Connect with us

පුවත්

වැඩි ඉඩක් කාන්තාවන්ට වෙන්කල බ්‍රිතාන්‍ය නව අමාත්‍ය මණ්ඩලය

Published

on

වසර 14කට පසු බ්‍රිතාන්‍ය මැතිවරණයෙන් ජයගත් කම්කරු පක්ෂයේ නව අමාත්‍ය මණ්ඩලයට ඉතිහාසයේ පළමු වතාවට වැඩිම කාන්තාවන් පිරිසක් පත් වී ඇතැයි විදෙස් මාධ්‍ය වාර්තා කළේය. නව අගමැති කම්කරු පක්ෂයේ නායක කීර් ස්ටාමර්ගේ 25 දෙනකුගෙන් සමන්විත ඇමැති මණ්ඩලයට කාන්තාවන් 11 දෙනකුම පත් කර ඇති අතර, එහි ප්‍රතිශතය 44% ක් වන බව ද වාර්තා වේ.

ඉන් කැපී පෙනෙන වෙනස වන්නේ බ්‍රිතාන්‍ය ඉතිහාසයේ පළමුවරට කාන්තාවකට මුදල් අමාත්‍යධුරය පිරිනැමීමය. මීට පෙර එරට භාණ්ඩාගාරයේ ප්‍රධානියා ලෙස කටයුතු කළ රෂේල් රීව්ස් එම තනතුරට පත් කර ඇති අතර, කම්කරු පක්ෂයේ නව කැබිනට්ටුවට ආසියාතික සම්භවයක් සහිත කාන්තාවන් දෙදෙනකු පත් කිරීමට ද නව අගමැතිවරයා කටයුතු කර ඇතැයි වාර්තා වේ. බ්‍රිතාන්‍ය පාර්ලිමේන්තුව නියෝජනය කළ පළමු මුස්ලිම් මන්ත්‍රීවරියක වූ පාකිස්තාන සම්භවයක් සහිත ශබානා මහ්මූද් අධිකරණ අමාත්‍යවරිය ලෙසත්, ඉන්දීය සම්භවයක් සහිත ලීසා නැන්ඩි සංස්කෘතික, මාධ්‍ය හා ක්‍රීඩා අමාත්‍යවරිය ලෙසත් පත් කර ඇතැයි වාර්තා වේ.

කම්කරු රජයේ නව ඇමැති මණ්ඩලය පත් කිරීමේදී කාන්තා නියෝජනයට අමතරව බ්‍රිතාන්‍යයේ රජය යටතේ පාලනය වන පාසල්වලින් අධ්‍යාපනය ලැබූ අය කෙරෙහිද ස්ටාමර්ගේ දැඩි අවධානය යොමුවූ බව ද වාර්තා වේ. කෙසේ වෙතත් පෞද්ගලික ආයතනවල අධ්‍යාපනය ලැබූ ලුයිස් හයිෆ්ට සහ ඇනලීස් ඩෝඩ්ස්ට ද ඇමැතිධුරය පිරිනැමීමට අගමැතිවරයා පියවර ගෙන ඇතැයි වාර්තා වේ. ලුයිස් හයිෆ් එරට ප්‍රවාහන ඇමැතිවරිය ලෙස පත්කර ඇති අතර, ජාත්‍යන්තර කටයුතු සංවර්ධන ඇමැතිවරිය ලෙස ඇනලීස් ඩෝඩ්ස් පත් කර ඇතැයි වාර්තා වේ.

44 හැවිරිදි ඇන්ජෙලා රයිනර් උප අගමැතිවරිය ලෙස පත් කර ඇතැයි ද, වයට් කූපර් අභ්‍යන්තර කටයුතු ඇමැතිනිය ලෙසත්, අමෙරිකාවේ උපත ලැබූ බ්‍රිජට් පිලිප්සන් අධ්‍යාපන ඇමැතිවරිය ලෙසත් පත්කර ඇතැයි ද විදෙස් මාධ්‍ය වැඩිදුරටත් වාර්තා කළේය. එරට විදේශ ඇමැතිවරයා ලෙස ගයානා දූපත් සම්භවයක් සහිත කළු ජාතිකයකු වන ඩේවිඩ් ලැමී පත්කිරීමටද අගමැතිවරයා පියවර ගෙන තිබේ.

පුවත්

දේශබන්දුට මාතරින් නියෝගයක්

Published

on

By

මාතර වැලිගම W15 හෝටලයට ⁣අසල වෙඩි තැබීමේ නඩුවට අදාලව අප්‍රේල් 10වන දා ඇප ලබා පිටව යෑමේදී අධිකරණය දී තිබූ නියෝග කඩකරීම හරහා දේශබන්දු තෙන්නකෝන් අධිකරණයට අපහාස කර ඇති බවට මාතර මහෙස්ත්‍රාත් අධිකරණය අද (25) සඳහන් කළේය.

මුල් අවස්ථාවේ අධිකරණයට අපහාස කිරීම සම්බන්ධයෙන් නඩුපැවරීමට මහෙස්ත්‍රාත් අධිකරණයට බලයක් නොමැති බැවින් දේශබන්දු තෙන්නකෝන්ට එරෙහිව අභියාචනාධිකරණය හමුවේ නඩු පවරන ලෙස මාතර මහෙස්ත්‍රාත් අධිකරණය නියෝග කර ඇත.

Continue Reading

පුවත්

ශ්‍රී ලංකාව සිව්වන සමාලෝචනයට අදාළව IMF සමඟ නිලධාරී මට්ටමේ එකඟතාවයකට

Published

on

By

ජාත්‍යන්තර මූල්‍ය අරමුදලේ කාර්ය මණ්ඩලය සහ ශ්‍රී ලංකා බලධාරීන් වසර 4ක විස්තීර්ණ ණය පහසුකම් වැඩසටහන යටතේ සිව්වැනි සමාලෝචනයට අදාළව ආර්ථික ප්‍රතිපත්ති පිළිබඳ නිලධාරී මට්ටමේ එකඟතාවයකට පැමිණ ඇත.

ඒ අනුව මෙම සමාලෝචනය ජාත්‍යන්තර මූල්‍ය අරමුදලේ විධායක මණ්ඩලය විසින් අනුමත කිරීමෙන් පසුව ශ්‍රී ලංකාවට තවත් එක්සත් ජනපද ඩොලර් මිලියන 344ක පමණ මූල්‍යයන පහසුකමක් සඳහා ප්‍රවේශය හිමිවන බව වාර්තා වේ.

ඒ අනුව ශ්‍රී ලංකාවට ජාත්‍යන්තර මූල්‍ය අරමුදලෙන් මේ දක්වා ලැබෙන මුදල ඩොලර් මිලියන 1,722 ක් දක්වා ඉහළ යනු ඇත.

Continue Reading

පුවත්

සිරි දළදා වන්දනාව 27 වැනිදායින් අවසන් (වීඩියෝ )

Published

on

By

සැලසුම් කළ පරිදි ‘සිරි දළදා වන්දනාව’ එළැඹෙන අප්‍රේල් 27 වනදා දිනෙන් අවසන් කිරීමට තීරණය කළ බව දියවඩන නිළමේ ප්‍රදීප් නිලංග දෑල මහතා පවසයි.

දියවඩන නිලමේවරයා අද (25) පස්වරුවේ විශේෂ ප්‍රකාශයක් සිදුකරමින් මේ බව පවසා සිටියේය.

ලොව පුරා බෞද්ධයන්ගේ නොමඳ ගෞරවාදරයට පත්, මෙරට බෞද්ධයන්ගේ මුදුන්මල්කඩ වන අති පූජනීය ශ්‍රී දළදා වහන්සේ සියැසින් දැකබලා ගැනීමේ පින්සාර අවස්ථාව ශ්‍රී ලාංකිකයන්ට පසුගිය 18 වනදා උදාවුණි.

ඒ, 16 වසරකට පසුවය.

Continue Reading
Advertisement

Trending

Copyright © 2023 Sri Lanka Mirror. All Rights Reserved