Connect with us

පුවත්

“රා” කියාගෙන සුභාෂ්කරන්ගේ මොණරා එයි

Published

on

ව්‍යාපාරික අලි රාජා සුභාෂ්කරන්ගේ මුදල් ආය‍ෝජනයක් සහිත පුවත්පතක් ලබන 11 වැනිදා සිට එළිදැක්වීමට නියමිත බව වාර්තා වේ.

එය ස්වර්ණවාහිනී රූපවාහිනී නාලිකාව නඩත්තු කරනු ලබන බෙන් හෝල්ඩිංග්ස් විසින් මුද්‍රණය කර බෙදාහැරීමට නියමිත බව වාර්තා වේ.

එම පුවත්පතේ ප්‍රධාන කර්තෘවරයා ලෙස ඉරිදා ලංකාදීප හිටපු ප්‍රධාන කර්තෘ, ප්‍රවීණ මාධ්‍යවේදී ආරියනන්ද දොඹගහවත්ත මහතා කටයුතු කරන බව වාර්තා වේ.

මේවන විට වත්මන් ආණ්ඩුවේ ප්‍රධානම විදෙස් ආයෝජකයකු බවට පත්ව සිටින සුභාෂ්කරන් මහතා ස්වර්ණවාහිනිය ඇතුළු රූපවාහිනී නාලිකා දෙකක් හා ගුවන් විදුලි නාලිකා 3ක් ඇතුළත් ඊ.බී.සී. නොහොත් ඊඒපී බ්‍රෝඩ්කාසිටින් නෙට්වර්ක් ආයතනය, ස්කයි මීඩියා නෙට්වර්ක්ස් ට අයත් සිත රූපවාහිනී නාලිකා 2ක හා ගුවන් විදුලි නාලිකා 3 මෙන්ම මැක්ස් බ්‍රෝඩ්කාසිටින් නෙට්වර්ක්ස්ට අයත් රූපවාහිනී නාලිකාව හා ගුවන් විදුලි නාලිකාව ඇතුළු මාධ්‍ය ජාලයන්හි අවසන් හිමිකරු බවට පත්ව සිටී.

ඔහු යාපනයෙන් දේශපාලනයට පිවිසීමට ද උත්සාහයක් ඇති බවට මාධ්‍ය වාර්තා පැතිර ඇති අතර, ඒ මහතාගේ ලයිකා ආයතනයට ප්‍රංශයේදී මුදල් විශුද්ධිකරණය යටතේ චෝදනාද එල්ලව එහි සේවකයන් වරදකරුවන් බවට පත්ව තිබිණි.

සබැඳි පුවත්
ETI දේපල විකුණා ඇත්තේ නීතියට පිටින්: ස්වර්ණවාහිනී ඩීල් එකත් ප්‍රශ්නගතයි 

ලයිකා හා ප්‍රසාද්‌‌ගේ ඩීල් එක අගමැති කැබිනට්ටුවේදී කුඩුකරයි 

ටෙලිකොම් ගන්න ඉන්න අලි රාජා ජනපතිව ලන්ඩනයේදී මුණගැහෙයි!

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved