Connect with us

පුවත්

විදුහල්පතිනියට රහසඟ පෙන්නූ පොහොට්ටු මන්ත්‍රී රිමාන්ඩ්

Published

on

පැමිණිල්ලක් විභාග කිරීමට වැලිකඩ පොලිස් ස්ථානයට ගිය විදුහල්පතිනියකට පොලිස් ස්ථානය තුළදී සිය රහසඟ පෙන්වා ලිංගික අතවර කිරීමේ සිද්ධියක් සම්බන්ධයෙන් අත්අඩංගුවට ගෙන අධිකරණයට ඉදිරිපත් කළ කෝට්ටේ නගර සභාවේ හිටපු නාගරික මන්ත්‍රීවරයකු වන  වන කෝට්ටේ ගමගේ ‌ඩෙන්සිල් පද්මසිරිව අගෝස්තු 02 වැනිදා දක්වා රක්ෂිත බන්ධනාගාරගත කිරීමට කොළඹ අතිරේක මහේස්ත්‍රාත් හර්ෂණ කැකුණවෙල මහතා ඊයේ (27) නියෝග කළේය.

සැකකරු අධිකරණයට ඉදිරිපත් කරමින් වැලිකඩ පොලිසිය සඳහන් කළේ නාවල ප්‍රදේශයේ පාසලක් අපකීර්තියට පත් කරමින් වට්ස්ඇප් ගිණුමක් මඟින් ප්‍රවෘත්ති පළ කිරීමක් සම්බන්ධයෙන් 2023/03/23 දින පොලිසියට පැමිණිල්ලක් ලැබුණු බවයි. 

අදාළ පැමිණිල්ල විභාග කිරීමට විදුහල්පති මව්පියන් ගුරුවරුන් ඇතුළු පස් හය දෙනකු හා සැකකාර නාගරික මන්ත්‍රීවරයාද පොලිසියට කැඳවා සමථ කොට අවවාද කර මුදාහළ බව සඳහන් කළ පොලිසිය පොලිසියේ ආපනශාලාව අසලදී සැකකාර මන්ත්‍රීවරයා විදුහල්පතිනියට සිය කලිසමේ සිපරය ගලවා ලිංගේන්ද්‍රය පෙන්වා ඇති බවද අධිකරණයට දන්වා සිටියේය.

මේ සිද්ධිය ගුරුවරුන් විසින් සිය ජංගම දුරකතනයෙන් වීඩියෝගත කර ඇති අතර, ඒ ක්‍රියාව සම්බන්ධයෙන්ද වැලිකඩ පොලිසියට පැමිණිල්ලක් ලැබුණු බවට පොලිසිය අධිකරණය හමුවේ සඳහන් කළේය.

එකී සිද්ධිය සම්බන්ධයෙන් විභාග කිරීමට පැමිණෙන ලෙසට නාගරික මන්ත්‍රීවරයාට කීප වරක් දැන් වුවද ඔහු පොලිසිය මඟ හැර සිටි බවත් ඊයේ (27) සැකකරු පොලිසියට භාර වීමෙන් පසු අත්අඩංගුවට ගෙන අධිකරණයට ඉදිරිපත් කළ බවත් සඳහන් කළේය. 

මන්ත්‍රීවරයා වෙනුවෙන් පෙනී සිටි නීතීඥවරයා අධිකරණය හමුවේ සඳහන් කළේ මේ වීඩියෝ දර්ශන සංස්කරණය කරන ලද ඒවා බවයි. 

අදාළ දර්ශන සම්බන්ධයෙන් වාර්තාවක් කැඳවීම සඳහා ගුරුවරුන් සතු ජංගම දුරකතන අපරාධ පරීක්ෂණ දෙපාර්තමේන්තුවේ පරිගණක අංශය වෙත යොමු කර ඇතැයි පොලිසිය අධිකරණයට දැන්වීය.

ප්‍රසිද්ධ ස්ථානයක් වන පොලිස් ස්ථානය තුළදී ලිංගික අතවර කිරීම හා රජයේ සේවකයන්ගේ රාජකාරියට බාධා කිරීම යන චෝදනා යටතේ නාගරික මන්ත්‍රීවරයා ට එරෙහිව චෝදනා ගොනු කළ බවද වැලිකඩ පොලිසිය අධිකරණය හමුවේ සඳහන් කළේය. 

අදාළ කරුණු සලකා බැලූ මහේස්ත්‍රාත්වරයා සැකකාර මන්ත්‍රීවරයා අගෝස්තු 02 වැනිදා දක්වා රක්ෂිත බන්ධනාගාරගත කිරීමට නියෝග කළේය.

සබැඳි පුවත්
විදුහල්පතිනියට පොලිසියේදී රහසඟ පෙන්නූ පොහොට්ටු මන්ත්‍රී අත්අඩංගුවට

පුවත්

ශිෂ්‍යත්ව විභාගයට අයැදුම්පත් කැඳවීම අද සිට

Published

on

By

2024 වසරේ 5 ශ්‍රේණිය ශිෂ්‍යත්ව විභාගය සඳහා අයැදුම්පත් කැඳවීම අද (27) සිට ආරම්භ වන බව විභාග දෙපාර්තමේන්තුව පවසයි.

විභාග කොමසාරිස් ජනරාල් අමිත් ජයසුන්දර මහතා පැවසුවේ, ලබන මස 14 වැනිදා දක්වා මාර්ගගතව අයැදුම්පත් කැඳවන බවය.

ජුනි 14 වැනිදා මධ්‍යම රාත්‍රි 12 ට මාර්ගගත ප්‍රවේශය වසා තබන බවත් , කිසිදු හේතුවක් මත අයැදුම්පත් භාරගැනීමේ අවසන් දිනය දීර්ඝ නොකරන බවත් විභාග කොමසාරිස් ජනරාල්වරයා සඳහන් කළේ ය.

ඔහු පැවසුවේ රජයේ පාසලක හෝ රජය විසින් අනුමත කරනු ලැබු පාසලක 5 ශ්‍රේණියේ ඉගැනුම ලබන සිසුන්ට පමණක් 5 ශ්‍රේණිය ශිෂ්‍යත්ව විභාගයට ඉදිරිපත්විය හැකි බවයි.

මේ අතර, 2025 ජනවාරි 31 වැනි දිනට වයස අවුරුදු 11ට අඩු, අඩු ආදායම් සහිත සිසුන් ශිෂ්‍යාධාර ලැබීමට සුදුසුකම් ලබන බවද ඔහු සඳහන් කළේ ය.

විභාග කොමසාරිස් ජනරාල්වරයා පැවසුවේ, අයැදුම් කිරීමට අදාළ උපදෙස් www.onlineexams.gov.lk යන වෙබ් අඩවියට පිවිසීමෙන් ලබාගත හැකි බවයි.

විශේෂ අවශ්‍යතා සහිත සිසුන්, ඉල්ලුම් කළ යුතු ආකාරය පිළිබඳ උපදෙස් විස්තරාත්මකව උපදෙස් පත්‍රිකාවේ සඳහන් කර ඇතැයිද විභාග කොමසාරිස් ජනරාල් අමිත් ජයසුන්දර මහතා සඳහන් කළේ ය.

2024, 5 ශ්‍රේණිය ශිෂ්‍යත්ව විභාගය ලබන සැප්තැම්බර් 15 වැනි ඉරුදින පැවැත්වීමට නියමිතයි. 

Continue Reading

පුවත්

වැසි හා සුළං තත්ත්වය තවදුරටත්

Published

on

By

නිරිත දිග මෝසම් තත්ත්වය හේතුවෙන් පවතින සුළං තත්ත්වය තවදුරටත් බලාපොරොත්තු විය හැකි බව කාලගුණවිද්‍යා දෙපාර්තමේන්තුව නිවේදනය කරයි.

බස්නාහිර, සබරගමුව, මධ්‍යම, වයඹසහ දකුණු පළාත්වල විටින් විට වැසි හෝ ගිගුරුම් සහිත වැසි ඇතිවේ.

බස්නාහිර සහ සබරගමුව පළාත්වලත් නුවරඑළිය දිස්ත්‍රික්කයේත් ඇතැම් ස්ථානවල මි.මී. 75 ක පමණ තරමක තද වැසි ඇතිවිය හැක.

ඌව සහ නැගෙනහිර පළාත්වල සවස් කාලයේ හෝ රාත්‍රී කාලයේ තැනින් තැන වැසි හෝ ගිගුරුම් සහිත වැසි ඇතිවේ.

මධ්‍යම කඳුකරයේ බටහිර බැවුම් ප්‍රදේශවල සහ උතුරු, උතුරු මැද, බස්නාහිර, දකුණු සහ වයඹ පළාත්වලත් ත්‍රීකුණාමලය දිස්ත්‍රික්කයේත් විටින් විට හමන පැ.කි.මී. (50-60) ක පමණ තද සුළං ඇතිවිය හැක. දිවයිනේ සෙසු ප්‍රදේශවල විටින් විට හමන පැ.කි.මී. (30-40) ක පමණ තරමක තද සුළං ඇතිවිය හැක

Continue Reading

පුවත්

නීතිපති තවත් මාස 6ක් තියාගන්න ජනපතිට හිත ගිහින්?

Published

on

By

නීතිපති, ජනාධිපති නීතිඥ සංජේ රාජරත්නම් මහතාගේ ධුර කාලය මාස හයකින් දීර්ඝ කිරීමට ජනාධිපති රනිල් වික්‍රමසිංහ මහතා නිර්දේශ කර ඇතැයි ජනාධිපති කාර්යාල ආරංචි මාර්ගවලින් වාර්තා වන බව “දිනපතා අරුණ” පුවත්පත වාර්තා කර තිබේ.

මෙම නිර්දේශය ආණ්ඩුක්‍රම ව්‍යවස්ථා සභාවට ඉදිරිපත් කර ඇති බවත්, ලබන මස මුල් සතියේ පාර්ලිමේන්තුව රැස්වන විට එම ඉල්ලීම සලකා බැලීමට ආණ්ඩුක්‍රම ව්‍යවස්ථා සභාව අපේක්ෂා කරන බවත් එහි වැඩිදුරටත් දැක්වේ.

නීතිපතිවරයා ලබන ජුනි 27 වැනිදා විශ්‍රාමයාමට නියමිතය.

Continue Reading
Advertisement

Trending

Copyright © 2023 Sri Lanka Mirror. All Rights Reserved