පොදුජන එක්සත් පෙරමුණ ඉදිරි මැතිවරණවලදී එජාපය ප්‍රමුඛ පක්ෂ පහළොවක් සමඟ පුළුල් සන්ධානයක් යටතේ තරග කරන බව කෝප් කමිටු සභාපති, පාර්ලිමේන්තු මන්ත්‍රී මහාචාර්ය රංජිත් බණ්ඩාර මහතා කියයි.
මහනුවර දිස්ත්‍රික් ලේකම් කාර්යාලයේදී පෙරේදා (14) පැවැති මාධ්‍ය හමුවේදී අදහස් දක්වමින් ඒ මහතා මේ බව ප්‍රකාශ කර තිබේ.
එහිදී දේශපාලනයේ සදාකාලික සතුරන් හෝ මිතුරන් නොසිටින බවද හෙතෙම අවධාරණය කර තිබේ.
මේ වන විට දක්ෂිණාංශික හා වාමාංශික ලෙස දේශපාලනයේ බෙදීමක් නැති බවත්, 1977න් පසු බලයට පැමිණි සෑම රජයක් විසින්ම අඩු වැඩි වශයෙන් නිදහස් ආර්ථික ප්‍රතිපත්තිය ඉදිරියට ගෙන යෑම සිදු කළ බවද ඔහු එහිදී පවසා ඇත.
