තමාට පහරදුන් බව කියමින් සමගි ජන බලවේගයේ ආණමඩුව ප්‍රධාන සංවිධායක ගාමිණී වඩිගමන්ගාව මහතාට එරෙහිව එම ප්‍රදේශයේ සුපිරි වෙළඳසැලක කළමනාකරුවකු පොලිසියට පැමිණිලි කර ඇතැයි වාර්තා වේ.
පසුගිය බ්‍රහස්පතින්දා රාත්‍රියේ මෙම සිද්ධිය සිදුව ඇති අතර සිද්ධිය වූ අවස්ථාවේ සංවිධායකවරයා බීමතින් සිට ඇතැයි ද පොලිසිය කියයි.
බීමතින් සිටි සංවිධායකවරයා වෙළඳසැලට ඇතුළු වී තමාට පහරදුන්නේ යැයි එම සුපිරි වෙළඳසැල් කළමනාකරු පොලිසියට කළ පැමිණිල්ලේ සඳහන් වේ.
