Connect with us

පුවත්

යුක්රේන යුද්ධයට ගිය ලංකා හමුදාවේ 3ක් මරුට;  ‘කපිතාන් ඩෙන්ටිස්ට්’ ඒ අතර

Published

on

යුක්රේන සටන් පෙරමුණේ භට කණ්ඩායම්වලට නායකත්වය දුන් යුක්රේන සන්නද්ධ හමුදා පළමුවන විශේෂ බළකායේ අණදෙන නිලධාරි ලෙස කටයුතු කළ ශ්‍රී ලාංකිකයකු වන කපිතාන් රනිෂ් හේවගේ ඇතුළු ශ්‍රී ලංකා හමුදාවේ හිටපු සාමාජිකයන් තිදෙනකු රුසියානු හමුදා ප්‍රහාරයකින් පෙරේදා (04) මියගොස් ඇතැයි වාර්තා වේ.

රුසියානු රජයේ හමුදාවන් විසින් ‘කළු හතුරා’ ලෙස හඳුන්වන රුසියානුවන්ගේ ද ඉලක්කයක් ලෙස කපිතාන් රනිෂ් හේවගේ නම්කර තිබී ඇති බවද  මාධ්‍ය වාර්තා කර ඇත.

ශ්‍රී ලංකා පාබල හමුදාවේ හා කමාන්ඩෝ බළකායේ පුහුණුව ලබා නීත්‍යනුකූල ලෙස ඉවත්ව යුක්රේන හමුදාවේ නිත්‍ය සාමාජිකයකු ලෙස 2022 මාර්තුවල බැඳුණු රුසියානු යුක්රේන යුද්ධයේ දී රනිෂ් සටන් පෙරමුණේ දැක් වූ වීරත්වය නිසා එරට ජනපති විසින් ජනාධිපති විශේෂ සම්මාන පහක් ඔහුට ප්‍රධානය කර ඇත.

සටන් පෙරමුණේ නව වතාවක් තුවාල ලබමින් යුක්රේන රාජ්‍යයේ ආරක්ෂාව වෙනුවෙන් සටන් කළ රනිෂ් හේවගේ එරට හමුදාවෙන් ‘කපිතාන් ඩෙන්ටිස්ට්’ යන නාමයෙන් හඳුන්වා දී ඇත.

යුක්රේන ඉදිරි ආරක්ෂක වළල්ලට ඔබ්බෙන් මෙහෙයුමකට එක් වූ රනිෂ් හේවගේ යටතේ සිටින භට කණ්ඩායමට අයත් ශ්‍රී ලාංකික භටයකු වූ ප්‍රියන්ත සටන් පෙරමුණ් දී පෙරේදා (04) පෙරවරුවේ මියගොස් ඇත.

සටන් පෙරමුණට රුසියානු ප්‍රහාර දිගින් දිගටම එල්ල වීම නිසා මියගිය සෙබළාගේ සිරුර ගැනීමට යාම යුක්රේන හමුදා භටපිරිස් ඉදිරිපත් වී නොමැත.

එහිදී ශ්‍රී ලාංකික සෙබළාගේ සිරුර රැගෙන ඒමට යාමට කපිත්න් රනිෂ් හේවගේ ස්වෙච්ඡාවෙන්ම ඉදිරිපත් වී ඇති අතර ඔහුගේ සහායට තවත් ශ්‍රී ලාංකික භටයන් තිදෙනකු එක් වී තිබේ.

සිද්ධිය සම්බන්ධයෙන් මෙම මෙහෙයුමෙන් තුවාල ලබා යුක්රේන හමුදා රෝහලක ප්‍රතිකාර ලබන යුද හමුදා කමාන්ඩෝ බළකායෙන් ඉවත්ව ගොස් යුක්රේන් හමුදාවට එක්වූ හතුරුසිංහ මෙසේ පවසා තිබිණි.

‘‘අපි ෆෝ මෑන් ටීම් එකක් විදියට රනිෂ් සර් සමග බොඩි එක ගන්න ගියා. මගදිම එක්කෙනෙක් තුවාල වුණ නිසා අපි තුන්දෙනයි ඉස්සරහට ගියේ. අපි ඉස්සරහින් ලයින් එකට යද්දිම ආටිලර් (කාලතුවක්කු) වලින් ගහන්න ගත්තා.ඩ්‍රෝන් ඇටෑක් එකකුත් ආවා. 04 වැනිදා උදේ 9.00ට විතර ආටිලරි එකක් වැටිලා සර් එක්ක මමත් තුවාල වුණා. අපිත් එක්ක ගිය සිංහ රෙජිමේන්ට් එකේ එක්කෙනා එකේදී මැරුණා. සර්ට තුවාල වෙලා තිබුණේ. මම සර්ව කිලෝ මීටර් පහළොවක් විතර අරන් ආවා. මගේ අතට ආටිලරි කෑලි වැදිලා තුවාල වෙලා තිබුණේ. රනිෂ් සර් වගේ වීරයෙක් සතුරු බිමේ මැරෙන්න දෙන්න බැරි නිසා මම කොහොමහරි එයාව අරගෙන එන්න ආවේ. අතරමගදී ආයෙත් රුසියානු ඩ්‍රෝනවලින් ගහන්න ගත්තා. ඒ අතරේ රනිෂ් සර් නැතිවුණා සර් අපිට හැමදාම කිව්වේ යුද්දෙදී මැරුණොත් බොඩි එක ගන්න එපා කියලයි. ඒත් මම උපරිම උත්සාහ කළේ සර්ව අරගෙන එන්නයි. දිගටම ඩ්‍රෝනවලින් ගහද්දී මට තනිවම පසුබහින්න වුණා”

තමා කමාන්ඩෝ පුහුණුව ලබා ප්‍රගුණ කර ඇති අත්දැකීම් උපයෝගි කරගෙන තම අණදෙන නිලධාරියාගේ සිරුර කෙසේ හෝ රැගෙන ඒමට යන බවද ඔහු සපථ කර ඇත.

යුක්රේන් රජයේ හමුදාවට මෙරටින් නීත්‍යනුකූල සේවයෙන් ඉවත්ව ගිය හැත්තෑ දෙනකු පමණ සේවය සඳහා එක්වීමට අයැදුම් කර ඇති අතර කපිතාන් රනීෂ් සමග ශ්‍රී ලාංකික භටපිරිස්වල විස්සකට ආසන්න පිරිසක් එහි සේවය කර ඇත.

ඔහු යටතේ කැනඩා හමුදා භට කණ්ඩායම්ද සේවය කර ඇත.

එක් සටනකදී ඔහු සමග සිටි කැනඩා භටයින් විසිඑක් දෙනකු මියගොස් ඇත.

කපිතාන් රනිෂ් හේවගේ එම සටනින් තුවාල ලබා දිවි බේරා ගෙන ඇත.

රනිෂ් මියදෙන්නට දින තුනකට පමණ පෙර ඔහුගේ මව, සහෝදරිය ඇතුළු පවුලේ සාමාජිකයන්ද යුක්රේනයට පැමිණ ඇති බව එරටින් ලැබෙන ආරංචි මාර්ග පවසයි.

කපිතාන් රනිෂ් හේවගේ අණදෙන භට කණ්ඩායමට එක්වීමේ අරමුණින් ශ්‍රී ලාංකික නිලධාරින් හා සෙසු නිලයන්වල හැත්තෑදෙනකු පමණ අසර්බයිජාන්, ඩුබායි හා ඉන්දියාවට ගොස් පෝලන්තය ඔස්සේ එරටට යාමට සූදානමින් සිට ඇත.

මෙරට ඇති ආර්ථික ප්‍රශ්නය හමුවේ මසකට රුපියල් ලක්ෂ දහයක්-දොළහක් අතර වැටුපකට ශ්‍රී ලාංකික හමුදාවල සිටි භට කණ්ඩායම් යුක්රේන් රජයේ හමුදාවට එක්වන බවද පැවසේ.

සටන් බිමේ මියගිය ශ්‍රී ලාංකික හමුදා සාමාජිකයන් තිදෙනා සම්බන්ධව තානාපති අංශ මගින් ශ්‍රී ලංකා රජය දැනුවත් කිරීමට ඊයේ (05) කටයුතු යොදා ඇති බවද වාර්තා වේ.

මූලාශ්‍රය – අරුණ

පුවත්

නීතිපති තවත් මාස 6ක් තියාගන්න ජනපතිට හිත ගිහින්?

Published

on

By

නීතිපති, ජනාධිපති නීතිඥ සංජේ රාජරත්නම් මහතාගේ ධුර කාලය මාස හයකින් දීර්ඝ කිරීමට ජනාධිපති රනිල් වික්‍රමසිංහ මහතා නිර්දේශ කර ඇතැයි ජනාධිපති කාර්යාල ආරංචි මාර්ගවලින් වාර්තා වන බව “දිනපතා අරුණ” පුවත්පත වාර්තා කර තිබේ.

මෙම නිර්දේශය ආණ්ඩුක්‍රම ව්‍යවස්ථා සභාවට ඉදිරිපත් කර ඇති බවත්, ලබන මස මුල් සතියේ පාර්ලිමේන්තුව රැස්වන විට එම ඉල්ලීම සලකා බැලීමට ආණ්ඩුක්‍රම ව්‍යවස්ථා සභාව අපේක්ෂා කරන බවත් එහි වැඩිදුරටත් දැක්වේ.

නීතිපතිවරයා ලබන ජුනි 27 වැනිදා විශ්‍රාමයාමට නියමිතය.

Continue Reading

පුවත්

තවත් ශ්‍රී ලාංකිකයකු ඉන්දියවේදී අත්අඩංගුවට

Published

on

By

ව්‍යාජ ලිපි ලේඛන සකස් කිරීමේ ජාවාරමක නිරත වූ ශ්‍රී ලාංකිකයෙකු ඉන්දියාවේ කර්නාටක ප්‍රාන්තයේදි අත්අඩංගුවට ගෙන ඇතැයි වාර්තා වේ.

මෙසේ  අත්අඩංගුවට ගෙන ඇත්තේ ශරන් කුමාර් කාලිදාස් නොහොත් උමේෂ් බාලා රවීන්ද්‍රන් නැමැති හතලිස් පස්වැනි වියේ පසුවන්නෙකි.

ඉන්දියාවේ මධ්‍යම අපරාධ කාර්යාංශය මගින් මේ අත්අඩංගුවට ගැනීම සිදු කර ඇති බව ඉන්දීය මාධ්‍ය වාර්තා කර තිබේ.

2010 වසරේ ඉන්දියාවට ගොස් ඇති මෙම ශ්‍රී ලාංකිකයා රජයේ ලියකියවිලි නීති විරෝධි ලෙස සකස් කිරීමේ ජාවාරම සම්බන්ධයෙන් 2014 වසරේදී ද අත්අඩංගුවට ගෙන ඇති අතර පසුව ඔහුව ශ්‍රී ලංකාවට පිටුවහල් කර සිටි අයකු බවද පැවසේ.

2016 වසරේදි යලිත් නීති විරෝධීව ඉන්දියාවට සංක්‍රමණය වී ඇති මොහු කර්නාටක ප්‍රාන්තයේ නිවාස සංකීර්ණයක රැඳී සිටිමින් එම ජාවාරම සිදුකර ඇති බවට එරට පොලීසිය සිදුකළ විමර්ශනවලදී අනාවරණය වී ඇති බව පැවසේ.

සැකකරු සතුව තිබී නීති විරෝධි ලෙස සකස් කරන ලද ලිපි ලේඛන, රියදුරු බලපත්‍ර, ජංගම දුරකථන මෙන්ම පිස්තොල වර්ගයේ ගිනි අවියක්ද පොලිස් භාරයට ගෙන තිබේ.

සැකකාර ශ්‍රී ලාංකිකයා අත්අඩංගුවට ගැනීමත් සමග ඔහුගේ බිරිඳ, දරුවන් තිදෙනාද සමග ශ්‍රී ලංකාවට පළායාමට උත්සාහ දරා ඇති අතුර ගුවන්තොටුපළේ රැඳි සිටියදී ඔවුන් ආරක්ෂක අංශ භාරයට ගෙන ඇති බව ඉන්දීය මාධ්‍ය වාර්තා කර තිබේ.

Continue Reading

ක්‍රීඩා

IPL කිරුළ කොල්කටා නයිට් රයිඩර්ස්ට

Published

on

By

2024 IPL තරගාවලියේ කිරුළ හිමිකරගැනීමට කොල්කටා නයිට් රයිඩර්ස් කණ්ඩායම ඊයේ (26) රාත්‍රියේදී සමත්විය.

ඒ හයිද්‍රාබාද් කණ්ඩායමට එරෙහිව ලකුණු 114ක ජයග්‍රාහී ඉලක්කයක් හඹා යමින් පන්දුවාර 10.3කදී කඩුලු 2ක් පමණක් දැවී එම ඉලක්කය සම්පූර්ණ කරමිනි.

වේගවත් ඉනිමක් ක්‍රීඩා කළ වෙන්කටේෂ් අයියර් පන්දු 26කදී හයේ පහර 3ක් සහ හතරේ පහර 4ක් සමග ලකුණු 52ක් රැස්කරගත්තේය.

පිළිතුරු ඉනිම ආරම්භයේදී ඔහුට අගනා සහායක් ලබාදුන් රමනුල්ලා ගුර්බාස් පන්දු 32කදී හයේ පහර 2ක් සහ හතරේ පහර 5ක් සමග ලකුණු 39ක් රැස්කරගත්තේය.

කොල්කටා නයිට් රයිඩර්ස් පිල‍ේ සම හිමිකරුවන් වන්නේ බොලිවුඩයේ සුපිරි නළු ශාරුක් ඛාන් හා නිළි ජුහී චව්ලාය.

IPL ඉතිහාසයේ තරගවාරයකදී වාර්තා වූ වැඩිම හයේ පහරවල් වාර්තා වූ තරගවාරය මෙවර ලෙස ද ඉතිහාසයට එක්විය.

මෙම තරග වාරයේදී හයේ පහරවල් 1260 ක් සහ හතරේ පහරවල් 2174 ක් වාර්තා වී තිබිණි.

වසර 06කට පසු අයි.පී.එල්. අවසන් මහා තරගයකට සුදුසුකම් ලැබූ සන්රයිසස් හයිද්‍රබාද් කණ්ඩායමට මෙවරත් සිය බලාපොරොත්තු ඉටුකර ගැනීමට නොහැකි විය.

අයි.පී.එල්. ඉතිහාසයටම එක් කිරුළකට හිමිකම් කියන හයිද්‍රබාද් කණ්ඩායම එය දිනාගනු ලැබුවේ 2016 වසරේදීය.

ඔවුන් අවසන් වරට 2018 වසරේ අවසන් මහා තරගයට සුදුසුකම් ලැබූවත්, එවරද ඔවුන්ට චෙන්නායි හමුවේ පරාජයට පත් විය.

කොල්කටා කණ්ඩායම මේ ජයග්‍රහණය ලබා ගත්තේ වසර 10කට පසුවය.

ඔවුන්ද 2021 වසරේදී අවසන් මහා තරගය සුදුසුකම් ලැබූවත්, චෙන්නායි හමුවේ පරාජය වී අනුශූරතාවට පමණක් සීමාවීමට සිදු විය.

ඔවුන් අවසන් වරට අයි.පී.එල්. ශූරයන් ලෙසින් කිරුළු පැළදියේ 2014 වසරේදීය.

හයිද්‍රබාද් කණ්ඩායමේ සම හිමිකාරිනියක් ලෙස කාව්‍ය මාරන් කටයුතු කරනු ලබයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved