Connect with us

පුවත්

වරායේ හා ගුවන්තොටේ පහසුකම් වැඩිකරන්න ජපානයෙන් ප්‍රදානයක්

Published

on

මිලියන 1.5 කට ආසන්න විදේශ සංචාරකයන්ගේ පැමිණීමත් සමඟ මිලියන 7.5 ක මගී නිශ්කාෂණයක් සටහන් වූ බණ්ඩාරනායක ජාත්‍යන්තර ගුවන්තොටුපළ [Bandaranaike International Airport (BIA)] සංඛ්‍යාලේඛණ, COVID – 19 වසංගතයෙන් පසු සහ 2022 ආර්ථික අර්බුදයෙන් පසු ශ්‍රී ලංකාව නැවත සංවර්ධනයේ ගමන් මගට අවතීර්ණ වී ඇති බව පෙන්නුම් කරයි. 

මෙම ධනාත්මක ප්‍රවර්ධනය සමග ශ්‍රී ලංකාවට ඇතුළුවීමේ වරායන් සහ තොටුපළ [Points of Entry (PoE)] කිසිදු වසා දැමීමකින් තොරව ක්‍රියාත්මක වීම පෙර කවරදාටත් වඩා ජාතික ප්‍රමුඛතාවයක් බවට පත්ව ඇත.
මෙම බලාපොරොත්තු සහගත පසුබිම තුළ, ශ්‍රී ලංකා සහ මාලදිවයින් රාජ්‍යයන්හි ඇතුළු වීමේ වරායන් හා තොටුපල සංවර්ධනය කිරීම සදහා ජපාන රජය විසින් සංක්‍රමණය සඳහා වූ ජාත්‍යන්තර සංවිධානය [International Organization for Migration (IOM)] හරහා ඇමරිකානු ඩොලර් මිලියන 8.4 ක ප්‍රදානයක් ලබා දී ඇත.

මෙම ප්‍රදානය මගින් ශ්‍රී ලංකාවේ බණ්ඩාරනායක ජාත්‍යන්තර ගුවන්තොටුපල (BIA) සහ කොළඹ වරාය ඉදිරියේදී ඇතිවිය හැකි වසංගත හෝ බෝවන රෝග වැනි හදිසි තත්වයන් හට මුහුණ දීමට හැකිවන පරිදි වැඩි දියුණු කරමින් ශක්තිමත් කිරීම අපේක්ෂා කරයි. මෙම ව්‍යාපෘතිය යටතේ ලබා දෙන පළමු උපකරණ තොගය 2024 අප්‍රේල් 10 වන දින බණ්ඩාරනායක ජාත්‍යන්තර ගුවන්තොටුපල පරිශ්‍රයේදී ලබා දෙන ලදි.

ව්‍යාපෘතිය මගින් බණ්ඩාරනායක ජාත්‍යන්තර ගුවන්තොටුපල සහ කොළඹ වරාය වෙත අධි තාක්ෂණික ගමන් මලු සහ සම්පූර්ණ ශරීර පරීක්ෂා කල හැකි පරිලෝකන යන්ත්‍ර (ස්කෑන් යන්ත්‍ර), මුහුණු හඳුනා ගැනීමේ පද්ධතියකින් [Face Recognition System (AFRS)] සමන්විත ස්වයංක්‍රීය ප්‍රත්‍යන්ත පාලන [Automated Border Control (ABC)] ගේට්ටු, ඉලෙක්ට්‍රොනික විදේශ ගමන් බලපත්‍ර පරීක්ෂා කිරීමේ යන්ත්‍ර, සහ ජෛවමිතික ව ප්‍රවේශ පාලනය කිරීමේ පද්ධතියක් ඇතුළු අති නවීන තාක්ෂණික උපකරණ සහ පහසුකම් ලබා දීමට නියමිතය. මීට අමතරව මගීන්ගේ සහ කාර්ය මණ්ඩලයන්හි පහසුව සඳහා ස්පර්ශයෙන් තොරව සංවේදක මත ක්‍රියාත්මක වන සනීපාරක්ෂක උපාංගයන්ගෙන් සමන්විත සුහුරු වැසිකිලි 150ක් ප්‍රතිසංස්කරණය කිරීමටද නියමිතය.

