බෙලිඅත්ත පංච පුද්ගල ඝාතනයේ සැකකරුගෙන් රැඳවුම් නියෝග මත ප්‍රශ්න කිරීමට අධිකරණය අවසර දී තිබේ.
පොලිසිය සඳහන් කළේ, ඒ සඳහා දෙයියන්දර මහෙස්ත්‍රාත් අධිකරණය අවසර දුන් බවයි.
අත්අඩංගුවට ගත් 54 හැවිරිදි සැකකරුගෙන් කළ ප්‍රශ්න කිරීමේදී එම අපරාධය සඳහා සැකකරුවන් භාවිත කළ යතුරුපැදියක් සහ අපරාධයෙන් පසු පලායාමට සඟවා තිබූ වෑන් රථයක්ද හක්මන පොලිසිය සිය භාරයට තිබේ.
ඝාතකයින් පැමිණි ෆෙජරෝ වර්ගයේ ජීප් රථය පසුගියදා පොලිස් භාරයට ගැනුණේ ගාල්ල ප්‍රදේශයේදී ය.
පසුගිය 22 වැනිදා දක්ෂිණ අධිවේගී මාර්ගයේ බෙලිඅත්ත පිටවුම අසළදී T 56 ගිනි අවි 02 කින් එම ඝාතන සිදු කළ බව පොලිසිය සඳහන් කළේ ය.
එහිදී අපේ ජන බල පක්ෂයේ සභාපති සමන් පෙරේරා මහතා ඇතුළු 05 දෙනෙකු ජීවිතක්ෂයට පත්විය.
