රට තුළ පවතින මද්‍යසාර, දුම්වැටි සහ අනෙකුත් මත්ද්‍රව්‍ය පාලනයට අදාළ වන නිරීක්ෂණ සහ නිර්දේශ ඇතුළත් වාර්තාව 2024.09.04 වන දින එම විශේෂ කාරක සභාවේ සාමාජික පාර්ලිමේන්තු මන්තී ජයන්ත සමරවීර මහතා විසින් පාර්ලිමේන්තුවට ඉදිරිපත් කර තිබේ.
විශේෂයෙන් මෙම කාර්යය ඉටු කිරීම සඳහා ශ්‍රී ලංකාවේ මද්‍යසාර, දුම්වැටි සහ අනෙකුත් මත්ද්‍රව්‍ය පාලනයට අදාළ වන සියලුම රාජ්‍ය ආයතනය මැදිහත් වූ අතර එමෙන්ම මත්ද්‍රව්‍ය නිවාරණය සඳහා කටයුතු කරන ප්‍රජා සංවිධාන සහ සිවිල් සංවිධාන ගණනාවක්ම මේ කාර්යය සඳහා දායක වූ අතර ඇඪෛC ආයතනය ද මෙහි දී ප්‍රමුඛ කාර්යයක් ඉටු කරන ලදී.
මත්ද්‍රව්‍ය පාලනය සඳහා වන සියලුම රාජ්‍ය සංවිධාන සහ රාජ්‍ය නොවන ස්වෙච්චා සංවිධාන එකතුව වසරකුත් මාසයක් තුළ පූර්ණ සැසි 11ක් සහ අර්ධ සැසි 4ක් පාර්ලිමේන්තුව තුළ පවත්වමින් කරුණු සොයා බලා නිරීක්ෂණය කර මෙම විශේෂ වාර්තාව සකස් කර තිබේ.
මෙම වාර්තාව තුළ මද්‍යසාර, දුම්වැටි සහ අනෙකුත් මත්ද්‍රව්‍ය වැළැක්වීම සඳහා සිදු කළ යුතු නීති ප්‍රතිසංස්කරණ, පරිපාලනමය ප්‍රතිසංස්කරණ, අධ්‍යාපන ප්‍රතිසංස්කරණ, සහ මාධ්‍ය ආචාරධර්ම පිළිබඳවත්, සමාජ මාධ්‍ය පාලනය විය යුතු ආකාරය පිළිබඳවත් නිරීක්ෂණ සහ නිර්දේශ ඇතුළත් කර ඇත.
එමෙන්ම මත්ද්‍රව්‍ය පාලනය සඳහා වන ඉල්ලුම අවම කිරීම සඳහා වන නිර්දේශ, සැපයුම අවම කිරීම සඳහා වන නිර්දේශ, මත්ද්‍රව්‍ය භාවිතා කරන්නන් සඳහා වූ පුනරුත්තාපන හා ප්‍රතිකාර සිදු කළ යුතු ආකාරය පිළිබඳ නිර්දේශ ඇතුළත් කොට සකස් කර තිබේ.
