Connect with us

පුවත්

තායිලන්තයට Free Visa

Published

on

ශ්‍රී ලංකාවෙන් පැමිණෙන අමුත්තන් ඇතුළු සංචාරකයන් වැඩි වශයෙන් ආකර්ෂණය කර ගැනීමේ අරමුණින් තායිලන්ත කැබිනට් මණ්ඩලය විසින් නව වීසා ප්‍රවර්ධනයන් අනුමත කර තිබේ.

එම වැඩපිළිවෙළේ කොටසක් ලෙස, ශ්‍රී ලාංකික සංචාරකයන්ට තායිලන්තයට ඇතුළුවීමට වීසා බලපත්‍රයක් අවශ්‍ය නොවන අතර දින 60ක් දක්වා රැඳී සිටිය හැකිය.

බැංකොක් පෝස්ට් පුවත්පතට අනුව, අන්තර්ජාතික සංචාරකයන් සඳහා තායිලන්තයේ ආකර්ෂණය වැඩි දියුණු කිරීමේ උත්සාහයේ කොටසක් වන මෙම පියවර 2024 ජූනි 1 වැනි දින සිට බලපැවැත්වෙනු ඇත.

හැකි තරම් සංචාරකයන් ආකර්ෂණය කරගැනීම සඳහා එරට විදේශ අමාත්‍යාංශය මෙම පියවර යෝජනා කළ බව රජයේ ප්‍රකාශක චයි වචරොන්කේ සඳහන් කර තිබේ.

මෙම වෙනස්කම් සමඟ, වීසා රහිත ඇතුළුවීමට සුදුසුකම් ලබන රටවල් සංඛ්‍යාව 57 සිට 93 දක්වා ඉහළ ගොස් ඇත.

පුවත්

ජනපතිට වසරක දිගුවක් !

Published

on

By

ජනමත විචාරයකින් තොරව පාර්ලිමේන්තුවේ තුනෙන් දෙකක බහුතරයකින් ජනාධිපති ධූර කාලය දීර්ඝ කර ගැනීමේ හැකියාව පිළිබඳව මේ වන විට සාකච්ඡා වෙමින් පවතින බව “මවුබිම” පුවත්පත වාර්තා කර තිබේ.

මේවන විට මේ පිළිබඳව නීති ක්ෂේත්‍රයේ විශාදයින්ගේ මතය විමසීමට ජනපතිවරයාට හිතවත් පාර්ශව කටයුතු කර ඇති බවත්, ඔවුන්ගේ මතය වී ඇත්තේ ජනපතිවරයාගේ ධූර කාලය මේ අයුරින් වසර 5 සිට 6 දීර්ඝ කිරීමට අවස්ථාවක් ඇති බව යැයි එම පුවත්පත වැඩිදුරටත් වාර්තා කර ඇත.

2015 ආණ්ඩුක්‍රම ව්‍යවස්ථාවේ 19 වැනි සංශෝධනයෙන් ජනපතිවරයාගේ වසර 6ක්ව පැවැති ධූර කාලය වසර 5ක් දක්වා ඒ අවස්ථාවේ අඩුකාලා සේම, පාර්ලිමේන්තුවේ 2/3 බහුතරයකින් ධූර කාලය වසර 5 සිට 6 දක්වා දීර්ඝ කර ගැනීමට හැකියාව පවතින බව ජැමෙයිකා තාක්ෂණ විශ්ව විද්‍යාලයේ හිටපු මහාචාර්ය නීතීඥ ප්‍රතිභා මහානාම මහතා සදහන් කරන බවද පැවසේ.

ඒ අවස්ථාවේ ජනමත විචාරණයක් නොපැවැත්වුණ බවද ඔහු කියා සිටී.

78 ආණ්ඩුක්‍රම ව්‍යවස්ථාවට අනුව 83(ආ) ව්‍යවස්ථාවේ ඇත්තේ ජනාධිපතිවරයාගේ ධූර කාලය හා පාර්ලිමේන්තුවේ ධූර කාලය සය අවුරුද්දක් ඉක්මවා දීඝ කරන්නා වූ පනත් කෙටුම්පතක් පාර්ලිමේන්තුවේ 2/3කින් සහ ජනමත විචාරණයකින් සම්මත විය යුතු බවයි.

යම් හෙයකින් ජනපතිවරයාට 2/3ක බහුතරයක් නැතිවුවහොත් ජාතික වැදගත්කමින් යුත් කාරණයක් ලෙස ජනමත විචාඑණයකින් සම්මත කර ගැනීමට හැකියාව පවතින බවද පැවසේ.

