සෙංකඩගල ඇසළ පෙරහර මංගල්‍යයේ ප්‍රථම රන්දෝලි පෙරහර අද (15) පස්වරු 6.45 ට යෙදෙන සුභ මොහොතින් වීදි සංචාරය කිරීමට නියමිතය.
ඒ අනුව ප්‍රථම රන්දෝලි පෙරහර දළදා වීදිය, ඩී එස් සේනානායක වීදිය පන්සල පාරෙන් ඉහළට පැමිණ කොළඹ වීදිය, ඊ එල් සේනානායක වීදිය, හරස් වීදිය, ඩී එස් සේනානායක වීදිය, රජ වීදිය ඔස්සේ ඉහළට පැමිණ ගෙවැදීමට නියමිතව තිබේ.
අවසන් රන්දෝලි පෙරහර ලබන 19 වැනිදා රාත්‍රියේ වීදි සංචාරය කෙරෙනු ඇත.
ඊට පසුදින අලුයම දිය කැපීම සහ දහවල් පෙරහර සමගින් මෙවර වාර්ෂික ඇසළ පෙරහර මංගල්‍යය නිමාවට පත්වන බව දියවඩන නිලමේ ප්‍රදිප් නිලංග දෑල මහතා සදහන් කළේය.
ඇසල පෙරහර මංගල්‍යයේ අවසන් කුඹල් පෙරහැර පසුගිය 10 වැනිදා සිට දින 5 ක් වීදි සංචාරය කිරීම සිදුවිය.
