Connect with us

පුවත්

තාඹුගලගෙන් කෝටි 30ක කප්පමක් ඉල්ලූ බවට CIDයේ උසස් නිලධාරීන් 3කට චෝදනා

Published

on

රුපියල් කෝටි 07 ක මූල්‍ය වංචාවක් සම්බන්ධයෙන් අවුරා ලංකා සමාගමේ සභාපති විරංජන් තාඹුගල මහතා අත්අඩංගුවට ගැනීම පිටුපස අපරාධ පරීක්ෂණ දෙපාර්තමේන්තුවේ නිලධාරීන් පිරිසක් රුපියල් කෝටි 30 ක කප්පමක් ලබා ගැනීමට උත්සාහ කිරීමේ සිද්ධියක් ඇතැයි සැකකරුගේ පාර්ශ්වයේ නීතිඥවරුන් අධිකරණය හමුවේ ඊයේ (27) චෝදනා කළහ.

ප්‍රකට ව්‍යාපාරිකයකු වන ආතර් සේනානායක මහතා විසින් කරන ලද පැමිණිල්ලකට අනුව අපරාධ පරීක්ෂණ දෙපාර්තමේන්තුවේ මූල්‍ය අපරාධ විමර්ශන කොට්ඨාසය විසින් අවුරා ලංකා සමාගමේ සභාපති විරංජිත් තාඹුගල මහතාව ඉකුත් 22 වැනිදා අත්අඩංගුවට ගෙන තිබුණි.

පසුව එම සැකකරු ඊයේ දින තෙක් රිමාන්ඩ් භාරයේ තබන ලෙස කොළඹ අතිරේක මහෙස්ත්‍රාත් පවිත්‍රා සංජීවනී පතිරාජ මහත්මිය නියෝග කළාය.

පැමිණිල්ල වෙනුවෙන් පෙනී සිටි අපරාධ පරීක්ෂණ දෙපාර්තමේන්තුවේ මූල්‍ය අපරාධ විමර්ශන කොට්ඨාසයේ නිලධාරින් මෙම සිද්ධියට අදාළ ගනුදෙනු 2023 නොවැම්බර් 03 වැනිදා වී ඇති බවත්, සැකකරු එහිදී අපරාධමය වරදක් කර ඇතැයි ද දන්වා සිටියේය.

සැකකරු වෙනුවෙන් නීතිඥ රන්ජන් ද සිල්වා, නාමල් රාජපක්ෂ, මදාරා විජේසිංහ, හික්කඩුව ලියනගේ ඉසුරි සමග පෙනී සිටි නීතිඥ උපාලි ජයමාන්න කරුණු ඉදිරිපත් කරමින් මෙය සිවිල් ආරවුලක් බවත්, සැකකරු විසින් අපරාධමය වරදක් කර නොමැති බවත් දන්වා සිටියහ.

සැකකරුගේ නීතිඥ උපාලි ජයමාන්න මහතා,

සැකකරු අත්අඩංගුවට ගැනීම පිටුපස අපරාධ පරීක්ෂණ දෙපාර්තමේන්තුවේ නිලධාරින් විසින් කරන ලද රුපියල් කෝටි 30 ක කප්පමක් තිබෙනවා. මෑතකදී විශ්‍රාම ගිය අපරාධ පරීක්ෂණ දෙපාර්තමේන්තුව භාරව සිටි නියෝජ්‍ය පොලිස්පති ප්‍රසාද් රණසිංහ, අපරාධ පරීක්ෂණ දෙපාර්තමේන්තුවේ නීති විරෝධී වත්කම් විමර්ශන කොට්ඨාසයේ අධ්‍යක්ෂ ලක්සිරි ගීතාල්, එම අංශයේ ස්ථානාධිපති සම්පත් රාජකරුණා විසින් සැකකරුගෙන් රුපියල් කෝටි 30 ක කප්පමක් ඉල්ලා තිබෙනවා.

එම මුදල රුපියල් කෝටි 12 කටත්, පසුව රුපියල් කෝටි 5 කටත්, අඩුකර රුපියල් කෝටි 02 ක අත්තිකාරමක් ගෙන තිබෙනවා. මෙම සිද්ධියට අදාළ සාක්ෂි සැකකරු සන්තකයේ පවතිනවා. එම කප්පම් සිද්ධිය සම්බන්ධයෙන් සැකකරු අධිකරණය හමුවේ රහස්‍ය ප්‍රකාශයක් දීමට නියමිතයි. මෙම සැකකරු ඇප මත මුදා හරින ලෙස ඉල්ලා සිටිනවා.

ඉදිරිපත් වූ කරුණු සලකා බැලූ අතිරේක මහෙස්ත්‍රාත්වරිය, සැකකරු රුපියල් මිලියන 10 බැගින් වූ ශරීර ඇප 02 ක් මත මුදා හරින ලෙසත්, අදාළ නඩුව ලබන ජූලි 29 වැනිදා යළි කැඳවන ලෙසත් නියම කළාය.

සබැඳි පුවත්:

තාඹුගලට ඇප 

අවුරා ලංකා සභාපති රිමාන්ඩ් 

පුවත්

ජනපතිට වසරක දිගුවක් !

Published

on

By

ජනමත විචාරයකින් තොරව පාර්ලිමේන්තුවේ තුනෙන් දෙකක බහුතරයකින් ජනාධිපති ධූර කාලය දීර්ඝ කර ගැනීමේ හැකියාව පිළිබඳව මේ වන විට සාකච්ඡා වෙමින් පවතින බව “මවුබිම” පුවත්පත වාර්තා කර තිබේ.

මේවන විට මේ පිළිබඳව නීති ක්ෂේත්‍රයේ විශාදයින්ගේ මතය විමසීමට ජනපතිවරයාට හිතවත් පාර්ශව කටයුතු කර ඇති බවත්, ඔවුන්ගේ මතය වී ඇත්තේ ජනපතිවරයාගේ ධූර කාලය මේ අයුරින් වසර 5 සිට 6 දීර්ඝ කිරීමට අවස්ථාවක් ඇති බව යැයි එම පුවත්පත වැඩිදුරටත් වාර්තා කර ඇත.

2015 ආණ්ඩුක්‍රම ව්‍යවස්ථාවේ 19 වැනි සංශෝධනයෙන් ජනපතිවරයාගේ වසර 6ක්ව පැවැති ධූර කාලය වසර 5ක් දක්වා ඒ අවස්ථාවේ අඩුකාලා සේම, පාර්ලිමේන්තුවේ 2/3 බහුතරයකින් ධූර කාලය වසර 5 සිට 6 දක්වා දීර්ඝ කර ගැනීමට හැකියාව පවතින බව ජැමෙයිකා තාක්ෂණ විශ්ව විද්‍යාලයේ හිටපු මහාචාර්ය නීතීඥ ප්‍රතිභා මහානාම මහතා සදහන් කරන බවද පැවසේ.

ඒ අවස්ථාවේ ජනමත විචාරණයක් නොපැවැත්වුණ බවද ඔහු කියා සිටී.

78 ආණ්ඩුක්‍රම ව්‍යවස්ථාවට අනුව 83(ආ) ව්‍යවස්ථාවේ ඇත්තේ ජනාධිපතිවරයාගේ ධූර කාලය හා පාර්ලිමේන්තුවේ ධූර කාලය සය අවුරුද්දක් ඉක්මවා දීඝ කරන්නා වූ පනත් කෙටුම්පතක් පාර්ලිමේන්තුවේ 2/3කින් සහ ජනමත විචාරණයකින් සම්මත විය යුතු බවයි.

යම් හෙයකින් ජනපතිවරයාට 2/3ක බහුතරයක් නැතිවුවහොත් ජාතික වැදගත්කමින් යුත් කාරණයක් ලෙස ජනමත විචාඑණයකින් සම්මත කර ගැනීමට හැකියාව පවතින බවද පැවසේ.

Continue Reading

පුවත්

“රටේ ආර්ථිකය තවමත් යහපත් නෑ: ආණ්ඩුවේ මැති ඇමතිවරුන්ට නම් වාසියි”

Published

on

By

මේ රටේ වංචා දූෂණ අඩු කර ගත යුතු බව අයි.එම්.එෆ්. එකත් ලෝක බැංකුවත් දිගින් දිගටම කියන බව සමගි ජන බලවේගයේ මහ ලේකම් රංජිත් මද්දුම බංඩාර මහතා කියයි.

