බිබිල නිල්ගල වන රක්ෂිතයේ අද (24) දවල් ඇතිවු ගින්නක් හේතුවෙන් අක්කර සිය ගණනක පමණ භුමියේ ගස් වැල් දැවීගොස් ඇතැයි වාර්තා වේ.
මේ ගින්න පැය තුනකට ආසන්න කාලයක් පැවැති බවද පැවසේ.
බුද්ධදාස රජුගේ ඔසු උයන නමින් හදුන්වන නිල්ගල ඖෂධීය වනයේ අරළු, බුළු, නෙල්ලි කුඩුම්බේරිය කොළ, බිම් කොහොඹ ඇතුලු ඖෂධ ශාක හා කළුවර, බුරුත, ගම්මාලු, ඇතුලු වටිනා දැව ගස් හා අලි, කොටි, වළසුන්, වල්ඌරන්, මිමින්නන්, හාවුන්, මුවන්, ගෝනුන්, පක්ෂීන් හා උරගයින් ඇතුලු දුර්ලබ වර්ගයේ වන සතුන් විශාල වශයෙන් වෙසෙන අක්කර හැටපන්දහසක වනයකි.
සෑම වසරකම නියං කාලය වන ජුලි සිට සැප්තැම්බර් මාසවලදී වනය විටින් විට මාස දෙක තුනක් තිස්සේ ගිනි ගැනීමෙන් අක්කර දහස් ගණනක් ගින්නට හසුවී වනයේ යටි රෝපනය වන මානම් ඉලුක් ඇතුලු ශාක
විනාශ වී යන බව ගම්වාසීන් කියයි.
