Connect with us

පුවත්

විසඳුම් නැතිනම් දීර්ඝ වර්ජනයක්

Published

on

තම ගැටලු වලට නිසි විසඳුමක් නොලැබුණහොත් සතියක වැඩවර්ජනයක නිරත වන බව දුම්රිය ස්ථානාධිපතිවරුන්ගේ සංගමය පවසයි.

අමාත්‍යවරයා සමඟ අඟහරුවාදා (16) පැවැත්වෙන සාකච්ඡාවේ දී යහපත් ප්‍රතිචාරයක් නොලැබුනහොත් මෙම සතියක විරෝධතාවය ප්‍රකාශයට පත් කරන බව එම සංගමයේ සභාපති, සුමේධ සෝමරත්න මහතා ප්‍රකාශ කළේය.

දුම්රිය දෙපාර්තමේන්තුවේ නියෝජ්‍ය සාමානාධිකාරි (වානිජ) ධුරයට නුසුදුසු නිලධාරියෙකු පත්කළ බවට චෝදනා කරමින් දුම්රිය ස්ථානාධිපතිවරුන්ගේ සංගමය ඊයේ (9) මධ්‍යම රාත්‍රි 12ට අවසන් කළ පැය 24 ක සංකේත වර්ජනය සාර්ථක බවත් ඔහු පවසා ඇත.

මේ හේතුවෙන් කාර්යාල දුම්රිය 10ක්, දුරගමන් දුම්රිය 5ක් සහ රාත්‍රී තැපැල් දුම්රිය 7ක් අවලංගු කෙරුණි.

පුවත්

හලාවත ගොල්ෆ් පිටියක් හදන්න සැලසුම් කරයි

Published

on

By

හලාවත ගොල්ෆ් පිටියක් ඉදිකිරීමට සැලසුම් කරන බව කැබිනට් ප්‍රකාශක බන්දුල ගුණවර්ධන මහතා  නිවේදනය කළේය.

ඒ ඉරණවිල හා හලාවත ප්‍රදේශය සංචාරක කේන්ද්‍රස්ථානයක් ලෙස සංවර්ධනය කිරීමේ සමස්ත උපාය මාර්ගයේ කොටසක් ලෙස බවද ඔහු කීය.

මේවන විට ශ්‍රී ලංකාව තුළ දැනටමත් කොළඹ, මහනුවර සහ නුවරඑළියේ ගොල්ෆ් පිටි කිහිපයක් තිබේ.

සිදුරු 18කින් යුත් ගොල්ෆ් පිටි පහක් සහ සිදුරු 9කින් යුත් ‍ගොල්ෆ ක්‍රීඩාංගණ කිහිපයක් ද ශ්‍රී ලංකාව සතුවේ.

ගොල්ෆ් පිටියට අමතරව හලාවත සහ බිංගිරිය අතර සම්බන්ධක මාර්ගයක් ඉදිකෙරෙන අතර ඉන් අපනයන කලාපයක් පුළුල් කරන බව ද අමාත්‍ය ගුණවර්ධන මහතා පවසයි.

හලාවත – ඉරණවිල සංචාරක මධ්‍යස්ථානයේ සංවර්ධන කටයුතු බිංගිරිය ඒකාබද්ධ සංවර්ධන සැලැස්මට සම්බන්ධ කාර්ය සාධක බලකායක් මගින් අධීක්ෂණය කිරීමට නියමිත බවද පැවසේ.

