Connect with us

ක්‍රීඩා

‘කටුකුරුන්ද ස්පීඩ්’ නිපෝන් ‌පේන්ට්ස් මඩ කරයි ! (වීඩියෝ /ඡායා)

Published

on

පසුගිය ඉරිදා (03) ‘කටුකුරුන්ද ස්පීඩ්’ මෝටර් රථ ධාවන තරගාවලියේදී එහි අනුග්‍රාහක නිපෝන් පේන්ට්ස් සමාගම නියෝජනය කරමින් ධාවනයේ යෙදුනු උෂාන් පෙරේරා තරග නීති උල්ලංඝනය කරමින් තරග වැදී තිබියදීත් ජයග්‍රාහකයා ලෙස නම් කිරීම ගැන කසුකුසුවක් මතුව ඇතැයි “ශ්‍රී ලංකා මිරර්” වෙත වාර්තා වේ.

ලංකා ඔටෝමෝබයිල් ස්පෝට්ස් ( SLAS ) මගින් සංවිධානය කර තිබූ මේ තරගාවලියේ එදින පැවති අවසන් ඉසව්ව වූ SL GT 3500 තරගයේ මුල් වටයේ ඉදිරියෙන් සිටි ඩිලන්ත මාලගමුව ඉස්සරකර ඇත්තේ ධාවන පථයෙන් පිට නීති විරෝධී අන්දමිනි.

මේ අවස්ථාව රූපවාහිනී සජීවී විකාශයේ හොඳින්ම දර්ශනය වූ අතර විස්තර විචාරකයෝද උෂාන් දඬුවම් ලැබිය යුතු වරදක් කළ බව කීවද ට්‍රැක් මාෂල්ලා තිදෙනාම එය නොදුටු ලෙස කටයුතු කර තිබීම විශේෂිතය.

 මෙම තරගයේම වැරදි ආරම්භයක් ලබා ගත් ඩිලන්ත මාලගමුව තරගය අතර තුර තත්පර තුනකට නවත්වා ඒ සඳහා දඬුවම් කරන ලදී. 

ඒ හේතුවෙන් යළි තරගයට එක්වීම පමාවූ ඩිලන්තට මුල් ස්ථාන තුනට එක්වීමට නොහැකි විය. 

එම කැටගරියේම මුලින් පැවති තරගය ඩිලන්ත පහසුවෙන්ම ජයග්‍රහණය කළේ උෂාන් සිව් වැනි ස්ථානයට පත් කරමිනි. 

ඩිලන්ත කටුකුරුන්ද තරග බිමේ තරගයකට ඉදිරිපත්ව ඇත්තේ වසර 23කට පසුවවීම ද විශ‌ේෂිතය.

තරග සංවිධායකයන් මෙම සිද්ධියේදී කටයුතු කළ ආකාරය ගැන අදහස් දැක්වූවන් පැවසුවේ නිපෝන් පේන්ට් තරගාවලියේ ප්‍රධාන අනුග්‍රාහකයා බැවින් ඔවුන්ගේ රථයක් පැදවූ රියදුරාට සහයෝගයක් දැක්වූ බවයි.

ක්‍රීඩා

ICC T 20  ශ්‍රී ලංකා සංචිතය මෙන්න

Published

on

By

එළඹෙන විස්සයි 20 ලෝක කුසලාන ක්‍රිකට් තරගාවලිය සඳහා සහභාගී වන ශ්‍රී ලංකා සංචිතය ශ්‍රී ලංකා ක්‍රිකට් ආයතනය විසින් අද (09) නිවේදනය කළේය.

එම සංචිතය පහතින්,

  • වනිදු හසරංග (නායක)
  • චරිත් අසලංක (උපනායක)
  • කුසල් මෙන්ඩිස්
  • පැතුම් නිස්සංක
  • සදීර සමරවික්‍රම
  • ඇන්ජලෝ මැතිව්ස්
  • කමිදු මෙන්ඩිස්
  • දසුන් ශාකක
  • ධනංජය ද සිල්වා
  • මහීෂ් තීක්ෂණ
  • දුනිත් වෙල්ලාලගේ
  • දුෂ්මන්ත චමීර
  • නුවන් තුෂාර
  • මතීෂ පතිරණ
  • ඩිල්ෂාන් මදුශංක

කණ්ඩායම සමග එක්වීමට නියමිත අතිරේක සංචිතය වන්නේ,

  • අසිත ප්‍රනාන්දු
  • විජයකාන්ත් වියස්කාන්ත්
  • භානුක රාජපක්ෂ
  • ජනිත් ලියනගේ

Continue Reading

ක්‍රීඩා

හරීන්ගේ ගැසට් ජංජාලය ක්‍රීඩා පිටිය අවුල් ජාලයක් කරයි

Published

on

By

ක්‍රීඩා අමාත්‍ය හරින් ප්‍රනාන්දු මහතා විසින් හිටපු ක්‍රීඩා අමාත්‍යවරුන් වරින් වර නිකුත් කරන ලද සියලුම ගැසට් පත්‍ර අවලංගු වන ලෙස අලුතින් නිකුත් කළ ගැසට් පත්‍රය මේ වන විට ආන්දෝලනයට ලක්ව තිබේ. 

මේ අනුව විශේෂයෙන්ම හිටපු ක්‍රීඩා අමාත්‍ය රොෂාන් රණසිංහ මහතා විසින් බලය අත් නොහැර දිගින් දිගටම ක්‍රීඩා සංගම් ප්‍රධාන නිලතල අරක් ගෙන සිටින නිලධාරීන්ට එසේ බලයේ සිටීමට නොහැකි වන ලෙස පනවා තිබූ නීති සියල්ල අහෝසි වී තිබීම විශේෂයෙන් කැපී පෙනේ. 

 නව ගැසට් පත්‍රය අනුව රොෂාන් රණසිංහ මහතා විසින් ප්‍රධාන නිලතල දරන නිලධාරීන්ට දෙවසරක කාල සීමාවන් දෙකකට පසු නැවත එක් වාරයකට එනම් වසර හතරකට පමණක් පනවා තිබූ කාල සීමාව වසර හතරක කාල සීමා දෙකකට එනම් වසර අටක් දක්වා දීර්ඝ කර තිබීම ක්‍රීඩා ක්ෂෙත්‍රයේ බොහෝ දෙනාගේ විවේචනයට හේතු වී තිබේ.

මේ අනුව බොහෝ ක්‍රීඩා සංගම් වල එලවා ගත නොහැකි අන්දමින් ඒවායේ චන්ද බලය අල්ලාගෙන සිටින කූඩැල්ලන් බඳු නිලධාරීන්ට වසර අටක් දක්වා බලයේ රැඳී සිටීමට හැකියාව ලැබෙනු ඇත. 

 මීට අමතරව දේශපාලනඥයකුට කිසිදු ක්‍රීඩා සංගමයක නිලයක් දැරිය නොහැකි බවට පනවා ඇති නව නියෝගය මතු දිනක මානව හිමිකම් කඩ වීම ගැන උසාවි යන තත්ත්වයකට යොමු වනු ඇතැයි වාර්තාවේ. 

 මීට පෙර මෙවැනිම දේශපාලනඥයන්ට තරග වැදිය නොහැකි ලෙස පනවන ලද නියෝගයකට එරෙහිව අර්ජුන රණතුංග මහතා මානව හිමිකම් නඩුවක් පවරා ඉන් ජයගත්තේය.

 රොෂාන් රණසිංහ මහතා විසින් පනවන ලද අවුරුදු 70 ට වැඩි අයකුට නිලතල වලට තරග වැදිය නොහැකි නීතියද හරින් ප්‍රනාන්දු ඇමතිවරයා විසින් මීට පෙර ඉවත් කරන ලදී.

Continue Reading

ක්‍රීඩා

චමරි හා ජයග්‍රාහී කාන්තා ක්‍රිකට් පිල දිවයිනට

Published

on

By

දකුණු අප්‍රිකාවේ පැවති විස්සයි විස්ස සහ එක් දින තරගාවලි දෙකම සහ ඩුබායි හි පැවති ලෝක කුසලාන විස්සයි විස්ස තරගාවලියට සුදුසුකම් ලැබීමේ තරඟ සියල්ල ද ජයග්‍රහණය කළ ශ්‍රී ලංකා කාන්තා ක්‍රිකට් කණ්ඩායම අද (09) අලුයම කටුනායක ගුවන් තොටුපොළ වෙත පැමිණියහ.

මෙම ශ්‍රී ලංකා කාන්තා ක්‍රිකට් කණ්ඩායම මෙසේ යළිත් මෙරටට පැමිණියේ මාස දෙකක, ක්‍රිකට් තරඟ සංචාරයන් දෙකක් ජයග්‍රහණය කිරීමෙන් අනතුරුවය.

ගුවන් තොටුපොළේ දී අදහස් දැක්වූ ශ්‍රී ලංකා කණ්ඩායමේ නායිකා චමරි අතපත්තු මෙසේ පැවසීය .

“අපට මෙම ජයග්‍රහණය කිරීම සදහා කණ්ඩායමේ දක්ෂ යොවුන් ක්‍රීඩිකාවන් මෙන්ම ජ්‍යෙෂ්ඨ ක්‍රීඩිකාවන් ද විශාල සහයක් ලබා දුන්නා…. “

එළඹෙන ඔක්තෝබර් මාසයේ බංග්ලාදේශයේ පැවැත්වෙන විස්සයි විස්ස ලෝක කුසලාන තරගාවලියට පෙර බටහිර ඉන්දීය කොදෙව් දූපත් කණ්ඩායම සමඟ තරගාවලියක් ද , ආසියානු කුසලාන විස්සයි විස්ස තරගාවලිය සහ අයර්ලන්තයේ ක්‍රිකට් තරගාවලි සංචාරයක් ද සදහා ශ්‍රී ලංකා කාන්තා ක්‍රිකට් කණ්ඩායම සහභාගී වීමට නියමිත බව ද ඇය පැවසුවාය .

Continue Reading
Advertisement

Trending

Copyright © 2023 Sri Lanka Mirror. All Rights Reserved