Connect with us

පුවත්

රූපවාහිනියේ මුල් පුටු දෙකම හිස්වෙයි 

Published

on

ජාතික රූපවාහිනියේ සභාපති හා අධ්‍යක්ෂ ජනරාල් තනතුරු දෙකම මේවනවිට හිස්ව ඇතැයි වාර්තා වේ.

ඒ ජනමාධ්‍ය අමාත්‍ය බන්දුල ගුණවර්ධන මහතා විසින් නව සභාපතිවරයා ලෙස විධිමත් පත්වීමේ ලිපියක් එහි සභාපතිවරයා ලෙස නම් කර ඇති ප්‍රසාද් සමරසිංහ මහතාට හා දැනට සේවා කාලය අවසන්ව ඇති අධ්‍යක්ෂ ජනරාල් අසංග ජයලත් මහතාගේ සේවා කාලය දීර්ඝ නොකිරීම නිසාය.

අමාත්‍යවරයා රටින් බැහැරව සිටීම එම ලිපි ලබා නොදීමට හේතුවී තිබේ.

මේවන විට නව සභාපතිවරයාගේ පත් කිරීමට ජනාධිපතිවරයාගේ එකඟතාවය ලබා දී ඇතත්, ඔහු අදාළ පත් කිරීම බාර ගැනීමට උනන්දුවක් නැති බවද පැවසේ.

ශ්‍රී ලංකා රූපවාහිනී සංස්ථාවේ අධ්‍යක්ෂ ජනරාල් අසංග ජයලත් ගේ මාස හයක 6 ක සේවා කාලය අවසන් වී ඇති බැවින් හා ඔහුගේ සේවය තවදුරටත් දීර්ඝ කිරීම සඳහා අමාත්‍යංශ ලේකම් අනුෂ පැල්පිට විසින් සිය නිර්දේශය අමාත්‍යවරයා වෙත දැනටමත් යොමු කර ඇතැයි ද වාර්තා වේ.

ඇමතිවරයා විසින් අධ්‍යක්ෂ ජනරාල්වරයා ලෙස අසංග ජයලත් ගේ සේවය දීර්ඝ කිරීම හෝ නව අධ්‍යක්ෂ ජනරාල්වරයකු සංස්ථාව වෙත පත්කරන තෙක්  සංස්ථාවේ කාර්යභාරය නිසි පරිදි පවත්වාගෙන යාම සඳහා ශ්‍රී ලංකා රූපවාහිනී සංස්ථාවේ අධ්‍යක්ෂ ජනරාල් තනතුරෙහි වැඩ බැලීමට ජනමාධ්‍ය අමාත්‍යංශයේ අතිරේක ලේකම් (පාලන) ඊ. එම්. එස්. බී. ජයසුන්දර පත්කර තිබේ.

සබැදි පුවත්:

රූපවාහිනි ප්‍රවෘත්ති මණ්ඩලේ කචල්; හේතුව බන්දුලගේ පබ්ලිසිටි 

රූපවාහිනිය​ට ප්‍රසාද්; ලේක්හවුස් ඒකට කාරියවසම්; දෙන්නම බන්දුලගේ යාළුවෝ 

අසංග ජයලත් රූපවාහිනී අධ්‍යක්ෂ ජනරාල් ධූරයට!

ටීවී රේටිං ක්‍රමය අක්‍රමවත් හා පක්ෂාග්‍රාහියි – අනූෂ පැල්පිට

රූපවාහිනියෙන් අජන්ත එළියට: නිපුන ඇතුළට

ඩොලර් එක නහුතෙට නැග්ගට රූපවාහිනියේ යූටියුබ් ආදායම එතනමයි!

පුවත්

ග්‍රාම නිලධාරීන් දේශපාලන රැස්වීම් වර්ජනයක

Published

on

By

දේශපාලනඥයන් සහභාගී වන කිසිදු උත්සවයකට සහභාගී නොවීමට ශ්‍රී ලංකා එක්සත් ග්‍රාම නිලධාරීන්ගේ සංගමය තීරණය කර තිබේ.

සිය වැටුප් ගැටලුවට විසඳුම් ලබා දෙන තෙක් මෙම තීරණයෙහි සිටින බව පවසන සංගමය ඊට අමතරව ඉඩම් ඔප්පු සැකසීම සහ ජාතික හැඳුනුම්පත් සඳහා කටයුතු කිරීම ආදී සියලුම රාජකාරිවලින් ඉවත්ව සිටින බවද පවසයි.

