Connect with us

පුවත්

රන්මාල කොල්ලකෑම් රැසකට හිටපු ජාතික රගර් ක්‍රීඩකයා අත්අඩංගුවට

Published

on

රන් මාල කොල්ලකෑම් රැසකට සම්බන්ධ  ජාතික රගර් කණ්ඩායමේ හිටපු ක්‍රීඩකයෙකු  රුපියල් ලක්ෂ 40, කට ආසන්න රන් භාණ්ඩ සමඟ අත්අඩංගුවට ගත් බව කඩුවෙල පොලිසිය කියයි.

එම සැකකරු සමග හොරයින් මත්කුඩු මිලිගෑම් 5400 කට අධික ප්‍රමාණයක් පොලිස් බාරයට ගෙන ඇත.

 කඩුවෙල විහාර මාවතේ සැකකටයුතු මෝටර් රථයක් නවතා තිබෙන බවට කඩුවෙල පොලිසියේ ස්ථානාධිපතිට ලද ලද තොරතුරකට අනුව  සැකකාර රගර් කීඩකයා අත්අඩංගුවට ගෙන පරික්ෂා කිරීමේදී ඔහු සන්තකයේ හොරයින් මත්කුඩු මිලිගෑම් 5400 ක් තිබි හමුවීමෙන් අනතුරුව පොලිසියට රැගෙන විත්  සිදු කළ දීර්ඝ ප්‍රශ්න කිරීමේ දී  පෑලියගොඩ කඩුවෙල  මුල්ලේරියාව හා වැලිකඩ පොලිස් බල ප්‍රදේශ වල සිදු වූ රන්මාල කොල්ලකෑම්  රැසක තොරතුරු අනාවරණය කර ගැනීමට හැකි වූ බව පොලිසිය කියයි.

සැකකරු ඒ ආකාරයෙන් 2022 වර්ෂයේ මැද භාගයේ දී වැලිකඩ පොලිස් වසමේ ව්‍යාපාරිකයකු පැළඳ සිටි පවුම් නමයක් බර රන් මාලයක්ද කොල්ල කා තිබූ බව පොලිස් විමර්ශනවලදී අනාවරණය වී ඇත.

ඊට අමතරව සෙසු පොලිස් වසම් වල  දී එලෙස රන්මාල කොල්ලකෑම සිදුකර තිබූ බව පොලිස් නිලධාරියකු පැවැසීය

ඒ සියලුම කොල්ල කෑම් සැකකරු සිදුකර ඇත්තේ සොරා ගත් යතුරු පැදිවලින් වීම විශේෂත්වයක් බවත් කොල්ල කෑමෙන් අනතුරුව එම යතුරු පැදි අත්හැර දමා ගොස් ඇතැයි පොලිසිය කියයි.

සැකකරු කොල්ල කන ලද සියලුම රන් භාණ්ඩ හෙට්ටිවීදිය සහ ග්‍රෑන්පාස් ප්‍රදේශ වල රන් භාණ්ඩ මිලදී ගන්නා ස්තාන වලට විකුණා තිබියදී පොලිසිය මඟින් සොයාගෙන ඇත.

රන් භාණ්ඩ සොයා ගන්නා අවස්ථාව වන විට එම රන් භාණ්ඩ උණු කර තිබූ බවත් පොලිස් නිලධාරියා වැඩිදුරටත් පැවසීය.

කොළඹ ප්‍රදේශයේ ප්‍රසිද්ධ ක්‍රීඩා සමාජයක ක්‍රීඩකයකු වන සැකකරු 2003  වසරේදී ජාතික රගර් කණ්ඩායම නියෝජනය කර  2007 වර්ෂයේදී හොරයින්  මත්කුඩු පානයට ඇබ්බැහි ව තිබූ බව  පොලිසිය කියයි. අත්අඩංගුවට ගත් සැකකරු දෙල්ගොඩ ප්‍රදේශයේ පදිංචිකරුවෙකි.

(අද)

පුවත්

ඉරාන තානාපති කොළඹ සාප්පු සංකීර්ණයක රථගාලකදී ආරවුලක පැටලෙයි

Published

on

By

ඉරාන තානාපති ආචාර්ය  ඩෙල්ක්‍රොෂ් (A Delkhosh) මහතාට පහරදී , අනතුරකට ලක්කළ ව්‍යාපාරිකයෙකු අත්අඩංගුවට ගත් බව කොම්පඤ්ඤවීදිය පොලිසිය කියයි.

තානාපතිවරයා කොළඹ සාප්පු සංකීර්ණයක රථගාලට  රථය ඇතුල් කරන අවස්ථාවේදී තවත් මෝටර් රථයක රියදුරෙක් සමඟ ආරවුලක් හටගෙන ඇති අතර එහිදී එම පුද්ගලයා තානාපතිවරයාට පහරදී එම ස්ථානයෙන් පලා යාමට උත්සාහ දරා ඇතැයි පොලිසිය කියයි.

එහිදි තානාපතිවරයා සිය මෝටර් රථයෙන් බිමට බැස  පලායාමට උත්සාහ දරන මෝටර් රථයේ බොනොට්ටුවට අත තබාගෙන පොලිස් නිලධාරීන් පැමිණෙනතුරු සිටින ලෙස මෝටර් රථයේ රියදුරුට දැනුම් දී ඇත.

 එම අවස්ථාවේදී මෝටර් රථයේ රියදුරු විසින් මෝටර් රථය පණ ගන්වා  මීටර් 15ක්දි පමණ ඉදිරියට රිය  ධාවනය කර ඇතැයි පොලිසියේ සිදුකළ විමර්ශනවලදී අනාවරණය වී ඇත.

