Connect with us

පුවත්

බැසිල් යළි රනිල් හමුවෙයි

Published

on

ශ්‍රී ලංකා පොදුජන පෙරමුණේ නිර්මාතෘ බැසිල් රාජපක්ෂ මහතා හා ජනාධිපති රනිල් වික්‍රමසිංහ මහතා අතර තවත් හමුවක් සිදුව තිබේ.

පොදුජන පෙරමුණ සඳහන් කළේ, එහිදී ඉදිරි මැතිවරණ සම්බන්ධයෙන් දීර්ඝ ලෙස සාකච්ඡා කර ඇති බවයි.

මෙහිදී, ජනාධිපතිවරණය සහ ජනාධිපති අපේක්ෂකත්ව පිළිබඳව සංවාදයකට අවධානය යොමුකිරීමට පෙර දැනට එක්ව සිටින කණ්ඩායම් සමඟ රටේ පොදු යහපත වෙනුවෙන් ආණ්ඩුව ඉදිරියට කරගෙන යාම වඩා වැදගත් බව ජනාධිපති රනිල් වික්‍රමසිංහ මහතා සඳහන් කර තිබේ.

සාකච්ඡාවේ දී අදහස් දැක්වු බැසිල් රාජපක්ෂ මහතා සඳහන් කර සිටියේ පොදුජන පෙරමුණ මුල සිට ජනාධිපතිවරයා සඳහන් කළ ස්ථාවරයේ රැඳී සිටි බවයි.

ඒ තුළින් රටත් ජනතාවත් වඩාත් යහපත් තත්ත්වයකට රැගෙන යාමට හැකි බව ඒ මහතා එහිදි සදහන් කරන ලදී.

ඒ අනුව ව්‍යවස්ථානුකූලව මැතිවරණයක් කැඳවනු තුරු ජනාධිපති ධුර අපේක්ෂකත්වය පිළිබදව විසංවාදයන්ගෙන් තොරව පවතින පොදු අභියෝග ජය ගැනීමේ අරමුණ ප්‍රමුඛ කර ගනිමින් ඉදිරියට යා යුතු බවට දෙපාර්ශයම මෙහිදි එකගවී තිබේ.

මේ අතර හිටපු පළාත් පාලන නියෝජිතයින්ට ආණ්ඩුවේ පොදු කටයුතු සදහා නිල වශයෙන් සහභාගි විය හැකි වන පරිදි අවස්ථාවක් නිර්මාණය කර දීම පිළිබදව මෙහිදි ජනාධිපතිතුමන් බැසිල් රාජපක්ෂ මහතාගෙන් විමසා තිබේ.

එහිදි රාජපක්ෂ මහතා සදහන් කර ඇත්තේ අන්සියල්ලටම පෙර ඒ පිළිබදව තමන් විසින් ආණ්ඩුවට යෝජනා කර තිබූ බවයි.

තවදුරටත් කල් නොදමා කඩිනමින් ඒ සම්බන්ධව ක්‍රියාකරන ලෙස බැසිල් රාජපක්ෂ මහතා ජනාධිපතිවරයාගෙන් එහිදි ඉල්ලා තිබේ.

මැතිවරණය කල් දැමීම හේතුවෙන් පළාත් පාලන මහජන නියෝජිතයින් පත්ව සිටින විවිධ අසීරුතාවයන් පිළිබදව ද බැසිල් රාජපක්ෂ මහතා මෙහිදි ජනාධිපතිවරයාට වැඩිදුරටත් සදහන් කර ඇත.

ආණ්ඩුවේ කැබිනට් අමාත්‍ය ධුරයක් දරමින් සිටින රතනහිමියන් ශ්‍රී ලංකා නිදහස් පක්ෂයේ විපක්ෂ පාර්ශවයෙන් ජනපති අපේක්ෂකත්වය භාර ගැනීමට සුදානම් වී ඇති විජයදාස රාජපක්ෂ පිළිබදව ද මෙහිදි කරුණු සාකච්ඡා වී තිබේ.

ඔහුට තවදුරටත් කැබිනට් මණ්ඩලය නියෝජනය කළ හැකි ද යන්න ජනාධිපතිවරයාගේ පාර්ශවයෙන් ප්‍රශ්න කළ අවස්ථාවේ දී ඊට පිළිතුරු දුන් රාජපක්ෂ මහතා සදහන් කර ඇත්තේ ඒ ගැන අවසන් තීරණයක් ගැනීම තමන්ගේ රාජකාරීයක් නොවන බවයි.

නමුත් පක්ෂයක් ලෙස වැරදි පූර්වාදර්ශයන්ට ඉඩදීමට නොහැකි බව පොදුජන පෙරමුණේ පොදු තීරණයක් වන බැවින් අදාළ පූර්වාදර්ශයන් සම්බන්ධයෙන් ගතයුතු නිල ක්‍රියාමාර්ග වෙත පක්ෂය මේ වන විටත් අවතීර්ණ වී අවසන් බව බැසිල් රාජපක්ෂ මහතා වැඩිදුරටත් කියා සිටියේය.

බැසිල් රාජපක්ෂ මහතා හා ජනාධිතිපතිවරයා අතර මීට පෙර සාකච්ඡා 3ක් පවත්වා ඇති අතර එහිදී පක්ෂයේ ඉදිරි දේශපාලන කටයුතු සම්බන්ධයෙන් දෙදෙනා අතර අදහස් හුවමාරු විය.

පුවත්

උතුරු – නැගෙනහිරට සංවර්ධනයේ ප්‍රතිලාභ දෙන බව ජනපති කියයි

Published

on

By

යුද්ධය නිසා උතුරු නැගෙනහිරට බලපෑ ප්‍රශ්න කඩිනමින් අවසන් කර එම ජනතාවට ද සංවර්ධනයේ ප්‍රතිලාභ ලබා දෙන බව ජනාධිපති රනිල් වික්‍රමසිංහ මහතා පවසයි.

උතුරු පළාත තුළ උසස් මට්ටමේ සෞඛ්‍ය සේවාවක් සහතික කිරීම වෙනුවෙන් යාපනය රෝහල නුදුරේදීම ජාතික රෝහලක් බවට පත් කිරීමට කටයුතු කරන බවත් දකුණු පළාත තුළ පැවති දීර්ඝකාලීන අවශ්‍යතාවයක් ඉටු කරමින් කරාපිටිය රෝහල ජාතික රෝහලක් බවට පත් කිරීමට අදාළ කැබිනට් අනුමැතිය හිමිවී ඇති බවද ජනාධිපතිවරයා සඳහන් කළේය.

ජනපතිවරයා යාපනය විශ්වවිද්‍යාලයේ වෛද්‍ය පීඨයේ ඉදිකළ සායනික පුහුණු සහ පර්යේෂණ අංශ ගොඩනැගිල්ල විවෘත කිරීමේ අවස්ථාවට අද (24) පෙරවරුවේ මේ බව පැවසීය.

මේ අතර “උරුමය ”  වැඩසටහන යටතේ යාපනය දිස්ත්‍රික්කයේ ප්‍රාදේශීය ලේකම් කාර්යාල 15ම ආවරණය වන පරිදි සින්නක්කර ඔප්පු 1,286ක් ජනාධිපති රනිල් වික්‍රමසිංහ මහතා අතින් ජනතාවට ලබාදීම අද යාපනයේදී සිදුකෙරිණි.

එමෙන්ම උතුරු පළාතට අයත් මුලතිව්, කිලිනොච්චිය, වවුනියාව හා මන්නාරම දිස්ත්‍රික්කවලට අදාළව “උරුමය” වැඩසටහන යටතේ සින්නක්කර ඔප්පු 13,858ක් ඉදිරියේදී ලබා දීමට නියමිතව තිබේ.


Continue Reading

පුවත්

පැපුවා නිව් ගිනියාවේ දරුණු  නායයාමක්

Published

on

By

පැපුවා නිව් ගිනියාවේ දුෂ්කර ගම්මාන හයකට බලපෑම් එල්ල කරමින් ඇති වූ නායයෑමෙන් ජීවිත රැසක් අහිමි වී ඇතැයි විදෙස් මාධ්‍ය වාර්තා කර තිබේ.

ඊයේ (23) සිදු වූ මෙම නායයෑමෙන් නිවාස 100කට වැඩි ගණනක් පස්වලින් සම්පූර්ණයෙන්ම යට වී ඇති බව විදෙස් වාර්තාවල දැක්වේ.

මෙහිදී සිදු වී ඇති ජීවිත හානි ගණන හෝ සුන්බුන් අතර කොපමණ පිරිසක් සිරවී ඇති ද යන්න නිශ්චිතවම තවමත් ප්‍රකාශ කළ නොහැකි බවද පැවසේ.

මෙම නායයෑම සිදු වූ  Enga නම් ප්‍රදේශයේ ආණ්ඩුකාරවරයා මාධ්‍යයට පවසා ඇත්තේ මෙය මීට පෙර සිදුනොවූ ස්වභාවික ව්‍යවසනයක් බවය.

එමෙන්ම පැපුවා නිව් ගිනියාවේ අග්‍රාමාත්‍ය James Marape පවසා ඇත්තේ, මළ සිරුරු ගොඩගැනීම සඳහා අවශ්‍ය සහන සේවා සැපයීමට සහ යටිතල පහසුකම් සඳහා අදාළ ස්ථානයට ආපදා නිලධාරීන් යොමු කර ඇති බවය.

Continue Reading

පුවත්

හලාවත ගොල්ෆ් පිටියක් හදන්න සැලසුම් කරයි

Published

on

By

හලාවත ගොල්ෆ් පිටියක් ඉදිකිරීමට සැලසුම් කරන බව කැබිනට් ප්‍රකාශක බන්දුල ගුණවර්ධන මහතා  නිවේදනය කළේය.

ඒ ඉරණවිල හා හලාවත ප්‍රදේශය සංචාරක කේන්ද්‍රස්ථානයක් ලෙස සංවර්ධනය කිරීමේ සමස්ත උපාය මාර්ගයේ කොටසක් ලෙස බවද ඔහු කීය.

මේවන විට ශ්‍රී ලංකාව තුළ දැනටමත් කොළඹ, මහනුවර සහ නුවරඑළියේ ගොල්ෆ් පිටි කිහිපයක් තිබේ.

සිදුරු 18කින් යුත් ගොල්ෆ් පිටි පහක් සහ සිදුරු 9කින් යුත් ‍ගොල්ෆ ක්‍රීඩාංගණ කිහිපයක් ද ශ්‍රී ලංකාව සතුවේ.

ගොල්ෆ් පිටියට අමතරව හලාවත සහ බිංගිරිය අතර සම්බන්ධක මාර්ගයක් ඉදිකෙරෙන අතර ඉන් අපනයන කලාපයක් පුළුල් කරන බව ද අමාත්‍ය ගුණවර්ධන මහතා පවසයි.

හලාවත – ඉරණවිල සංචාරක මධ්‍යස්ථානයේ සංවර්ධන කටයුතු බිංගිරිය ඒකාබද්ධ සංවර්ධන සැලැස්මට සම්බන්ධ කාර්ය සාධක බලකායක් මගින් අධීක්ෂණය කිරීමට නියමිත බවද පැවසේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved