Connect with us

පුවත්

“මම ආයේ පාර්ලිමේන්තු එන්නේ නැහැ”

Published

on

තමන්වහන්සේ එළැඹෙන මැතිවරණයට තරඟ කර පාර්ලිමේන්තුවට පැමිණීමට කිසිඳු බලාපොරොත්තුවක් නොමැති බව පූජ්‍ය අතුරළියේ රතන හිමියන් පවසයි.

අද කොළඹ (03) පැවති විරෝධතාවයකින් අනතුරුව මාධ්‍ය වෙත අදහස් දක්වමින් උන්වහන්සේ පවසා සිටියේ දේශපාලනය කිරීමට පාර්ලිමේන්තු යෑම අත්‍යවශ්‍ය නොවන බවය.

රට ගැන සිතා තමන්වහන්සේ ඇතුළු පිරිස ගෙන ආ කාබනික ප්‍රතිපත්තිය ගෝඨාභය රාජපක්ෂ හීනෙන් බයවී මෙන් ක්‍රියාත්මක කිරීමට යෑමෙන් එහි සංකල්පය පවා දූෂණය වී ගිය බව මෙහිදී උන්වහන්සේ සඳහන් කලේය.

එමෙන්ම එළැඹෙන ජනාධිපතිවරණයකදී රනිල් වික්‍රමසිංහ ඇතුළු රාජපක්ෂ නඩයම පන්නා දැමීමට කටයුතු කරන බවත් රනිල් වික්‍රමසිංහ දැනටත් ක්‍රියාත්මක කරන්නේ ‘යළි පුබුදමු ශ්‍රී ලංකා’ වැඩසටහනට අනුව සියල්ල විකුණා දැමීම බවත් රතන හිමියන් වැඩිදුරටත් පෙන්වා දෙයි..

පුවත්

කුලී නිවෙස් හිමියන්ට බද්දක්

Published

on

By

ශ්‍රී ලංකාවේ රාජ්‍ය ආදායම ඉහළ නැංවීමේ පියවරක් වශයෙන් 2025 අප්‍රේල් 01 වනදා සිට ක්‍රියාත්මක වන පරිදි පදිංචිව සිටින සහ හිස්ව තිබෙන නේවාසික දේපොළ සඳහා ආරෝපිත කුලී ආදායම් බද්දක් හඳුන්වාදීමට ජාත්‍යන්තර මූල්‍ය අරමුදල යෝජනා කර තිබේ.

ජාත්‍යන්තර මූල්‍ය අරමුදල ශ්‍රී ලංකාව පිළිබඳව නිකුත් කර ඇති නවතම සවිස්තරාත්මක වාර්තාවක මේ පිළිබඳව දක්වා තිබේ.

ජාත්‍යන්තර මූල්‍ය අරමුදලේ ශ්‍රී ලංකාව සඳහා වන සිව් අවුරුදු විස්තීර්ණ මූල්‍ය පහසුකම් වැඩසටහනේ දෙවන සමාලෝචනයෙන් අනතුරුව  IMF Country Report 24/161 වාර්තාව ප්‍රකාශයට පත් කෙරුණි.

එවැනි බද්දක් හඳුන්වා දීමේ වැදගත්කම එම වාර්තාවෙහි දැක්වෙයි.

රජයේ ආදායම ඉහළ දැමීම සඳහා මෙවැනි බද්දක් හඳුන්වා දීම ඉතා වැදගත් බව ජාත්‍යන්තර මූල්‍ය අරමුදල පෙන්වා දෙයි.

මෙම බදු ක්‍රමය 2026 වසර වනවිට සම්පූර්ණයෙන් ක්‍රියාත්මක කිරීමට ශ්‍රී ලංකාව ඉලක්ක කරගෙන ඇති බව ද එම වාර්තාවේ සඳහන් වේ.

ආරෝපණය කළ කුලී ආදායම් බද්දක් යනු නිවසක හිමිකරුවෙකු සිය නිවස කුලියට ලබාදුන්නේ නම් ඔහුට හෝ ඇයට ලබාගත හැකි ආදායම ඇස්තමේන්තු කර ඒ සඳහා බදු මුදලක් අය කිරීමය.

මෙම බද්ද නිවසේ වටිනාකම මත නොව ඉන් ලැබිය හැකි අදායම මත පදනම් වේ.

මෙම බදු ක්‍රමය ක්‍රියාත්මක කිරීම සඳහා පළාත් පාලන ආයතන මට්ටමින් දත්ත ගබඩාවක් පිහිටුවීමට ශ්‍රී ලංකාව අවධානය යොමු කළයුතු බවත් එම දත්ත ගබඩාවට මෙරට දේපොළ හිමියන් සතුව ඇති දේපොළ සම්බන්ධයෙන් යාවත්කාලීන කළ ඇස්තමේන්තුවක් ඇතුළත් විය යුතු බවත් ජාත්‍යන්තර මූල්‍ය අරමුදල පෙන්වා දෙයි.

