පෙරටුගාමී සමාජවාදී පක්ෂයේ දුමින්ද නාගමුව විසින් සිදුකළ ප්රකාශයක් සම්බන්ධයෙන් මහජන ආරක්ෂක අමාත්ය ටිරාන් අලස් මහතා අපරාධ පරීක්ෂණ දෙපාර්තුමේන්තුවට ඊයේ (15) පැමිණිල්ලක් ඉදිරිපත් කර ඇත.
එහිදී දුමින්ද නාගමුව මහතා පසුගිය 12දා පැවති මාධ්ය හමුවකදී ටිරාන් අලස් මහතා ජනතා විමුක්ති පෙරමුණ සමග යුරෝපයේ දූපතක මුදල් ආයෝජනය කර ඇති බව පවසා තිබුණි. ඒ අනුව මෙම ප්රකාශය පිළිබඳව විමර්ශනයක් ඉල්ලා ඊයේ පස්වරුවේ අමාත්යවරයා අපරාධ විමර්ශන දෙපාර්තුමේන්තුවට පැමිණිල්ලක් ඉදිරිපත් කර තිබුණි.
එහිදී අමාත්යවරයා ප්රකාශ කර සිටියේ තමා සැමවිටම තරාතිරම නොබලා නීතිය අකුරටම ක්රියාත්මක කිරීමට නියෝග දුන් බවත් මෙම සිද්ධියේදීද එය එසේම ක්රියාත්මක වෙතැයි බලාපොරොත්තු වන බවයි.
විශේෂයෙන්ම මෙවැනි චෝදනාවන්හි සත්ය අසත්යතාවය ජනතාව කඩිනමින් දැනගත යුතුබව අමාත්යවරයා වැඩිදුරටත් පැවසීය.