Connect with us

පුවත්

දලයි ලමා ලංකාවට ගේන්න හදන්නේ චීන මිතුදම අවුල් කරන්න?

Published

on

තමන් වහන්සේ විසින් ටිබෙටයේ ආධ්‍යාත්මික නායක – දලයි ලාමා හිමියන්ට ශ්‍රී ලංකාවේ සංචාරයකට ආරාධනා කර ඇති බවත්, උන් වහන්සේ එම ගෞරවනීය ආරාධනාව පිළිගත් බව ලිඛිතව දැනුම් දී ඇතැයි ශ්‍රී ලංකා අමරපුර මහා නිකායේ ශ්‍රී සම්බුද්ධ ශාසනෝදය සංඝ සභාවේ මහනායක අති පූජ්‍ය ආචාර්ය වස්කඩුවේ මහින්දවංශ නාහිමියන් කියති.

දලයි ලාමා හිමියන්ට උපහාර දැක්වීමක් වශයෙන් පසුගිය 06දා උන්වහන්සේගේ 88 වැනි ජන්ම දිනයට යෙදී තිබුණු, කැලණිය විශ්වවිද්‍යාල පරිශ්‍රය ආශ්‍රිතව පැවැති උත්සවයකදීය.

මෙම උත්සවය, කැලණි සරසවියේ පාලි හා බෞද්ධ අධ්‍යයන අංශය, දර්ශනය අධ්‍යයන අංශය හා සංස්කෘත හා පෙරදිග අධ්‍යයන අංශය මෙන්ම බෞද්ධ සහෝදරත්ව පදනම, ශ්‍රී ලංකා – ටිබෙට්  බෞද්ධ සහෝදරත්ව පදනම හා අන්තර්ජාතික බෞද්ධ මහා සම්මේලනය යන ආයතන හා සංවිධානවල සහයෝගීත්වයෙන් හා සංවිධානයෙන් යුතුව පවත්වා තිබිණි.

මේ ආරාධනාව සිදුකරනු ලැබුවේ වසර 2022දී වසරේදී දලයිලාමා හිමියන් සිය වාර්ෂික සංචාරය ආරම්භ කරමින් බුද්ධගයාවට පැමිණි අවස්ථාවේදී බවත්, එම අවස්ථාවට තමන් වහන්සේද ශ්‍රී ලංකා දූත පිරිසක් හා එක් වූ බවත් මහින්දවංශ නාහිමියන් පැවසීය.

එම උත්සවය අමතමින් මහින්දවංශ නාහිමියන් සිදු කළ දේශනයේදී, උන්වහන්සේ පවසා ඇත්තේ 14 වැනි ශුද්ධෝත්තම දලයි ලාමා හිමියන් ශ්‍රී ලංකාවට ගෙනඒම ඉතා වැදගත් බවයි.

ශ්‍රී ලංකාව වෙත දලයි ලාමා හිමියන්ගේ ආගමනයක් සිදුවන්නේ නම් උන්වහන්සේගේ පැමිණීමත් සමඟම ලොව පුරා සිටින ලක්ෂ සංඛ්‍යාත අනුගාමිකයින් සහ බැතිමතුන් ශ්‍රී ලංකාව වෙත පැමිණීමෙන් ලංකාවේ සංචාරක කර්මාන්තයේ විශාල ප්‍රබෝධයක් ඇති වනවාට අමතරව ශුද්ධෝත්තම දලයි ලාමා හිමියන්ගේ බැතිමතුන් වන ඇමරිකාවේ, යුරෝපයේ, ජපානයේ, සහ තායිලන්තයේ වෙසෙන මහා පරිමාණ ආයෝජකයින් මේ සමඟම ශ්‍රී ලංකාවට පැමිණීමෙන් ශ්‍රී ලංකාවේ ව්‍යාපාර ක්ෂේත්‍රයට ඔවුනගේ දායකත්වය ලබාගැනීමේ කාර්යයද නිතැතින්ම සිදුවන බවද උන් වහන්සේ වැඩිදුරටත් පැවසූහ.

ශ්‍රී ලංකාව තුළ මේ වන විට උද්ගතව ඇති ආර්ථික අර්බුදය සමනය කරගැනීමට එය මනා ශක්තියක් වනු ඇති බවට නොඅනුමාන යැයි මහින්දවංශ නාහිමියන් කීහ.

“දලයි ලාමා සංචාරයකින් චීන – ලංකා මිතුදම පළුදු විය හැක”

කෙසේවෙතත්, පසුගිය ජනවාරියේදී ‘ශ්‍රී ලංකා මිරර්’ සමග පැවති විශේෂ සම්මුඛ සාකච්ඡාවකදී කොළඹ චීන තානාපති කාර්යාලයේ වැඩබලන තානාපති – හූ වෙයි මහතා පවසා සිටියේ දලයි ලාමා හිමිගේ සංචාරයකින් ශ්‍රී ලංකාව සහ චීනය අතර මිත්‍රත්වය පළුදු විය හැකි බවයි.

