සමගි ජන බලවේගයේ ජනාධිපති අපෙක්ෂක සජිත් ප්‍රේමදාස මහතාට දැනටමත් ජයග්‍රහණය කර ඇති බව දමිල ප්‍රගතිශිලි සන්ධානයේ නායක පා.ම මනෝ ගනේෂන් මහතා පවසයි.
මනෝ ගනේෂන් මහතා ඒ බැව් කියා සිටියේ ඊයේ දින පස්වරුවේ සමගි ජන බලවේගයේ ජනාධිපති අපෙක්ෂක සජිත් ප්‍රේමදාස මහතාගේ ජයග්‍රහණය තහවුරු කිරිම වෙනුවෙන් නාවලපිටිය ප්‍රදේශයේ පැවති රැස්විමකට සහභාගී විමෙන් අනතුරුව මාධ්‍යට අදහස් දක්වමිනි.
මෙහිදි අදහස් දැක්වූ මනෝ ගනේෂන් මහතා කියා සිටියේ මහින්දානන්ද අලුත්ගමගේ මහතා පුළුවන් නම් සිලින්ඩරය රැගෙනවිත් නාවලපිටිය නගරයේ ව්‍යාපාරයක් කරන ලෙසට තමන් අභියෝග කරන බවයි.
එය මහින්දානන්ද අලුත්ගමගේ මහතාට සිදු කිරිමට නොහැකි බවද මනෝ ගනේෂන් මහතා ප්‍රකාශ කලේය.
වතු කම්කරුවන්ට රු 1700 දෛනික වැටුපක් ලබාදෙන බවට ජනාධිපති අපෙක්ෂක රනිල් වික්‍රමසිංහ මහතා පොරොන්දු වු බවත්, එම වැටුප මේ වන විට රු 1350 දක්වා අඩු කර ඇතත්, එයද මෙතෙක් ලැබි නොමැති බව මනෝ ගනේෂන් මහතා වැඩිදුරටත් කියා සිටියේය.