අත්අඩංගුවට ගත් සැකකරු කොළඹ හත වෝඩ් පෙදෙසේ පදිංචි. වයස අවුරුදු තිස්තුනක පුද්ගලයෙකි.

Continue Reading

පුවත්

මුදල් හා රන්බඩු කොල්ල කන්න පවුලක්ම මරලා!

Published

on

By

බාප්පා,පුංචි සහ සහෝදරයා මරා මුදල් හා රන් භාණ්ඩ සොරාගත් පුද්ගලයකු අත්අඩංගුවට ගත් බව නාල්ල පොලිසිය කියයි.

අද අලුයම හතරට පමණ මාලදෙනිය ප්‍රදේශයේ නිවසකදී මෙම අමානුෂික ඝාතනය සිදුව ඇතැයි ද පොලිසිය සඳහන් කරයි.

පාපැදියකින් ගමන් ගත් පුද්ගලයකු පරීක්ෂා කළ පොලිසිය ඔහු සතුව රුපියල් ලක්ෂ 3කට ආසන්න මුදලක් සහ රන් භාණ්ඩ තිබී හමුවී ඇත.

ඒ සම්බන්දයෙන් සැකකරු අත්අඩංගුවට ගෙන පොලිසියට රැගෙන ගොස් පරීක්ෂා කිරීමේදී ඔහු සතුව තිබූ ලිපියන් සම්බන්දයෙන් පරීක්ෂා කිරීමේදී මෙම ඝාතනයේ තොරතුරු අනාවරණය වූ බව පොලිසිය සඳහන් කරයි.

මෙසේ ඝාතනය කර ඇත්තේ තම බිරියගේ බාප්පා,පුංචි සහ ඔවුන්ගේ දරුවා බව මෙතෙක් සිදු කල පරීක්ෂණවලින් අනාවරණය වන බව ද පොලිසිය සඳහන් කරයි.

(ලංකාදීප)

Continue Reading

පුවත්

රුසියානු තානාපති කාර්යාලයේ වැඩ බැලීමට විදේශ සේවයේ විශ්‍රාමිකයකු යවයි

Published

on

By

රුසියාවේ ශ්‍රී ලංකා තානාපති ධූරය තවමත් හිස්ව පැවතීම නිසා නව තානාපතිවරයකු පත් කරන තුරු විදේශ සේවයේ ජ්‍යෙෂ්ඨ නිලධාරියෙකු එම තානාපති කාර්යාලයේ වැඩ බැලීමට යැවීමට රජය සැලසුම් කර ඇතැයි වාර්තා වේ.

මේ අතර විදේශ කටයුතු රාජ්‍ය අමාත්‍ය තාරක බාලසූරිය මහතා මාධ්‍යට පවසා ඇත්තේ, තානාපතිවරයෙකු නොමැති වීම හුදෙක් කාර්ය පටිපාටියේ පරතරයක් පමණක් බවත්, රුසියාවේ පවතින විශේෂ තත්ත්වය මත විදේශ කටයුතු අමාත්‍යාංශයේ ජ්‍යෙෂ්ඨ නිලධාරියෙකු එහි කටයුතු අධීක්‍ෂණය කිරීමට යොමු කරන බවයි.

මෙසේ යවන්නේ විශ්‍රාමික විදේශ සේවයේ ජ්‍යෙෂ්ඨයකු බවත්, දැනට තානාපතිවරයකු නොමැති වීම ප්‍රධාන ප්‍රශ්නයක් නොවන බවද ඔහු අවධාරණය කර තිබේ.

අමාත්‍යවරයා වැඩිදුරටත් පවසා ඇත්තේ එහි දැනටමත් විදේශ සේවයේ ජ්‍යෙෂ්ඨ නිලධාරියෙකු සිටින බවත්, සිදුවෙමින් පවතින හදිසි අවශ්‍යතාවය සැලකිල්ලට ගෙන, ඉතා ජ්‍යෙෂ්ඨ විදේශ සේවා නිලධාරියෙකු යවන්නේ දැනට රුසියාවේ සිටින නිලධාරියා ප්‍රමාණවත් නොවන නිසා නොවන බවද ඔහු කියා සිටී.

මෙහෙයුම ශක්තිමත් කිරීම සඳහා මෙය සිදු කරන බවත්, සාමාන්‍ය ප්‍රොටෝකෝලය අනුව කටයුතු සිදුවන බවද බාලසූරිය මහතා අවධාරණය කර ඇත.

කෙසේවුවද, රුසියාවට තානාපතිවරයකු පත් කර ඇතත් ඔහු කවුරුන්ද යන්න මාධ්‍යට හෙළි නොකිරීමට ද බාලසූරිය මහතා කටයුතු කර තිබේ.

රුසියානු සමූහ ආණ්ඩුවේ හිටපු ශ්‍රී ලංකා තානාපතිනිය වන මහාචාර්ය ජනිතා ඒ ලියනගේ මහත්මියට සේවා දිග තුනක් ලබාදී තිබුණු අතර, ඇය පසුගිය අප්‍රේල් 29 වැනිදා මොස්කව්හි ශ්‍රී ලංකා තානාපති කාර්යාලයේ සිය සේවය අවසන් කර ඇත.

වර්තමානයේ, රුවිනි කේ. මුනිදාස මහත්මිය තානාපති කාර්යාලයේ භාර නිලධාරිනිය ලෙස කටයුතු කරනු ලබයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved