පෞරාණික වටිනාකමක් ඇති බව පැවසෙන පිඟානක් ලබාදෙන බව පවසමින් මුදල් වංචා කළ පොලිස් සැරයන්වරයෙකු මාතලේ විශේෂ අපරාධ විමර්ශන ඒකකය විසින් අත්අඩංගුවට ගෙන ඇත.
මෙලෙස අත්අඩංගුවට ගෙන ඇත්තේ වෙලම්බඩ පොලිසියට අනුයුක්තව රාජකාරි කරන පොලිස් සැරයන්වරයෙකු බව වාර්තා වේ.
මෙම පිඟාන පුද්ගලයෙකුට ලබාදෙන බවට පවසමින් රු. ලක්ෂ 25 ක මුදලක් වංචා කර ඇති බව මාතලේ විශේෂ අපරාධ විමර්ශන ඒකකය පවසයි.
මෙම වංචාවට සම්බන්ධ කාන්තාවක් සහ පිරිමි පුද්ගලයෙකු මීට පෙරද අත්අඩංගුවට ගෙන අධිකරණයට ඉදිරිපත් කළ බවද පොලිසිය වැඩිදුරටත් කියා සිටියි.
