Connect with us

පුවත්

රෝස මල් ඉන්දියාවෙන් ගෙන්වීමෙන් මල් වගාකරුවොත් හාන්සිවෙයි

Published

on

ඉන්දියාව ඇතුළු රටවල්වලින් රෝස මල් ආනයනය කිරීම නිසා මෙරට රෝස මල් වගාකරුවන් දහසකට අධික සංඛ්‍යාවකට සිය කර්මාන්තය කරගෙන යෑමට නොහැකි තත්ත්වයක් උද්ගතව ඇති බව වාර්තා වේ.

මල් ආනයනය කිරීම සඳහා පේරාදෙණිය උද්භිද උද්‍යානයේ මල් වගා හා පර්‌යේෂණ අංශය විසින් අවසර බලපත්‍රයක් නිකුත් කරනු ලබයි. මේ වන විට එම බලපත්‍රය ඔස්සේ සහ නීති විරෝධී ලෙස හොර රහසේ ඇතැමුන් රෝස මල් ආනයනය කරන බව මල් වගාකරුවෝ පවසති.

ඇතැමුන් මල් ආනයනය කර අන්තර්ජාලය ඔස්සේ මාර්ගගත ක්‍රමයට රෝස මල් අලෙවි කිරීම සිදු කරන්නේය.

ජනවාරි සිට මැයි දක්වා වූ කාලයේදී රෝස මල් ඉල්ලුමක් පවතින අතර, අනෙකුත් මාසවලදී සාමාන්‍ය වෙළෙඳාමක් පවතින බව රෝස මල් වගාකරුවෝ කියා සිටිති. 

කෙසේවුවද, මේ වනවිට ආනයනික රෝස මල් සඳහා ඇතැමුන් විශාල වශයෙන් ඉල්ලුම් කිරීම නිසා දේශීය රෝස මල්වලට තිබෙන ඉල්ලුම ක්‍රමයෙන් අඩුවී තිබේ.

දේශීය රෝස මලක් රුපියල් 80 සිට 150 දක්වා අලෙවි කෙරෙද්දී, ආනයනික රෝස මලක් රුපියල් 250කට අලෙවි වන බවද පැවසේ.

වැලිමඩ, බණ්ඩාරවෙල, දියතලාව, හල්දුම්මුල්ල ආදී ප්‍රදේශවල වැඩි වශයෙන් රෝස මල් වගා කෙරෙන බවත්, වැඩි වශයෙන් මල් ආනයනය කිරීම නිසා මෙරට රෝස මල් වගාකරුවන් 1500ක් පමණ අසීරුතාවයට පත්ව සිටින බවත් දියතලාව යාය සුවහස් මල් සංගමයේ සභාපති සංජය නිශාන්ත ජයසිංහ මහතා කියා සිටී.

අනවසර ක්‍රම ඔස්සේ මෙරටට ආනයනය කෙරෙන රෝස මල් ප්‍රමාණය ඉහළ ගොස් තිබෙන බවත්, රෝස මල් ආනයනය අධීක්ෂණය කිරීමේදී රජය වැඩි අවධානයක් යොමුකර දේශීය මල් වගාකරුවා ආරක්ෂා කිරීමට නිසි වැඩපිළිවෙලක් සකස් කළ යුතුව ඇතැයි ද ඔහු අවධාරණය කරයි.

මූලාශ්‍රය – අරුණ

ක්‍රීඩා

යුපුන් ජර්මනියේදීත් එක වෙයි

Published

on

By

ජර්මනියේ පැවති Internationales Leichtathletik Meeting මලල ක්‍රීඩා ශුරතා තරගාවලියේදී පිරිමි මීටර 100 ධාවන ඉසව්වේ ප්‍රථම ස්ථානය දිනා ගැනීමට යුපුන් අබේකෝන් ඊයේ (24) සමත් විය.

ඔහු මෙම ඉසව්ව අවසන් කළේ තත්පර 10.16කිනි. 

යුපුන් මූලික වටයේදී තත්පර 10.15 දක්ෂතාවක් වාර්තා කරමින් ප්‍රථම ස්ථානය දිනා අවසන් තරගයට සුදුසුකම් ලැබූ අතර එම කාලය වාර්තා වුණේ යුපුන් මෙම කාලසීමාවේදී දැක් වූ හොඳම දක්ෂතාවය ලෙසය.

Continue Reading

පුවත්

තරුණයින් 2කගේ සිරුරු මල්වානේ කුඹුරක

Published

on

By

දොම්පේ  මල්වාන මායිවල ප්‍රදේශයේ කුඹුරක පාවෙමින් තිබූ මලසිරුරු දෙකක් හමුවූ බව දොම්පේ පොලිසිය පවසයි.

පොලිසි හදිසි ඇමතුම් අංකයට ලද තොරතුරක් මත පොලිස්  නිලධාරින් කණ්ඩායම් ගොස් සිදු කළ නිරීක්ෂණයේදී මෙම මල සිරුරු දෙක සොයා ගැනීමට හැකි වී ඇතග

මෙලෙස මියගොස් ඇත්තේ රම්බොඩ නාවලතැන්න ප්‍රදේශයේ පදිංචිකරුවන් වන අවුරුදු 19 සහ 29 වයස්වල තරුණයන් දෙදෙනෙකි.

සිද්ධි සම්බන්ධයෙන් දොම්පේ පොලිසිය වැඩිදුරටත් පරීක්ෂණ පවත්වයි.

Continue Reading

පුවත්

තරුණයෙක් ගුවන් පාලමකින් අධිවේගී මාර්ගයට පැනලා

Published

on

By

දක්ෂිණ අධිවේගී මාර්ගයේ අතුරුගිරිය සහ කොට්ටාව අතුරු මාර්ගයක පාලමේ සිට දක්ෂිණ අධිවේගී මාර්ගයට පැනීම නිසා ධාවනය වෙමින් තිබූ වාහනයක ගැටුණු තරුණයකු බරපතල තුවාල ලබා හෝමාගම මූලික රෝහලට ඇතුලත් කර ඇතැයි අතුරුගිරිය පොලිසිය පවසයි.

මෙම තරුණයා සිය දිවි නසා ගැනීමට මෙලෙස අධිවේගී මාර්ගයට පැන්නාද නැතහොත් වෙනත් පාර්ශවයක් විසින් පාලම මත සිට එම තරුණයා අධිවේගී මාර්ගයට තල්ලු කාළා ද යන්න පිළිබඳව පරීක්ෂණයක් ආරම්භ කළ බවද පොලිසිය පවසයි.

මෙලෙස අනතුරට ලක්ව ඇත්තේ අතුරුගිරිය වල්ගම සුව මාවත සිසිලස උද්‍යානයේ පදිංචිකරුවකු වන 24 හැවිරිදි තරුණයෙකි.

සිද්ධිය සම්බන්ධයෙන් අතුරුගිරිය පොලිසිය වැඩි දුරටත් පරීක්ෂණ පවත්වයි.

Continue Reading
Advertisement

Trending

Copyright © 2023 Sri Lanka Mirror. All Rights Reserved