ශ්‍රී ලංකාවේ ජපාන තානාපති මිසුකොෂි හිදෙඅකි මහතා මෙම උත්සවය අමතමින් ශ්‍රී ලංකාවේ ආර්ථික ප්‍රගතිය සහ සංවර්ධනය සඳහා ජපානයේ නොසැලෙන කැපවීම නැවත තහවුරු කිරීමට ලැබීම ගැන තමන් ආඩම්බර වන බවත් බණ්ඩාරනායක ගුවන්තොටුපළ සහ කොළඹ වරාය කෙරෙහි විශේෂ අවධානයක් යොමු කරමින් ලබා දෙන මෙම ප්‍රධානය මඟින් ශ්‍රී ලංකාවේ පිවිසුම් තොටුපළවල් වැඩි දියුණු කිරීම අපේක්ෂිත බවත් සදහන් කළේය. මෙම ප්‍රවේශය ශ්‍රී ලංකාවේ පිවිසුම් තොටුපළවල් හදිසි අවස්ථාවන්හිදී බාධාවකින් තොරව ක්‍රියාත්මක කිරීමට උපකාරී වනු ඇති බවට අපේක්ෂා කරන බව ද තානාපතිතුමන් විසින් වැඩිදුරටත් පවසා සිටින ලදි.

මීට අමතරව, මෙම ව්‍යාපෘතිය මගින් පිවිසුම් තොටුපළවල අපද්‍රව්‍ය බැහැර කිරීමේ හැකියාවන් වැඩිදියුණු කිරීම සහ සෞඛ්‍ය හා වෛද්‍ය සේවාවන් සඳහා අත්‍යාවශ්‍ය වෛද්‍ය උපකරණ ලබාදීම මෙන්ම, ගුවන් තොටුපළ පරිශ්‍රයේ පිහිටි හුදකලා කාමරය සියලු පහසුකම් වලින් සමන්විතව ප්‍රතිසංස්කරණය කිරීමත් අපේක්ෂිතය. මෙම වැඩි දියුණු කිරීම්, මෙම පිවිසුම් තොටුපළවල් ජාත්‍යන්තර සෞඛ්‍ය රෙගුලාසි [International Health Regulations (IHR)] වලට අනුකූලව සකස් කිරීමට උපකාරී වනු ඇත.

ව්‍යාපෘතිය හරහා කොළඹ වරායේ වරාය සෞඛ්‍ය සේවය සඳහා තට්ටු හතරකින් යුත් කාර්යාල ගොඩනැගිල්ලක් ඉදිකිරීමටද නියමිත අතර, මහජන සෞඛ්‍ය හදිසි අවස්ථා සඳහා කඩිනම් ප්‍රතිචාර දැක්වීමට හැකි වන පරිදි ජාත්‍යන්තර ප්‍රමිතීන්ට අනුකූලව ප්‍රත්‍යන්ත පාලනය ශක්තිමත් කිරීම සඳහා පුළුල් පුහුණුව ලබා දීම තුලින් කාර්ය මණ්ඩල ධාරිතාව වැඩිදියුණු කිරීමද අපේක්ෂිතය. විදේශයන්හි වෙසෙන ශ්‍රී ලාංකිකයන් සඳහා විදේශ ගමන් බලපත්‍ර නිකුත් කිරීම වේගවත් කිරීමේ අරමුණින් ශ්‍රී ලංකා රාජ්‍ය තාන්ත්‍රික දූත මණ්ඩල 25 කට ජෛවමිතික දත්ත ලබා ගැනීමට අවශ්‍ය වන උපකරණ කට්ටල ලබා දෙනු ලබන අතර, මෙමගින් දූත කාර්ය මණ්ඩල වලට ආගමන හා විගමන දෙපාර්තමේන්තුව සමඟ සම්බන්ධ වීමට හැකි වනු ඇත.

