Connect with us

පුවත්

රොෂාන් මහානාම ඉන්දිරා පිළිකා භාරය සමඟ අවබෝධතා ගිවිසුමක් අත්සන් කරයි

Published

on

රොෂාන් මහානාම භාරය (RMT) ඉන්දිරා පිළිකා භාරය (ICT) සමඟ ඔවුන්ගේ අඛණ්ඩ සහයෝගීතාවය විධිමත් කිරීම සඳහා අවබෝධතා ගිවිසුමක් (MOU) අත්සන් කර ඇත.

මෙම ගිවිසුමට අත්සන් තැබීම 2024 මැයි 28 දින කොළඹ දී සිදුවිය.

ළමා පිළිකා ඖෂධ සහ අනෙකුත් අත්‍යාවශ්‍ය සේවා සැපයීම මඟින් ඉන්දිරා පිළිකා භාරය හා ශ්‍රී ලංකාවේ ළමා රෝග සහන සත්කාර මධ්‍යස්ථානය වන “සුව අරණ – සුවය සදන ස්ථානය” සඳහා ඔවුන්ගේ සහයෝගීත්වය වැඩිදියුණු කිරීම මෙම හවුල්කාරීත්වයේ අරමුණ වී තිබේ.

මෙම අවස්ථාවට එක්වූ රොෂාන් මහානාම භාරයේ සභාපති රොෂාන් මහානාම මහතා,

” ICT ආරම්භයේ සිටම එහි භාරකරුවෙක් ලෙස කටයුතු කර ඇති අතර මගේ භාරය හරහා අඛණ්ඩව සහයෝගය ලබාදීමට හැකිවීම සම්බන්ධයෙන් මම සතුටු වෙනවා. මේ අවබෝධතා ගිවිසුම අපේ හවුල්කාරීත්වය තවදුරටත් ශක්තිමත් කරනු ඇතැයි මම බලාපොරොත්තු වෙනවා. ශ්‍රී ලංකාවේ සිටින ළමා පිළිකා රෝගීන්ට සහ ඔවුන්ගේ පවුල්වලට සපයන සහයෝගය හේතුවෙන් දරුවන් ලබා ඇති ප්‍රගතිය හේතුවෙන් ඔවුන් සපයන විශිෂ්ට සේවය පිළිබඳ අපි ICT ඉන්දිරා භාරය වෙත කෘතඥ වෙනවා”

මෙහිදී ඉන්දිරා පිළිකා භාරයේ සභාපති වෛද්‍ය ලංකා ජයසූරිය මහත්මිය RMT වෙතින් ලබාදුන් සහයෝගයට සිය කෘතඥතාව පළ කළාය.

“රොෂාන් මහානාම භාරය සමඟ එක්ව කටයුතු කිරීමට ලැබීම සතුටට කරුණක්. ඔවුන් ඉන්දිරා පිළිකා භාරය හා සුව අරණ වෙත ලබාදෙන සහයෝගය පිළිබඳ අපි බෙහෙවින් ස්තූතිවන්ත වෙනවා.”

ICT සහ RMT යන ආයතනදෙකම ශ්‍රී ලංකාවේ ලියාපදිංචි පුණ්‍යායතන වන අතර, සෞඛ්‍ය, අධ්‍යාපනය සහ ළමා ආරක්ෂාව වැනි තීරණාත්මක ක්ෂේත්‍ර කෙරෙහි මෙම ආයතන සිය අවධානය යොමු කරයි.

පුවත්

නාඳුනන මළ සිරුරක් හමුවේ

Published

on

By

කයිට්ස් මඩත්තවේලි ප්‍රදේශයේ තිබී නාඳුනන පිරිමි පුද්ගලයෙකුගේ මළ සිරුරක් හමුව තිබේ.

පොලීසිය පැවසුවේ ඊයේ (14) සවස කයිට්ස් පොලීසියට ලද තොරතුරක් මත අදාළ විමර්ශන කටයුතු ආරම්භ කළ බවය.

මෘත ශරීරය සම්බන්ධයෙන් හදිසි මරණ පරීක්ෂණය සිදුකර ඇති අතර මෙතෙක් ඔහුගේ අනන්‍යතාවය තහවුරු කරගෙන නොමැත.

මෙම පුද්ගලයා අවුරුදු 45ත් 50 අතර උස අඩි 05යි අඟල් 02 ක් පමණ වන අයෙක් බව පොලීසිය පවසයි.

සිරුර යාපනය රෝහලේ තැන්පත් කර ඇති අතර කයිට්ස් පොලීසිය වැඩිදුර විමර්ශන සිදුකරයි

Continue Reading

පුවත්

කොළඹ වරායට පැමිණි නිර්වින්දන ඖෂධ බෙදාහැරීමට සැලසුම්

Published

on

By

කොළඹ වරායට රැගෙන ආ නිර්වින්දන ඖෂධ තොගය අද (15) දිනයේ බෙදාහැරීමට සැලසුම් කර ඇතැයි සෞඛ්‍ය අමාත්‍යාංශය පවසයි.

එහි වෛද්‍ය සැපයුම් අංශයේ අධ්‍යක්ෂ, නියෝජ්‍ය අධ්‍යක්ෂ ජනරාල් වෛද්‍ය ජි විජේසූරිය මහතා පැවසුවේ, එතෙක් පෞද්ගලික ආයතන වලින් අදාළ ඖෂධ මිලදී ගෙන සැත්කම් සිදුකරන්නැයි රෝහල් අධ්‍යක්ෂවරුන්ට උපදෙස් දුන් බවය.

ජාතික රෝහලේ ශල්‍යාගාරවල නිර්වින්දන ඹෟෂධ හිඟයක් පවතින බවද වාර්තා වේ.

ජාතික රෝහලේ ආරංචි මාර්ග සඳහන් කළේ, ඒ හේතුවෙන් සැත්කම් අවලංගු කිරීමට සිදුව ඇති බවයි.

Continue Reading

පුවත්

ජනපතිට වසරක දිගුවක් !

Published

on

By

ජනමත විචාරයකින් තොරව පාර්ලිමේන්තුවේ තුනෙන් දෙකක බහුතරයකින් ජනාධිපති ධූර කාලය දීර්ඝ කර ගැනීමේ හැකියාව පිළිබඳව මේ වන විට සාකච්ඡා වෙමින් පවතින බව “මවුබිම” පුවත්පත වාර්තා කර තිබේ.

මේවන විට මේ පිළිබඳව නීති ක්ෂේත්‍රයේ විශාදයින්ගේ මතය විමසීමට ජනපතිවරයාට හිතවත් පාර්ශව කටයුතු කර ඇති බවත්, ඔවුන්ගේ මතය වී ඇත්තේ ජනපතිවරයාගේ ධූර කාලය මේ අයුරින් වසර 5 සිට 6 දීර්ඝ කිරීමට අවස්ථාවක් ඇති බව යැයි එම පුවත්පත වැඩිදුරටත් වාර්තා කර ඇත.

2015 ආණ්ඩුක්‍රම ව්‍යවස්ථාවේ 19 වැනි සංශෝධනයෙන් ජනපතිවරයාගේ වසර 6ක්ව පැවැති ධූර කාලය වසර 5ක් දක්වා ඒ අවස්ථාවේ අඩුකාලා සේම, පාර්ලිමේන්තුවේ 2/3 බහුතරයකින් ධූර කාලය වසර 5 සිට 6 දක්වා දීර්ඝ කර ගැනීමට හැකියාව පවතින බව ජැමෙයිකා තාක්ෂණ විශ්ව විද්‍යාලයේ හිටපු මහාචාර්ය නීතීඥ ප්‍රතිභා මහානාම මහතා සදහන් කරන බවද පැවසේ.

ඒ අවස්ථාවේ ජනමත විචාරණයක් නොපැවැත්වුණ බවද ඔහු කියා සිටී.

78 ආණ්ඩුක්‍රම ව්‍යවස්ථාවට අනුව 83(ආ) ව්‍යවස්ථාවේ ඇත්තේ ජනාධිපතිවරයාගේ ධූර කාලය හා පාර්ලිමේන්තුවේ ධූර කාලය සය අවුරුද්දක් ඉක්මවා දීඝ කරන්නා වූ පනත් කෙටුම්පතක් පාර්ලිමේන්තුවේ 2/3කින් සහ ජනමත විචාරණයකින් සම්මත විය යුතු බවයි.

යම් හෙයකින් ජනපතිවරයාට 2/3ක බහුතරයක් නැතිවුවහොත් ජාතික වැදගත්කමින් යුත් කාරණයක් ලෙස ජනමත විචාඑණයකින් සම්මත කර ගැනීමට හැකියාව පවතින බවද පැවසේ.

Continue Reading

Trending

Copyright © 2023 Sri Lanka Mirror. All Rights Reserved