය ක්‍රියාමාර්ගය අවසන් කර සේවයට වාර්තා කරන බව වර්ජනයේ නිරත නිලධාරින් සඳහන් කළ බව බන්ධනාගාර මාධ්‍ය ප්‍රකාශකවරයා සදහන් කලේය.

සබැඳි පුවත්

Continue Reading
Advertisement

Trending

Copyright © 2023 Sri Lanka Mirror. All Rights Reserved