මෙම කාලීන මුල පිරීම පිළිබඳව අදහස් දක්වමින් වරාය, නාවික හා ගුවන් සේවා අමාත්‍ය  ගරු නිමල් සිරිපාල ද සිල්වා මහතා, සෞඛ්‍ය සූදානම සැලකිය යුතු ලෙස ඉහළ නංවන මෙම වැදගත් ව්‍යාපෘතිය සඳහා ජපාන රජය, සංක්‍රමණය සඳහා වූ ජාත්‍යන්තර සංවිධානය හරහා ලබා දුන් නොමසුරු මුල්‍ය ආධාරය පිළිබඳව තමන් අතිශයින් කෘතඥ වන බවත් පවසා සිටියේය. මෙම ව්‍යාපෘතිය මඟින් ශ්‍රී ලංකාවේ ප්‍රධානතම ගුවන් තොටුපලේ සහ කොළඹ වරායේ, කාර්යයන් ජාත්‍යන්තර සෞඛ්‍ය රෙගුලාසිවලට අනුකූලව අනුගත වීම හේතුවෙන්,මගීන්ට, කාර්ය මණ්ඩලයට සහ ගුවන් කාර්යය මණ්ඩලයට ප්‍රතිලාභ සැලසෙන අතර, එය බාධාවකින් තොරව, ආරක්ෂිත ප්‍රත්‍යන්ත පාලන මෙහෙයුම් ක්‍රියාත්මක කිරීම සඳහා අවශ්‍ය මහජන විශ්වාසය දිනා ගැනීමට ඉවහල් වනු ඇති බවත් ඔහු පැවසීය.

වරාය, නාවික හා ගුවන් සේවා අමාත්‍යාංශයේ මගපෙන්වීම යටතේ ගුවන් තොටුපළ සහ ගුවන් සේවා ශ්‍රී ලංකා පුද්ගලික සමාගම [Airport & Aviation Services Sri Lanka Limited (AASL)], ශ්‍රී ලංකා වරාය අධිකාරිය, ආගමන හා විගමන දෙපාර්තමේන්තුව, සෞඛ්‍ය සහ විදේශ කටයුතු අමාත්‍යාංශ සමඟ සමීප සම්බන්ධීකරණයෙන් සංක්‍රමණය සදහා වූ ජාත්‍යන්තර සංවිධානය විසින් ක්‍රියාත්මක කරන මෙම ව්‍යාපෘතිය සම්බන්ධයෙන් අදහස් දක්වමින් එම සංවිධානයේ ශ්‍රී ලංකාව සහ මාලදිවයින සඳහා වන ප්‍රධානී සරත් දාස් මහතා, පිවිසුම් තොටුපළවල් ශක්තිමත් කිරීම අනාගතය සඳහා ආයෝජනයක් බව තම සංවිධානය තරයේ විශ්වාස කරන බව ප්‍රකාශ කළේය.

තව දුරටත් අදහස් දක්වමින් ව්‍යාපෘතියේ අවධානය භෞතික යටිතල පහසු කම් වලින් ඔබ්බට විහිද ආර්ථිකය, ආරක්ෂාව සහ ඩිජිටල්කරණය යන අංශවල ප්‍රවර්ධනයට වැදගත්වනු ඇති බව අවධාරණය කළේය. ජාතික වැදගත්කමකින් යුත් මෙම ව්‍යාපෘතියේ කොටස්කරුවෙකු වීමට ලැබීම IOM සංවිධානය වරප්‍රසාදයක් ලෙස සළකන බවත් එය සාර්ථක ලෙස ක්‍රියාත්මක කිරීම සඳහා සියලුම පාර්ශ්වකරුවන් විසින් ලබා දෙන සහයෝගයට තමන් කෘතඥ වන බවත් ඔහු වැඩිදුරටත් ප්‍රකාශ කරන ලදි.

තවද, ප්‍රධාන පිවිසුම් තොටුපළ වල කාර්යක්ෂම සහ ආරක්ෂිත මෙහෙයුම් සඳහා උපකාරී වෙමින් පොරොත්තු කාලයන් හා තදබදය අවම කරමින්, එමගින් සංචාරක විශ්වාසය තව දුරටත් වැඩි දියුණු කර, සංචාරක සහ ව්‍යාපාරික සංචාරවල ප්‍රබෝධයක් ඇති කිරීමේ හැකියාව ඇති කිරීමට මෙමගින් ඉඩ ප්‍රස්ථාව ලැබෙනු ඇත.