දෙරට අතර පවතින අන්‍යෝන්‍ය විශ්වාසය ‘එක් චීනයක්’ ප්‍රතිපත්තිය මත පදනම් වූවක් බව පැහැදිලි කළ හූ වෙයි මහතා යාපනය හෝ මහනුවර ශ්‍රී ලංකාවේ කොටසක් වන්නා ලෙස, ටිබෙටයද ස්වාධීන රටක් නොව චීනයේ කොටසක් බවද ඔහු එම අවස්ථාවේදී පැහැදිලි කළේය.

මේ පිළිබඳව මාධ්‍ය වාර්තා පළ වී තිබුණු බවත්, සිය මහනුවර සංචාරයේදී මහා නායක හිමිවරුන් ඇතුළු භික්ෂූන් වහන්සේලා සමඟ මේ ගැන සාකච්ඡා කළ බවත්, ඔවුන් කිසිවෙක් එවැනි සංචාරකයකට ආරාධනයක් සිදුනොකළ බවට සහතික වූ බවත් හූ වෙයි මහතා වැඩිදුරටත් සඳහන් කළේය.

මේ අතර, පසුගිය මාසයේදී චීනයේ සංචාරයක නිරත වූ ශ්‍රී ලංකා විදේශ කටයුතු පිළිබඳ ඇමති – අලි සබ්‍රි මහතා, බෙයිජිං අගනුවරදී එරට විදේශ කටයුතු පිළිබඳ ඇමති – චින් ගංග් හමුවූ අවස්ථාවේදී සනාථ කර තිබුණේ ‘එක් චීනයක්’ ප්‍රතිපත්තියට මෙන්ම ‘එක් තීරයක් එක් මාවතක්’ ව්‍යාපෘතියට ශ්‍රී ලංකාවේ අඛණ්ඩ සහය හිමි වන බවයි.

සබැදි පුවත් :

“දලයි ලාමාගේ සංචාරයකින් ශ්‍රී ලංකා – චීන මිත්‍රත්වය පළුදු විය හැක” (වීඩියෝ)

පුවත්

පුත්තලමේ පාසල් සඳහා හෙටත් නිවාඩු

Published

on

By

පවතින අයහපත් කාලගුණික තත්ත්වය හේතුවෙන් පුත්තලම දිස්ත්‍රික්කයේ සියලුම පාසල් හෙට (21) දිනයේදීත් වසා තැබීමට තීරණය කර තිබේ.

වයඹ පළාත් අධ්‍යාපන අධ්‍යයක්‍ෂ කාර්යාලය ඒ බව නිවේදනය කළේය.

Continue Reading

පුවත්

කෙහෙළිය යළිත් රිමාන්ඩ්

Published

on

By

හිටපු සෞඛ්‍ය අමාත්‍ය කෙහෙළිය රඹුක්වැල්ල මහතා ඇතුළු සැකකරුවන් 8 දෙනෙක් ජුනි මස 03 වනදා දක්වා නැවතත් රක්ෂිත බන්ධනාගාරගත කිරීමට අධිකරණය නියෝග කර තිබේ.

ඒ ප්‍රශ්නගත ඉමියුනෝග්ලොබියුලීන් ඖෂධ සිද්ධිය සම්බන්ධයෙන් එම සැකකරුවන් අද (20) මාළිගාකන්ද අධිකරණයට ඉදිරිපත් කළ අවස්ථාවේදී ය.

Continue Reading

පුවත්

විජයදාස ට සහ කීර්ති ට වාරණයක්

Published

on

By

ශ්‍රී ලංකා නිදහස් පක්ෂයේ සභාපතිවරයා ලෙස විජයදාස රාජපක්ෂ සහ වැඩ බලන මහලේකම් ලෙස කීර්ති උඩවත්ත යන මහත්වරු  කටයුතු කිරීම වළක්වාලමින් කොළඹ දිසා අධිකරණය වාරණ නියෝගයක් නිකුත් කර තිබේ.

පාර්ලිමේන්තු මන්ත්‍රී දුමින්ද දිසානායක මහතා විසින් ඉදිරිපත් කළ පැමිණිල්ලක් සලකා බැලීමෙන් අනතුරුව කොළඹ දිසා විනිසුරු සඳුන් විතාන මහතා මෙම නියෝගය නිකුත් කළේය.

Continue Reading

Trending

Copyright © 2023 Sri Lanka Mirror. All Rights Reserved