එම දත්ත ගබඩාව නිර්මාණය කිරීම මෙම වසරේ අගෝස්තු මාසය වන විට අවසන් විය යුතු බවද එම වාර්තාවේ සඳහන් වේ.

මීට පෙර ජාත්‍යන්තර මූල්‍ය අරමුදල විසින් හඳුන්වාදීමට සූදානම් වූ දේපොළ බදු සහ තෑගි හා ප්‍රවේණි බදු ක්‍රමය ක්‍රියාවට නැංවීම විවිධ ව්‍යවස්ථාමය සීමාකම් හේතුවෙන් ප්‍රමාදවීම හේතුකොට ගෙන මෙලෙස නව ‘ආරෝපිත කුලී ආදායම් බද්දක්‘ හඳුන්වාදීමට ජාත්‍යන්තර මූල්‍ය අරමුදල පියවර ගෙන ඇත.

Continue Reading

පුවත්

ඉන්දීය විදේශ ඇමති මේ මස අගදී ලංකාවට

Published

on

By

ඉන්දීය විදේශ අමාත්‍ය ආචාර්ය එස්. ජයශංකර් මහතා නිල සංචාරයක් සඳහා මෙරටට පැමිණිමට නියමිත බව විදේශ කටයුතු අමාත්‍යාංශය පවසයි.

එළැඹෙන ජුනි 20 වනදා ඒ මහතා ශ්‍රී ලංකාවට පැමිණීමට නියමිත බවයි වාර්තා වේ.

පසුගියදා ඉන්දියාවේදී ජනාධිපති රනිල් වික්‍රමසිංහ මහතා සමඟ පැවති සාකච්ඡාවකදී අතරමග නවතා දමා තිබූ ඉන්දීය ආයෝජන සමඟ ශ්‍රී ලංකාවේ ආරම්භ කළ සංවර්ධන ව්‍යාපෘති කඩිනමින් යළි ආරම්භ කිරීම පිළිබඳව ආචාර්ය ජයිශංකර් මහතා ප්‍රකාශ කර තිබුණි.

ඉන්දීය විදේශ කටයුතු අමාත්‍යවරයා තවදුරටත් පවසා ඇත්තේ, මෙම කටයුතුවල ප්‍රගතිය අධීක්ෂණය කිරීම සඳහා ශ්‍රී ලංකාවට පැමිණීමට නියමිත බවය.

Continue Reading

පුවත්

අදානිගේ  සුළං බලාගාර දෙකට උපයෝගීතා කොමිසමේ අවසරය නැහැ

Published

on

By

ඉන්දීය අදානි සමාගමේ යෝජිත පුනරීන් සහ මන්නාරම සුළං බලාගාර දෙක සඳහා පවතින තත්ත්වය යටතේ අවසර දීමට නොහැකි බව ශ්‍රී ලංකා මහජන උපයෝගීතා කොමිෂන් සභාව දන්වා තිබේ.

ඒ අනුව මහජන උපයෝගීතා කොමිෂන් සභාව දැනුම් දී ඇත්තේ, පාරිසරික බලපෑම් තක්සේරුවේ ප්‍රතිඵල සහ මධ්‍යම පරිසර අධිකාරිය විසින් නිකුත් කරන ලද පාරිසරික බලපත්‍රයේ විස්තර ඇතුළු තවත් තොරතුරු ඉදිරිපත් කරන ලෙසය.

පුනරීන් සහ මන්නාරම සුළං බලාගාර සඳහා ඉන්දීය අදානි සමාගමට ආයෝජන මණ්ඩලයේ අනුමැතිය සහිත ලිපිය පසුගිය වසරේ පෙබරවාරි 23 වැනිදා ලබා දී තිබුණි.

එහිදී ප්‍රකාශ කෙරුණේ, ඩොලර් මිලියන 442ක ආයෝජන ව්‍යාපෘතියක් වන මෙමගින්, මෙගාවොට් 350ක ධාරිතාවක් ජාතික පද්ධතියට එක් කිරීමට නියමිත බවය.

කෙසේවෙතත්, පුනරීන් සහ මන්නාරම සුළං බලාගාර දෙක සඳහා අවසර ලබාදීමට නම් තවත් පැහැදිලි කිරීම් හා තොරතුරු රැසක් කොමිසම වෙත අවශ්‍යව ඇති බව ශ්‍රී ලංකා මහජන උපයෝගීතා කොමිෂන් සභාව දන්වා තිබේ.

Continue Reading

Trending

Copyright © 2023 Sri Lanka Mirror. All Rights Reserved