පුවත්

තවත් පිරිසක් සජබය සමඟ එක්වේ

Published

on

By

ශ්‍රී ලංකා නිදහස් පක්ෂයේ සහ ජනතා විමුක්ති පෙරමුණේ ප්‍රාදේශීය සංවිධායකවරුන් කිහිප දෙනෙකු විපක්ෂ නායක සජිත් ප්‍රේමදාස මහතා හමු වී සමගි ජන බලවේගය සමග එක්වී තිබේ. 

ඒ සමගි ජන බලවේගය විසින් ක්‍රියාත්මක ජන පවුර වැඩසටහනේ පොළොන්නරුව දිස්ත්‍රික් රැස්වීම පැවැති අවස්ථාවේදී ය.

හිටපු පාර්ලිමේන්තු මන්ත්‍රීවරයකු සහ හිටපු අමත්‍යවරයකු වූ නන්දසේන හේරත් මහතා විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

එමෙන්ම ශ්‍රී ලංකා නිදහස් පක්ෂයේ හිටපු පාර්ලිමේන්තු මන්ත්‍රීවරයකු මෙන් ම මහවැලි සංවර්ධන අධිකාරියේ අධ්‍යයක්ෂවරයකු ලෙස කටයුතු කළ තිලක් මහලේකම්ගේ මහතා ද සමගි ජන බලවේගය හා එක්විය.

තවද ජනතා විමුක්ති පෙරමුණේ පොළොන්නරුව නගර සභාවේ අපේක්ෂකයෙකුව සිටි එච්. සමන්ත බණ්ඩාර මහතා ද විපක්ෂ නායක සජිත් ප්‍රේමදාස මහතාට සහාය පළ කිරීමේ අරමුණින් සමගි ජන බලවේගය හා එක්විය.

Continue Reading

පුවත්

ලෝක ප්‍රසිද්ධ සුරතලා මිය යයි

Published

on

By

ක්‍රිප්ටෝ මුදල් ඒකකයක් වන ඩොජ්කොයින්හි සංකේතය වන සුනඛ මුහුණට හිමිකම් කියන කබොසු සුනඛයා මිය ගොස් තිබේ.

ෂීබා ඉනූ සුනඛ වර්ගයට අයත් කබොසු ලියුකේමියාව හේතුවෙන් මියගොස් ඇත.

එම සුරතලාගේ හිමිකරු වන්නේ ජපානයේ ගුරුවරයෙකි.

Continue Reading

පුවත්

අපිරිසිදු දන්සල් 20කට නීතිමය ක්‍රියාමාර්ග

Published

on

By

දිවයින පුරා පවත්වනු ලැබූ දන්සල් 20,000ක් පරීක්ෂාවට ලක්කළ බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමයේ විධායක සාමාජික සඳුන් හේමන්ත රත්නායක මහතා පවසයි.

එහිදී අපිරිසිදු තත්ත්වයේ පවත්වාගෙන ගිය දන්සැල් 20කට එරෙහිව නීතිමය ක්‍රියාමාර්ග ගත් බව සඳුන් හේමන්ත රත්නායක මහතා විසින් පවසන ලදී.

කොළඹ නගර සීමාවේ දන්සැල් 4000ක් පරීක්ෂාවට ලක් කර ඇති අතර , එයිනුත් අපිරිසිදු තත්ත්වයේ තිබූ දන්සැල් 5කට එරෙහිව නීතිමය ක්‍රියාමාර්ග ගත් බවයි සඳහන් වේ.

මෙහිදී බත්, ෆ්‍රයිඩ් රයිස්, කොත්තු, සීනි සම්බල් පාන්, කඩල, මඤ්ඤොක්කා, බීම දන්සල් පරීක්ෂාවට ලක්කර ඇත.

ඒ සඳහා මහජන සෞඛ්‍ය පරීක්ෂකවරුන් 1800ත් 2000ත් අතර පිරිසක් සහභාගී වූ බව සඳහන් වේ.

දන්සැල් පරීක්ෂාව ලබන 27 වැනිදා දක්වා ක්‍රියාත්මකයි.

Continue Reading

Trending

Copyright © 2023 Sri Lanka Mirror. All Rights Reserved