Connect with us

පුවත්

ප්‍රියමාලිගේ හඬපටවලට නිලියන් 2ක් අත්අඩංගුවට!

Published

on

තිළිණි ප්‍රියමාලි නැමැත්තියගේ මුල්‍ය වංචාවට අදාළව තවත් ජනප්‍රිය නිළියන් දෙදෙනකු ගැන ලැබී ඇති සාක්ෂි මත ඔවුන් ඉදිරියේදී අත්අඩංගුවට ගැනෙනු ඇතැයි වාර්තා වේ.

මෙම තැනැත්තියන්ගෙන් එක් අයකුගෙන් දැනටමත් රහස් පොලීසිය මූලික ප්‍රශ්න කිරීමක් සිදු කර ඇතැයිද පොලිස් ආරංචි මාර්ගවලින් වාර්තා වේ.

තිළිණි ප්‍රියමාලිගේ හඬපට ඔස්සේ සිදු කරන ලද පරීක්ෂණවලින් තහවුරු වූ කරුණු අනුව එක්තරා ජනප්‍රිය නිළියකගෙන් කරන ලද ප්‍රශ්න කිරීමේදී හඬපටවල ඇති අසභ්‍ය සංවාද සම්බන්ධයෙන් තමන්ට කිසිවක් මතක නැතැයි ඇය පවසා ඇති බවද මේ අතර වාර්තා වේ.

ඒ අතර දැනට මේ සම්බන්ධයෙන් අත්අඩංගුවට ගෙන සිටින මාර්ගඵල ලාභියෙක් බව කියන බොරැල්ලේ සිරිසුමන හිමියන් සම්බන්ධයෙන් රහස් පොලීසිය කරන ලද පරීක්ෂණවලදී තහවුරු වී ඇත්තේ ප්‍රියමාලිගේ ඉල්ලීම අනුව එක්තරා ධනවත් ව්‍යාපාරිකයකු හමුවට ගොස් එහිමි ආවේශ වී (මායම් වී) ඔහු ළඟ ඇති කෝටි 75ක පමණ මුදලක් ප්‍රියමාලි ළඟ තැන්පත් කරන ලෙසත් එසේ නොකළහොත් ඔහුට මහත් ව්‍යසනයකට මුහුණ දෙන්නට සිදුවනු ඇති බවත් කියා බියට පත් කළ බවය.

ප්‍රියමාලිගේ රත්රන් පොලු ජාවාරමකට සම්බන්ධ ගනුදෙනුවක් සම්බන්ධයෙන්ද සිරිසුමන හිමියන් ගැන වෙනම පරීක්ෂණයක් සිදු කරන බව පොලීසිය පවසයි.

මේ අතර, මේවන විට තිළිණි ප්‍රියමාලිට ආධාර අනුබල දීමේ චෝදනා මත අත්අඩංගුවට ගෙන රිමාන්ඩ් බන්ධනාගාරගත කර සිටිනක්‍රිස් සමූහ ව්‍යාපාරයේ අධ්‍යක්ෂවරියක් වන ජානකී සිරිවර්ධන නැමැත්තිය මේ ගනුදෙනු සඳහා සෘජුව සම්බන්ධ බව සොයාගෙන තිබේ.

තිළිණි ප්‍රියමාලිගේ මූල්‍ය ගනුදෙනු සිදුව ඇත්තේ කොළඹ කොටුවේ ක්‍රිස් ගොඩනැඟිල්ලේ බවත් ඇයගේ ආයතනයට ඉන්දියාවෙන් මුදල් ලැබී ඇති බවත් අපරාධ පරීක්ෂණ දෙපාර්තමේන්තුව සොයාගෙන ඇත.

එසේම, ප්‍රිමාලිගේ ආයතනයේ සේවකයන්ට රුපියල් ලක්ෂ 50 කට අධික වැටුප් ලබා දී ඇති අතර, එම ආයතනයට මෙම මුදල් ලැබී ඇත්තේ කෙසේ දැයි මේවන විට පරීක්ෂණ සිදුකෙරෙන බවද වාර්තා වේ.