Continue Reading

පුවත්

“රටේ ආර්ථිකය තවමත් යහපත් නෑ: ආණ්ඩුවේ මැති ඇමතිවරුන්ට නම් වාසියි”

Published

on

By

මේ රටේ වංචා දූෂණ අඩු කර ගත යුතු බව අයි.එම්.එෆ්. එකත් ලෝක බැංකුවත් දිගින් දිගටම කියන බව සමගි ජන බලවේගයේ මහ ලේකම් රංජිත් මද්දුම බංඩාර මහතා කියයි.

ඔහු වැඩිදුරටත් මෙසේද කියා සිටී,

“අද අයි.එම්.එෆ්. ණය වාරිකය ලැබුණම වීරයෝ වගේ කෑ ගහනවා. නමුත් රටේ ආර්ථිකය තවමත් යහපත් වී නැහැ.

අද ජනතාව ඉන්නේ විශාල පීඩනයක. ඒ නිසා මේ මොන දේ ලැබුණත් ඒක ජනතාවට දැනෙන්නේ නැහැ. හැබැයි ආණ්ඩුවේ මැති ඇමැතිවරුන්ට නම් ඒකේ වාසිය ලැබිල තියෙන බව පේනවා.

ඒ අයට විදේශ සංචාර සුඛෝපභෝගී වාහන පහසුකම් ලැබිල තියෙනවා. නමුත් රටේ ජනතාවට කිසිදු සහනයක් ලැබී නැති බව සමගි ජන බලවේගයේ මහලේකම්, පාර්ලිමේන්තු මන්ත්‍රී රංජිත් මද්දුමබණ්ඩාර පෙන්වා දෙයි.”

(සිළුමිණ)

Continue Reading

කලා

ඇන්ටන් ගැන කුසල් කියන කතාව ජුනි 17දා එළිදකී

Published

on

By

නිදහස් වෙළෙඳකලාප හා පොදු සේවක සංගමයේ සම ලේකම් – ඇන්ටන් මාකස් මහතාගේ පනස් වසරක  වෘත්තිය සමිති දිවිය විවිරණය කරමින් ‘සීමා මායිම් නැති මානවවාදියා’ නමින් කෘතියක් ලබන සතියේදී එළිදැක්වීමට නියමිතය.

දේශපාලන විචාරක හා විශ්ලේෂක කුසල් පෙරේරා මහතා විසින් රචිත මෙම කෘතියේ ඉංග්‍රීසි අනුවාදය ‘Humanist Without Borders’ නමින්ද එළිදකිනු ඇත.

මෙම කෘති ද්විත්වය එළිදැක්වීමේ උළෙල ජුනි 17 වැනිදා ප.ව. 3.30 සිට කොළඹ ශ්‍රී ලංකා පදනම් ආයතනයේදී පැවැත්වීමට නියමිතය.

ගෞරවලාභී මහාචාර්ය ජයදේව උයන්ගොඩ මහතා හා නවසීලන්තයේ ‘ෆස්ට් යුනියන්’ හි හිටපු සභාපති හා ප්‍රධාන ලේකම් වන රොබට් රීඩ් මහතා විසින් මෙහිදී ආරාධිත දේශන පවත්වනු ඇත.

මේ එළිදැක්වීම සම්බන්ධයෙන් ‘ශ්‍රී ලංකා මිරර්’ වෙත අදහස් දක්වමින් කුසල් පෙරේරා මහතා පැවසුවේ :

“ඇන්ටන් ගෙ අවුරුදු 50ක වෘත්තීය සමිති ජීවිතය මම මේ පොතේ පැල කරන්නෙ අපේ රටේ දේශපාලන වර්ධනය තුලයි. හේතුව ඇන්ටන් පක්ෂ දේශපාලනයක් නෙකරුවාට, අදේශපාලන සත්වයෙක් නෙවෙයි. ඒ නිසා මං උත්සාහ කෙරුවෙ ආණ්ඩුක්‍රම ව්‍යවස්ථාවේ, ජාත්‍යන්තර සම්මුතිවල තිබුණට, සේවා ගරුත්වයක්, සේවක අයිතිවාසිකම්, සාධාරණත්වයක්  වෙනුවෙන් ඇන්ටන් ඔහුගෙ ජීවිතය කැප කෙරුවට, එය මොන නමකින් හැදින්වුවත් ජාවාරම් කාරයින් එක්ක ලේසි පහසු නැහැ කියලා ඇන්ටන් ගෙ අත්දැකීම් මගින්ම කියන්න.”

Continue Reading
Advertisement

Trending

Copyright © 2023 Sri Lanka Mirror. All Rights Reserved