මන්නාරම මහාධිකරණ විනිසුරුවරයාට එරෙහිව කොළඹ මඩ පෝස්ටරයක් මුද්‍රණය කර කොළඹ ප්‍රදේශයේ ඇලවූයේ යැයි කියන සිද්ධියට සම්බන්ධයෙන් ප්‍රකට ව්‍යාපාරික දක්ෂිත සුමතිපාල මහතා ලබන 21 දා දක්වා රක්ෂිත බන්ධනාගාර ගත කිරීමට කොළඹ අතිරේක මහේස්ත්‍රාත් හර්ෂණ කැකුණවෙළ මහතා ඊයේ (18) නියෝග කළේය.
අදාළ සිද්ධියට ඔහු සමඟ මාතලේ පදිංචි ඉශාන් ගුණසේකර, ඇරැව්වල පදිංචි ක්‍රිශාන් නාලක, මඩපාත පදිංචි මනෝජ් මධුශංක, කැලණිය විශ්ව විද්‍යාලයේ උපාධිධාරියෙකු වන ලක්මාල් වික්‍රමසිංහ, කොළඹ විශ්ව විද්‍යාලයේ උපාධිධාරියකු වන එස්. බී.එච්.එම්. මධුශංක සහ මුද්‍රණනාලයේ හිමිකරු වන දසුන් තරංග බණ්ඩාර යන සැකකරුවන් මෙසේ රක්ෂිත බන්ධනාගාර ගත කිරීමට නියෝග කර තිබේ.
දක්ෂිත කොළඹ රාජකීය විදුහලේ ආදිසිසුවෙකු වන අතර ඔහු ආන්දෝලනාත්මක පිළිකා ඔසු අලෙවිකරනු ලබන ආයතනයක හිමිකාරිත්වය ද දරයි.
මූලාශ්‍රය – ලංකාදීප
සබැඳි පුවත්