ඔහු වැඩිදුරටත් මෙසේද කියා සිටී,

“අද අයි.එම්.එෆ්. ණය වාරිකය ලැබුණම වීරයෝ වගේ කෑ ගහනවා. නමුත් රටේ ආර්ථිකය තවමත් යහපත් වී නැහැ.

අද ජනතාව ඉන්නේ විශාල පීඩනයක. ඒ නිසා මේ මොන දේ ලැබුණත් ඒක ජනතාවට දැනෙන්නේ නැහැ. හැබැයි ආණ්ඩුවේ මැති ඇමැතිවරුන්ට නම් ඒකේ වාසිය ලැබිල තියෙන බව පේනවා.

ඒ අයට විදේශ සංචාර සුඛෝපභෝගී වාහන පහසුකම් ලැබිල තියෙනවා. නමුත් රටේ ජනතාවට කිසිදු සහනයක් ලැබී නැති බව සමගි ජන බලවේගයේ මහලේකම්, පාර්ලිමේන්තු මන්ත්‍රී රංජිත් මද්දුමබණ්ඩාර පෙන්වා දෙයි.”

(සිළුමිණ)

Continue Reading

කලා

ඇන්ටන් ගැන කුසල් කියන කතාව ජුනි 17දා එළිදකී

Published

on

By

නිදහස් වෙළෙඳකලාප හා පොදු සේවක සංගමයේ සම ලේකම් – ඇන්ටන් මාකස් මහතාගේ පනස් වසරක  වෘත්තිය සමිති දිවිය විවිරණය කරමින් ‘සීමා මායිම් නැති මානවවාදියා’ නමින් කෘතියක් ලබන සතියේදී එළිදැක්වීමට නියමිතය.

දේශපාලන විචාරක හා විශ්ලේෂක කුසල් පෙරේරා මහතා විසින් රචිත මෙම කෘතියේ ඉංග්‍රීසි අනුවාදය ‘Humanist Without Borders’ නමින්ද එළිදකිනු ඇත.

මෙම කෘති ද්විත්වය එළිදැක්වීමේ උළෙල ජුනි 17 වැනිදා ප.ව. 3.30 සිට කොළඹ ශ්‍රී ලංකා පදනම් ආයතනයේදී පැවැත්වීමට නියමිතය.

ගෞරවලාභී මහාචාර්ය ජයදේව උයන්ගොඩ මහතා හා නවසීලන්තයේ ‘ෆස්ට් යුනියන්’ හි හිටපු සභාපති හා ප්‍රධාන ලේකම් වන රොබට් රීඩ් මහතා විසින් මෙහිදී ආරාධිත දේශන පවත්වනු ඇත.

මේ එළිදැක්වීම සම්බන්ධයෙන් ‘ශ්‍රී ලංකා මිරර්’ වෙත අදහස් දක්වමින් කුසල් පෙරේරා මහතා පැවසුවේ :

“ඇන්ටන් ගෙ අවුරුදු 50ක වෘත්තීය සමිති ජීවිතය මම මේ පොතේ පැල කරන්නෙ අපේ රටේ දේශපාලන වර්ධනය තුලයි. හේතුව ඇන්ටන් පක්ෂ දේශපාලනයක් නෙකරුවාට, අදේශපාලන සත්වයෙක් නෙවෙයි. ඒ නිසා මං උත්සාහ කෙරුවෙ ආණ්ඩුක්‍රම ව්‍යවස්ථාවේ, ජාත්‍යන්තර සම්මුතිවල තිබුණට, සේවා ගරුත්වයක්, සේවක අයිතිවාසිකම්, සාධාරණත්වයක්  වෙනුවෙන් ඇන්ටන් ඔහුගෙ ජීවිතය කැප කෙරුවට, එය මොන නමකින් හැදින්වුවත් ජාවාරම් කාරයින් එක්ක ලේසි පහසු නැහැ කියලා ඇන්ටන් ගෙ අත්දැකීම් මගින්ම කියන්න.”

Continue Reading
Advertisement

Trending

Copyright © 2023 Sri Lanka Mirror. All Rights Reserved