Continue Reading

පුවත්

ඉදිරි මාස දෙකේ සුනඛ සංගණනයක්

Published

on

By

ඉදිරි මාස දෙක තුළ මෙරට සිටිනා සුනඛයන් සංගණනය කිරීමක් සිදු කරන බව සෞඛ්‍ය අමාත්‍යංශයේ ජලභීතිකා මර්දන ඒකකය පවසයි. ලෝක සෞඛ්‍ය සංවිධානයේ අනුග්‍රහය මත මෙම සංගණනය සිදුකරන බවත් ඊට අදාළ මූලික ව්‍යාපෘති යෝජනාව සකසා අවසන් කර තිබේ.මෙරට සිටින්නෙ ලක්ෂ තිහක පමණ සුනඛ ගහණයක් බවත් ඉන් වැඩි සුනඛයන් සංඛ්‍යාවක් සිටින්නෙ නිවෙස් තුළ ඇතිකරන සුනඛයන් ලෙස බව ජලභීතිකා මර්දන ඒකකය පවසයි.

මේ වනවිට මෙරට සිටින සුනඛයන් එන්නත්කරණය සහ වන්ද්‍යාකරනය අඛණ්ඩව සිදුකරනු ලබයි.

මෙරට නීතියට අනුව සුනඛයන් මරණයට පත් කිරීම තහනම් වන අතර සුනඛයන් එන්නත් කිරීමෙන් සහ වන්ද්‍යකරණය කිරීමෙන් සුනඛ ගහනය පාලනය කළ නොහැකි බව ජලභීතිකා මර්දන ඒකකයේ විශේෂඥ වෛද්‍යවරයා පෙන්වා දුන්නේය.

දඩාවතේ යන සුනඛයින්ට මහාමාර්ගවල කෑම බීම දීම අඩු කිරීමෙන් යම් තරමක පාලනයක් සිදු කළ හැකි බවද ඔහු වැඩිදුරටත් ප්‍රකාශ කළේය.

Continue Reading

පුවත්

පොදු සමා කාලයේදී නාවිකයින් 1289 ක් බාර වෙයි

Published

on

By

2024 අප්‍රේල් මස 20 වන දින සිට 2024 මැයි මස 20 වන දින දක්වා ප්‍රකාශයට පත් කරන ලද පොදු සමා කාලය තුළ නිවාඩු නොමැතිව සේවයට වාර්තා නොකර සිටි නාවිකයින් එක්දහස් දෙසිය පනස් හතර දෙනෙකු (1254) නාවික හමුදා කඳවුරු වෙතත්, විදේශ ගත නාවිකයින් තිස්පස් දෙනෙකු (35) මාර්ගගත ක්‍රමය ඔස්සේත් වශයෙන් නාවිකයින් 1,289ක් බාර වී ඇත.

පොදු සමා කාලසීමාව තුළදී නිවාඩු නොමැතිව සේවයට වාර්තා නොකර සිටි සහ දැනට විදේශගතව සිටින නාවිකයින් හට [සියළුම ශිල්පීය අංශ වලට අයත් නාවිකයින් (Artificers) සහ වෘත්තිමය වෛද්‍ය/ වෘත්තිමය දන්ත (Professional Medical/ Professional Dental) අංශයේ නාවිකයින් හැර] නැවත රපෝර්තු කිරීමකින් තොරව නීත්‍යානූකූලව සේවයෙන් ඉවත්වීම සඳහා අවස්ථාව හිමි විය.

ඒ අනුව, 2024 අප්‍රේල් මස 20 වන දින සිට 2024 මැයි මස 20 වන දින දක්වා කාලසීමාව තුළ නිවාඩු නොමැතිව සේවයට වාර්තා නොකර සිටි නාවිකයින් එක්දහස් දෙසිය පනස් හතර දෙනෙකු (1254) නාවික හමුදා කඳවුරු වෙතත් විදේශ ගත නාවිකයින් තිස්පස් දෙනෙකු (35) මාර්ගගත ක්‍රමය ඔස්සේත් වශයෙන් නාවිකයින් එක්දහස් දෙසිය අසූ නව දෙනෙකු (1289) බාර වී ඇති අතර, ඔවුන් නීත්‍යානුකූලව ඉවත් කිරීම සඳහා කටයුතු සිදු කෙරෙමින් පවති.

Continue Reading
Advertisement

Trending

Copyright © 2023 Sri Lanka Mirror. All Rights Reserved