පුවත්

විදුලි සැර වැදී පුද්ගලයෙක් මරුට

Published

on

By

මුන්දලම – බරලන්කට්ටුව ප්‍රදේශයේ සිය සත්ත්ව ගොවිපලේ විදුලි අළුත්වැඩියා කටයුත්තක් කරමින් සිටි ව්‍යාපාරිකයෙකු විදුලිය සැර වැදීමෙන් මිය ගොස් ඇති බව මුන්දලම පොලීසිය පවසයි.

මිය ගොස් ඇත්තේ ගම්පහ – ඉඹුල්ගොඩෙ පදිංචිව සිටි මොනර පිටිකුඹුරමුල්ලගේ සනත් කුමාර නම් අයෙකි.

මිය ගොස් ඇති පුද්ගලයා ඉකුත් 20 වැනිදා සවස තමන් විසින් ප්‍රදේශයේ පවත්වා ගෙන යන සත්ත්ව ගොවිපලක දොරක් අළුත්වැඩියා කරමින් සිට ඇත.

එම අවස්ථාවේ ඇති වූ විදුලිය කාන්දුවීමකින් ඔහු අනතුරට පත්ව ඇතැයි පොලීසිය ප්‍රකාශ කලේය.

Continue Reading

පුවත්

නාවිකයන්ට හා ධීවරයන්ට රතු නිවේදනයක්

Published

on

By

තද වැසි සහ තද සුළං සහ රළු මුහුද පිළිබඳ අනතුරු ඇඟවීමේ රතු නිවේදනයක් නිකුත් කර තිබේ.

ඒ අනුව කල්පිටිය සිට කොළඹ, ගාල්ල සහ හම්බන්තොට හරහා පොතුවිල් දක්වා වන මුහුදු ප්‍රදේශවල ජනතාවට සැලකිලිමත් වන ලෙස දැනුම් දී තිබේ.

කොළඹ සිට ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශවල සුළඟේ වේගය විටින් විට පැ.කි.මී 60 – 70 දක්වා වැඩි වන අතර මුහුදු ප්‍රදේශ විටින් විට ඉතා රළු වේ.

මෙම මුහුදු ප්‍රදේශයට නැවත දැනුම්දෙන තුරු යාත්‍රා නොකරන ලෙස නාවික හා ධීවර ප්‍රජාවන්ට ද දැනුම් දී තිබේ.

කල්පිටිය සිට කොළඹ, ගාල්ල සහ හම්බන්තොට හරහා පොතුවිල් දක්වා වෙරළට ඔබ්බෙන් වන මුහුදු ප්‍රදේශවල මුහුදු රළ උස මීටර් 2.5 – 3ක් පමණ ඉහළ යෑමේ හැකිවක් පවතින බව ද කාලගුණවිද්‍යා දෙපාර්තමේන්තුව නිවේදනය කරයි.

මේ හේතුවෙන් කොළඹ සිට ගාල්ල හරහා මාතර දක්වා ප්‍රදේශවල මුහුදු රළ ගොඩබිමට පැමිණීමේ හැකිවක් පවතී.

Continue Reading

ක්‍රීඩා

කුසල්ට වීසා ලැබෙයි

Published

on

By

ශ්‍රී ලංකා ක්‍රිකට් කණ්ඩායමේ පිතිකරු කුසල් මෙන්ඩිස් හට අමෙරිකානු වීසා ලැබී තිබේ.

ඒ, ආරම්භ වීමට නියමිත විස්සයි විස්ස ලෝක කුසලාන ක්‍රිකට් තරගාවලියට සහභාගී වීම සඳහාය.

ඒ අනුව ඔහු ඉදිරි‌යේ දී අමෙරිකාව බලා පිටත්ව යනු ඇත.

ශ්‍රී ලංකා ජාතික කණ්ඩායම පසුගිය සතියේ අමෙරිකාව බලා පිටත්ව ගිය නමුත් කුසල් මෙන්ඩිස්ට වීසා ලබා ගැනීම ප්‍රමාද වීම හේතුවෙන් ඔහුට එක්වීමට නොහැකි විය.

එක්සත් ජනපද තානාපති කාර්යාලයට අවශ්‍ය අමතර තොරතුරු මත වීසා බලපත්‍රය ප්‍රමාද වූ බව සඳහන් වේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved