ජාතික ගොඩනැගිලි පර්යේෂණ සංවිධානය විසින් දිස්ත්‍රික් 04ක් සඳහා නායයෑමේ අනතුරු ඇඟවීමේ නිවේදන නිකුත් කර තිබේ.
එම සංවිධානයේ ජ්‍යෙෂ්ඨ විද්‍යාඥ වසන්ත සේනාධීර පැවසුවේ ගාල්ල,මාතර, කළුතර සහ රත්නපුර යන දිස්ත්‍රික්ක සඳහා එම නායයෑම් අනතුරු ඇඟවීමේ නිවේදනය නිකුත් කර ඇති බවයි.
ඒ අනුව මාතර දිස්ත්‍රික්කයේ පිටබැද්දර, විශේෂයෙන් කළුබෝවිටියාන යන ප්‍රදේශවල ජනතාවට අවධානයෙන් සිටින ලෙස දන්වා තිබේ.
මේ අතර, කළුතර දිස්ත්‍රික්කයේ වලල්ලාවිට, පාලින්දනුවර, මතුගම, අගලවත්ත හා බුලත්සිංහල යන ප්‍රදේශවලත් ගාල්ල දිස්ත්‍රික්කයේ නාගොඩ හා නෙළුව ප්‍රදේශවල ජනතාවටත් මෙලෙස නායයෑමේ අනතුරු ඇඟවීම් නිකුත් කර තිබේ.
