Connect with us

පුවත්

රනිල් ජනපති සටනට එනවද? නැද්ද? තීන්දුව අප්‍රේල්; පොහොට්ටු තීන්දුවත් අප්‍රේල්

Published

on

ජනාධිපති රනිල් වික්‍රමසිංහ මහතා  එළඹෙන ජනාධිපතිවරණය සඳහා තමන් ඉදිරිපත් වෙනවාද? නැද්ද? යන්න ප්‍රකාශයට පත් කිරීම ලබන අප්‍රේල් මාසය දක්වා කල් දමා ඇතැයි ‘දේශය’ පුවත්පත වාර්තා කර තිබේ.

එම ප්‍රකාශයට පෙර ජනාධිපති වික්‍රමසිංහ මහතාගේ දේශපාලන ශක්තිය මැන බැලීම සඳහා දීප ව්‍යාප්ත සමීක්ෂණයක් සිදුකිරීමටද තීරණය කර ඇතැයි ද පැවසේ.

මේ අතර ශ්‍රී ලංකා පොදුජන පක්ෂයේ ජනාධිපති අපේක්ෂකයා ප්‍රකාශයට පත්කිරීමද අප්‍රේල් මාසයේ සිදුකිරීමට නියමිතව ඇත.

කෙසේවුවද, පසුගිය වසරේ දෙසැම්බර් 18 වැනිදා කැබිනට් රැස්වීමෙන් පසුව එළඹෙන ජනාධිපතිවරණය සඳහා තමන් ඉදිරිපත් වන බවට ජනපති රනිල් වික්‍රමසිංහ මහතා කැබිනට් මන්ත්‍රීවරුන්ට පැවසූ බව මීට පෙර මාධ්‍ය වාර්තා කර තිබිණි.

ජනවාරි මාසයේ සිට ඒ සඳහා වූ ප්‍රචාරක කටයුතු ආරම්භ කෙරෙන බවත්, සියලු අමාත්‍යවරුන්ගේ සහය ඒ සඳහා ලබාදෙන ලෙසත් ඔහු එහිදී ඉල්ලා සිටි බවද එම වාර්තාවල සටහන් විය.

මේ අතර, ඊයේ (27) පැවැති නිමල් ලන්සා නිර්මාතෘත්වය දරණ අලුත් සන්ධානයේ ජනරැලිය ජනාධිපති රනිල් වික්‍රමසිංහ මහතා ජනාධිපති කරවීමේ අරමුණ ඇතිව පවත්වන පළමු මහජන රැලිය බවට ද වාර්තා පලවිය.

එසේම ලන්සාගේ රැලියට පාර්ලිමේන්තු මන්ත්‍රීවරු විශාල පිරිසක් එක්වන බවට ලන්සා තැන තැන කතා පවත්වා තිබුණද ඔහුගේ රැලියට එක්ව සිටියේ පාර්ලිමේන්තු මන්ත්‍රීවරු ‍සිවුදෙනෙකු පමණි.

සබැඳි පුවත් :

ධම්මිකගේ නම ජනපතිගේ කට අරියි; ජනපතිවරණට එන බවත් කැබිනට්ටුවට කියයි 

පුවත්

මෙරට ප්‍රංශ තානාපති අභාවප්‍රාප්ත වෙයි

Published

on

By

ශ්‍රී ලංකාවේ ප්‍රංශ තානාපතිවරයා රාජගිරිය ප්‍රදේශයේ පිහිටි සිය නිල නිවස තුළදී මියගොස් ඇති බව පොලීසිය පවසයි.

Jean Francois Pactet මහතා මියයන විට 53 හැවිරිදි වියේ පසුවිය.

දේහය සම්බන්ධයෙන් ස්ථානීය මහෙස්ත්‍රාත් පරීක්ෂණය සිදුකිරීමට නියමිතව ඇත.

Continue Reading

කලා

ආනන්ද පෙරේරා දිවිගමනට සමුදෙයි!

Published

on

By

මෙරට ප්‍රවීණ සංගීතඥයෙකු හා ගායකයකු වූ ආනන්ද පෙරේරා මහතා අභාවප්‍රාප්ත වී තිබේ.

මියයන විට ඒ මහතා 67 හැවිරිදි වියේ පසුවිය.

මහනුවර ජාතික රෝහලේ ප්‍රතිකාර ලබමින් සිටියදී ඒ මහතා අභාවප්‍රාප්ත වී ඇත.

මෙරට අතිශය ජනප්‍රිය සංගීත කණ්ඩායමක් වූ සිහශක්ති සංගීත කණ්ඩායම මෙහෙයවනු ලැබුවේ ඔහු විසිනි.

Continue Reading

පුවත්

“රාජපක්ෂලා එක්ක ඩීල් නොදැම්මේ සජබ විතරයි”

Published

on

By

රට විනාශ කළ රාජපක්ෂවරුන් සමග ඩිල් නොදැමූ එකම පක්ෂය සමගි ජන බලවේගය පමණක් බව විපක්ෂ නායක සජිත් ප්‍රේමදාස පවසයි.

ඔහු මෙම අදහස් පල කළේ, සජිත් ජනපති කරන, ජන බලය ගොඩ නගන ජන පවුර යන මැයෙන් සමගි ජන බලවේගය සංවිධාන කළ ජන රැළියට පොළොන්නරුව – කදුරුවෙළ නගරයේදී ඊයේ (25) එක්වෙමිනි.

ශ්‍රී ලංකා නිදහස් පක්ෂයේ හිටපු නියෝජ්‍ය අමාත්‍යවරයෙකු වූ නන්දසේන හේරත්, ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රී තිලක් මහලේකම් සහ ජනතා විමුක්ති පෙරමුණේ පොළොන්නරුව මහ නගර සභාවේ හිටපු නාගරික මන්ත්‍රී සමන්ත බණ්ඩාර විපක්ෂ නායක සජිත්ප්‍රේමදාසට සහය පළ කරමින් මෙහිදී සමගි ජන බලවේගය සමග එක්විය.

පාර්ලිමේන්තු මන්ත්‍රීවරුන් ඇතුලු සමගි ජන බල වේගය නියෝජනය කරන විශාල පිරිසක් මෙම රැලිය සඳහා එක්ව සිටියහ.

Continue Reading
Advertisement

Trending

Copyright © 2023 Sri Lanka Mirror. All Rights Reserved