මාලිගාවත්ත – ශ්‍රී සද්ධර්ම මාවත ප්‍රදේශයේ දී ඊයේ (22) රාත්‍රීයේ සිදුවු වෙඩි තැබීමකින් පුද්ගලයෙකු තුවාල ලබා තිබේ.
යතුරුපැදියකින් පැමිණි නන්නාඳුනන පුද්ගලයෙකු විසින් මෙම වෙඩි තැබීම සිදුකර ඇති බව පොලීසිය සඳහන් කළේය.
වෙඩික්කරු විසින් මෙලෙස පුද්ගලයෙකුට වෙඩි තබා පළා ගොස් ඇති අතර වෙඩි වැදීමෙන් තුවාල ලැබු පුද්ගලයා ප්‍රතිකාර සඳහා කොළඹ ජාතික රෝහලට ඇතුළත් කර තිබේ.
වෙඩි වැදීමෙන් තුවාල ලබා ඇත්තේ 52 හැවිරිදි මාලගාවත්ත ප්‍රදේශයේ පදිංචිකරුවෙකි.
තුවාලකරු දෙහිවල සොල් බීච් හෝටලයේ හිමිකරු බව වාර්තා වේ.
සැකකරුවන් මෙතෙක් හඳුනාගෙන නැත.
ඔවුන් අත්අඩංගුවට ගැනීම සඳහා මාලිගාවත්ත පොලීසිය විසින් වැඩිදුර විමර්ශන ක්‍රියාත්මකය.
