Connect with us

පුවත්

බැරිකේඩ් සටන්කාමිත්වය හා මාධ්‍යවේදය

Published

on

තරිඳු උඩුවරගෙදර පුද්ගලයෙකු හැටියට මතභේදාත්මක චරිතයකි. එය ඔහු රාවයේ වාර්තාකරුවකු වූ කාලයේ සිටම එසේය. නමුත් මෙදා ඔහුගේ ඒ ආවේනික අවුල ගැන කතා කිරීමට පෙර, පොලීසිය ඔහුව අත් අඩංගුවට ගැනීම හා අත් අඩංගුවට ගත් අකාරය ගැන නිශ්චිත කරුණක් කිව යුතුය. කවර හේතුවක් සඳහා වූවත් පුද්ගලයෙකු අත්අඩංගුවට ගැනීමේ විනයානුකූල පිළිවෙතක් පොලීසියට තිබිය යුතුය. අත්අඩංගුවට ගනු ලබන්නාට සැළකිය යුතු ශිෂ්ට, විනීත පිළිවෙතක් පොලීසියට තිබිය යුතුය. එය පාතාලයින්ගේ ඇණකොටා ගැනීමක් ලෙස සමාජය හමුවේ ප්‍රදර්ශනය නොවන්නක් විය යුතුය.

තරිඳු අත්අඩංගුවට ගැනීම විශේෂයෙන් හෙළා දැකිය යුත්තේත්, ඊට විරුද්ධ විය යුත්තේත් එවැනි කිසිත් නොවුනු නිසාය.

තරිඳුගේ මාධ්‍්‍ය භාවිතය හා දේශපාලන සටන්කාමිත්වය ගැන මගේ කියවීම කෙටියෙන් මෙවැනිය.

ගාලුමුවදොර #GotaGoHome විරෝධය කාලයේ සිට තරිඳුගේ මා දුටු අවුල වූයේ, ඔහු සිද්ධි ආවරණය කිරීමේ මාධ්‍්‍ය වගකීම හා තමන් නොපිළිගන්නා, තමන් විරුද්ධවන කාරණයකදී පුරවැසි මැදිහත්වීම අතර පැහැදිලි වෙනසක් ඇතැයි නොපිළිගැනීමය.

ඔහු එවැනි විරෝධයන්හි අනෙකුන් ඉදිරියේ වඩාත්ම ගෝසාකාරී විරෝධයේ නියෝජිතයෙකු වීමේ උත්සාහයක් පෙන්වන්නෙකි. එයට ඇති අයිතිය මාධ්‍්‍ය ආවරණයකදී මාධ්‍්‍යවේදියෙකුට ඇති අයිතිය නොවේ. එයට ඇත්තේ ආණ්ඩුක්‍රම ව්‍යවස්ථාවෙන් සහතික කෙරෙන මූලික මානව හිමිකම් වන සංවිධානයවීමේත් තනිව හෝ සාමුහිකව අදහස් ප්‍්‍රකාශ කිරීමේත් අයිතිය ය.

එහෙත් තරිඳු හැමවිටම උත්සාහ කරන්නේ ඒ මූලික අයිතිය වෙනුවෙන් දැඩිව සිට ගැනීම වෙනුවට, ඔහු මාධ්‍්‍යවෙදියකු යැයි සිද්ධි ආවරණය කිරීමේ නිදහස යටතේ ආරක්ෂාවීමට ය. එය විරෝධතාවලට හවුල්වන, යුක්තිය සාධාරණත්වය වෙනුවෙන් තම ආරක්ෂාව කැප කරන අනෙක් සටන්කාමීන්ට නොමැති ආවරණයකට මුවා වෙන දෙබිඩි, වංක පිළිවෙතකි.

එසේ වූවත් විරෝධතාකරුවකු අත් අඩංගුවට ගත යුත්තේ තරිඳු අත් අඩංගුවට ගත් අශිෂ්ට ක්‍රමයට නෙවෙන්නේ යැයි මම නැවත කියමි. එනිසා මේ අත් අඩංගුවට මා විරුද්ධ වන්නේ තරිඳු වෙනුවෙන් නොව, බැරිකේඩ් ඉදිරියේ වුවද අදහස් ප්‍රකාශ කිරීමට, පුරවැසියනට ඇති අයිතිය වෙනුවෙනි.

පුවත්

දුම්රිය වර්ජනය කල් යයි (UPDATE)

Published

on

By

උසස්වීම් ඇතුළු ගැටලු කිහිපයක් මුල් කරගනිමින් අද (19) මධ්‍යම රාත්‍රි සිට ක්‍රියාත්මක කිරීමට නියමිතව තිබූ දුම්රිය නියාමකවරුන්ගේ වැඩවර්ජනය සති දෙකක කාලයක් සඳහා කල්දමා තිබේ.


(පෙර පුවත 2025 ජූනි 19 පෙ.ව.7.30 )

දුම්රිය නියාමකවරු අද රෑට වැඩ වර්ජනයක් අරඹයි

උසස්වීම් ඇතුළු ගැටලු කිහිපයක් මුල් කරගනිමින් අද (19) මධ්‍යම රාත්‍රී සිට පැය 48ක සංකේත වැඩවර්ජනයක නිරත වන බව දුම්රිය නියාමකවරුන්ගේ සංගමය පවසයි.

සිය ඉල්ලීම් සම්බන්ධයෙන් අද පෙරවරුවේ දුම්රිය බලධාරින් සමග පැවත්වෙන සාකච්ඡාවෙන් අනතුරුව ඉදිරි ක්‍රියාමාර්ග තීරණය කරන බව එම සංගමයේ ලේකම් කේ.ඩි.දුමින්ද ප්‍රසාද් මහතා පැවසුවේය.

Continue Reading

පුවත්

ඉරානයේ වෙසෙන ශ්‍රී ලාංකිකයන්ට දැනුම් දීමක්

Published

on

By

ඉරානය තුළ වර්තමානයේ පවතින ගැටුම්කාරී තත්ත්වය සැලකිල්ලට ගනිමින් ටෙහෙරානයේ ශ්‍රී ලංකා තානාපති කාර්යාලය තාවකාලිකව වෙනත් ස්ථානයක ස්ථානගත කිරීමට කටයුතු කර තිබේ.

ශ්‍රී ලංකාවේ විදේශ කටයුතු, විදේශ රැකියා සහ සංචාරක අමාත්‍යාංශය මහජනතාවට දැනුම් දී ඇත්තේ පහත දැක්වෙන ලිපිනයෙහි එය ස්ථානගත කොට ඇති බවය.

ඉරානයෙන් පිටවීමට අපේක්ෂා කරන හෝ සහාය අවැසි ඕනෑම ශ්‍රී ලාංකිකයෙකුට ඉහත දැක්වෙන තොරතුරු මඟින් තානාපති කාර්යාලය හා සම්බන්ධ වන ලෙස දැනුම් දී ඇති බවයි වාර්තා වේ.

ලිපිනය – අමිනි විලා, කොහෙස්තාන් උප වීදිය, ඉමාම් කොමේනි වීදිය, ඕව්ලොම්, මසාල්, රාෂ්ට්

දුරකතන අංක – +98 939 205 5161/ +98 991 205 7522/ +98 936 636 0260

විද්‍යුත් තැපැල් ලිපිනය – [email protected]

Continue Reading

පුවත්

කුරුණෑගල ඉඩම් වංචාව පිටුපස හිටපු ජනාධිපතිවරු දෙදෙනෙක්

Published

on

By

නියෝජ්‍ය අමාත්‍ය සුනිල් රත්නසිරි මහතා අද (19) පාර්ලිමේන්තුවට දැනුම් දුන්නේ කුරුණෑගල අක්කර 1,000ක ඉඩම් ගනුදෙනුවකට හිටපු ජනාධිපතිවරුන් දෙදෙනෙකු, හිටපු නියෝජ්‍ය අමාත්‍ය සාලින්ද දිසානායක මහතා සහ හිටපු පාර්ලිමේන්තු මන්ත්‍රීනි මංජුලා දිසානායක මහත්මිය සම්බන්ධ වී ඇති බවයි.

මෙම ඉඩම හිටපු නියෝජ්‍ය අමාත්‍යවරයා විසින් බදු පදනම මත ලබාගෙන ඇති අතර, එය ඇපකරයක් ලෙස යොදාගෙන ලංකාපුත්‍ර බැංකුවෙන් ණයක් ලබාගෙන ඇති බව නියෝජ්‍ය අමාත්‍යවරයා පැවසීය.

ඔහු සඳහන් කළේ කෙසේ වෙතත්, එම ණය මුදල පැහැර හැර ඇති බවය.

නියෝජ්‍ය අමාත්‍යවරයා වැඩිදුරටත් කියා සිටියේ හිටපු ජනාධිපති චන්ද්‍රිකා කුමාරතුංග මහත්මිය සහ ඇයට පෙර සිටි තවත් හිටපු ජනාධිපතිවරයෙකු මාසික බදු මුදල අඩු කිරීමට සහ පසුව එය සම්පූර්ණයෙන්ම අවලංගු කිරීමට සම්බන්ධ වී ඇති බවය.  

Continue Reading
Advertisement

Trending

Copyright © 2023 Sri Lanka Mirror. All Rights Reserved