ශ්‍රී ලංකා මිරර් අපි අද (නොවැම්බර් 01) 12 වැනි උපන්දිනය සමරන්නෙමු.
වසර 2010 නොවැම්බර් 01 වැනිදා විද්‍යුත් පුවත්පතක් ලෙස ආරම්භ කළ ශ්‍රී ලංකා මිරර් වෙබ් අඩවිය මෙරට විද්‍යුත් සන්නිවේදනයේ පෙර ගමන්කරුවන්ගෙන් කෙනෙකි.
වෙබ් අඩවියක් පමණක් වෙමින් මෙරට මාධ්‍ය කේෂත්‍රයේ වසර 12ක් පැවැතීම එතරම් ලෙහෙසි පහසු කාර්යක් නොවේ.
කෙසේවුවද, ශ්‍රී ලංකා මිරර් පැයෙන් පැයට, දිනෙන් දිනට, වසරින් වසරට අලුත් පුවත් සපයන්නකු වඩා අලුත් මත තනන්නකු බව කීම අපිට ආඩම්බරයකි.
අපි 12 වැනි වසරට පා තබන්නට ආසන්න වෙත්ම ඔබට පසුගිය ඔක්තෝබර් 16 වැනිදා අපගේ වෙබ් අඩවියට නව මහුණුවරක් ලබාදෙමින් වෙබ් පුවත් මාවතේ නිම්ව වළළු පුළුල් කළේය.
එසේම ඉදිරියේ ගෙවෙන දින 365 තුළ ද අප ඔබට වෙබ් කලාවේ පුවත් කළාවේ අලුත් මංපෙත් විවර කිරීමට සැලැසුම් සකස් කර තිබේ.
වෙබ් කලාවේ අයිතිකරුවීම නොව ජනතාවට පක්ෂ වීම ශ්‍රී ලංකා මිරර් කර්තෘමණ්ඩලයේ නිති පැතුමයි. අප තේමා පාඨය වන ‘Right To Know Power To Change’ හා සමගාමීව, මහජනතාවගේ ‘දැනගැනීමේ අයිතිය’ සහතික කර ‘වෙනස් කිරීමේ බලය’ ඔවුන්ට ලබාදෙමින් අපක්ෂපාතී සහ ස්වාධීන ප්‍රවෘත්ති සපයන්නෙකු ලෙස සැමවිටම මහජනතාව හා සිටීමට අපි අපේක්ෂා කරමු.
ණය ගන්න නොව, නව දැනුමකින්, රට තනන්නට පුළුල් ඥානයක් පාලකයන්ට පහළ වේවා ශ්‍රී ලංකා මිරර් 12 වැනි සැමරුමේ කර්තෘ මණ්ඩල පැතුමයි.