එම සංගමයේ උප සභාපති දයාන් අබේරත්න මහතා මේ බව පැවසිය  

Continue Reading

පුවත්

ධීවර යාත්‍රාවක් නැවක ගැටී අනතුරක්

Published

on

By

බහුදින ධීවර යාත්‍රාවක් අනතුරට පත්වීමෙන් එහි සිටි එක් ධීවරයෙකු මියගොස් තවත් ධීවරයෙකු අතුරුදන්ව තිබේ.

පසුගිය 12 වනදා වාලච්චේන ධීවර වරායෙන් ධීවරයින් පස්දෙනෙකු ධීවර කටයුතු සඳහා බහුදින ධීවර යාත්‍රාවකින් මුහුදු ගොස් සිටිය දී වරායේ සිට කිලෝ මීටර් 47ක් පමණ දුරින් මෙම අනතුර සිදුව ඇත.

මෙම බහුදින ධීවර යාත්‍රාව ධීවර කටයුතු සිදුකරමින් සිටි ප්‍රදේශයේ පැවති අධික වර්ෂාව හේතුවෙන් ඒ ආසන්යෙන් ගමන් කරමින් තිබූ නැවක ගැටී මෙම අනතුර සිදුව ඇති බවට දැනට සිදු කරන ලද විමර්ශන වලදී අනාවරණය වී ඇති බව පොලීසිය පවසයි.

අනතුරින් 47 හැවිරිදි නින්දවූර් ප්‍රදේශයේ පදිංචිකරුවෙකු දියේ ගිලී මියගොස් ඇති අතර 60 හැවිරිදි මුහුදු වෙරළ පාර, ඔලුවිල් හි පදිංචි ව සිටි තවත් පුද්ගලයෙකු අතුරුදන්ව ඇත.

එක් පුද්ගලයෙකු තුවාල ලබා ත්‍රිකුණාමලය රෝහලේ ප්‍රතිකාර ලබමින් සිටියි.

අනෙක් පුද්ගලයින් දෙදෙනා අනතුරින් තුවාල ලබා නොමැති බව සඳහන් වේ.

නාවික හමුදාව විසින් වෙනත් ධීවර බෝට්ටුවක සහාය ඇති ව මෙම පුද්ගලයින් බේරා ගැනීමට කටයුතු කර ඇත.

වාලච්චේන පොලීසිය වැඩිදුර විමර්ශන සිදුකරයි.

Continue Reading

පුවත්

මත් කුඩු කිලෝ 450ක් අද පුත්තලමේදී විනාශ කෙරේ

Published

on

By

පොලිසිය ඇතුළු ආරක්ෂක අංශ අත්අඩංගුවට ගත් මත්ද්‍රව්‍ය කිලෝ 450 කට අධික තොගයක් විනාශ කිරීම අද  පස්වරු 5.00 ට මහජන ආරක්ෂක අමාත්‍ය ටිරාන් අලස්, පොලිස්පති දේශබන්දු තෙන්නකොන් යන මහත්වරුන්ගේ ප්‍රධානත්වයෙන් පුත්තලම වනාතවිල්ලුව ප්‍රදේශයේදී සිදු කෙරේ.

පොලිස් විශේෂ කාර්ය බළකාය විසින් වනාතවිල්ලුව ලැක්ටෝස් වත්ත ප්‍රදේශයේ අලුතින් ඉදිකළ අධිබලැති නව දහන උදුනක් මගින් මෙම මත්ද්‍රව්‍ය තොගය විනාශ කරනු ලබයි.

පොලිසිය, පොලිස් මත්ද්‍රව්‍ය කාර්යාංශය, පොලිස් විශේෂ කාර්ය බළකාය, නාවික හමුදාව, යුද හමුදාව ඇතුළු ආරක්ෂ අංශ විසින් පසුගිය කාලවකවානුවේ විශාල මත්ද්‍රව්‍ය තොගයක් අත්අඩංගුවට ගනු ලැබීය.

ඒ අනුව දැනට නඩු කටයුතු අවසන් කර ඇති මත්ද්‍රව්‍ය තොගයක් මෙසේ විනාශ කෙරන බව පොලිස් මාධ්‍ය ප්‍රකාශක කාර්යාලය පැවසීය.

Continue Reading
Advertisement

Trending

Copyright © 2023 Sri Lanka Mirror. All Rights Reserved