Connect with us

පුවත්

“සදාහරිත” මැඩගස්කර් ව්‍යාපෘතිය නීතිවිරෝධි එකක් යැයි මහබැංකුව කියයි

Published

on

සදාහරිත ප්ලාන්ටේෂන් ආයතනයේ මැඩගස්කර් ව්‍යාපෘතිය යනු කිසිදු නීතිමය අයුරකින් වලංගු බවක් නොවන්නක් බව මහ බැංකුව විසින් කියා සිටී.

සදාහරිත ප්ලාන්ටේෂන් නමින් වල්ලපට්ට, මැඩගස්කර් වැනිලා සහ කටුපොල් වැනි වගා ව්‍යාපෘති සදහා මහ බැංකුවේ නිසි අවසරකින් තොරව ආයෝජන තැම්පතු බාරගනිමින් පවතින බවට මහ බැංකුවට පැමිණිලි රැසක් ලැබී ඇති බවට පසුගිය දිනවල මාධ්‍ය වාර්තා පලවිය.

මෙම ආයතනය විසින් “සදාහරිත මැඩගස්කර් වතුයාය” වෙත ආයෝජනය කිරීම ඔස්සේ අනාගත ප්‍රතිලාභ ලබාගත හැකිබව පවසමින් පුළුල් ප්‍රචාරණයක් සමාජ මාධ්‍ය ජාලා ඔස්සේ ද ගෙනයාම සිදුකර තිබිණි.

මෙය කෙතරම් දුරට නීත්‍යානුකූල වන්නේද යන්න Sri Lanka Mirror අප අද (25) මහ බැංකුවෙන් කල විමසීමක දී ඒ සම්බන්ධයෙන් මහ බැංකුව මෙලෙස පැහැදිළි කළ‍ේය.

“සදාහරිත ප්ලාන්ටේෂන් මහ බැංකුවේ ලියාපදිංචි නැහැ. අප හැමවේලාවේම පාරිභෝගිකයාගේ පාර්ශවයට කියන්නේ යම් ආයෝජනයක් හෝ ණයක් ලබාගන්නවා නම් මහ බැංකුවේ ලියාපදිංචි ආයතනයකින් ගන්න කියලා. ඒ සම්බන්ධයෙන් අපේ ආයෝජන රක්ෂණයක් හා අධීක්ෂණ නියාමනයක් වන නිසා. නමුත් අදාළ ප්ලාන්ටේෂන් ආයතනය වැනි ආයතන හා පිරමීඩ් ආයතන, ඔන්ලයින් ලෝන් වැනි ආයතන මහ බැංකුවේ ලියාපදිංචි වීමක් සිදු කරන්නේ නැහැ.

අදාල ආයතන ප්ලාන්ටේෂන් නමින් ක්‍රියාත්මක වුනත් පිරමීඩ් ආයතන ලක්ෂණ තිබුනොත් නීතිපති දෙපාර්තුමේන්තුව යටතේ තහනම් නියෝගයක් ලබාගතහොත් මහබැංකුවට හැකියාව තිබෙනවා අදාළ ආයතනය පිරමීඩ ආයතනයක් වශයෙන් ප්‍රකාශ කරන්න.

යම් ආයතනයක් විසින් ආයෝජන ලබා ගැනීමක් සිදුකරනවා නම් මහ බැංකුවේ ලියාපදිංචි විය යුතුයි.

නමුත් ප්ලාන්ටේෂන් කියන ආයතන ක්‍රියාත්මක වන්නේ ව්‍යාපාර වශයෙන්. එම ආයතන මහ බැංකුවේ ලියාපදිංචියක් සිදුවන්නේ නෑ. අපි පාරිභෝගික පාර්ශවය වෙත හැමවිටම කියන්නේ ඒ සම්බන්ධව අවදානමක් පවතින බවයි යම් අසාධාරණයක් අදාළ ආයතනය පැත්තෙන් වුවොත් පොදු නීතිය භාවිතා කරන්න පුළුවන්. නැත්නම් ඔම්බුඩ්ස්මන් කාර්යාලයකින් සහය ලබාගන්න පුලුවන්”

සතීස් නවරත්න නම් අයකුට අයත් මේ ආයතනයට 1988 අංක 30 දරණ බැංකු පනත යටතේ හෝ 2011 අංක 42 දරණ මුදල් ව්‍යාපාර පනත යටතේ හෝ කුෂුද්‍ර මූල්‍ය ව්‍යාපාර කටයුතු වල නිරත වීම සදහා 2016 අංක 06 දරණ ක්ෂුද්‍ර මූල්ය පනත යටතේ හෝ කල්බදු මූල්‍ය ව්‍යාපාරයන්හී නිරත වීම සදහා 2000 අංක 56 දරණ කල්බදු මුල්‍ය කරණ පනත යටතෙ හෝ ශ්‍රී ලංකා මහ බැංකුවෙන් බලපත්‍රයක් ලබාදී නොමැත.

මේ සමාගම ආරම්භක සමයේදී ම‍හෝගනී ශාඛ සඳහා විශාල ප්‍රතිලාභ ලබාදෙන බව කියමින් ජනාතාවගේ මුදල් තැන්පතු ලබාගෙන ඇත.

කෙසේවුවද, මහෝගනී ගස් සදහා වැළදුනු දිලීර ආසදනයක් හේතුවෙන්, ඔවුන්ගේ එම ව්‍යාපෘතිය අවසන් කර ඇති අතර එහි ආයෝජකයන්ට නැවත මුදල් ගෙවා ඇත්තේ “මනී රෝටේෂන්” (Rotation of Money) නමින් අන්තර්ජාතිකව තහනමකට ලක් වූ පිරිමීඩ ක්‍රමයකින් බවට ද අදාළ පැමිණිලිකරුවෝ පවසා තිබේ.

මේ අතර, 2004 දී ඉංගිරිය ප්‍රදේශයේ රඹුටන් වගාවක් සඳහා වසර 25ක කාලයකට එක් ශාඛයකට රුපියල් 25,000 ක මුදලක් ආයෝජන ලෙස ලබාගෙන තිබේ.

එහි, රඹුටන් ශාක 1317 ක් වගා කළද  බලාපොරොත්තු වූ පරිදි අස්වැන්න ලබා ගැනීමට අපොහොසත් වීම, නඩත්තු පිරිවැය අධික වීම සහ ස්වභාවික ව්‍යසන හේතුවෙන් එම වගා ව්‍යාපෘතිය අත්හැර දමමින් එහි ආයෝජකයන්ට මුදල් ගෙවා ඇත්තේ ද “මනී රෝටේෂන්” ක්‍රියාවකින් බවට චෝදනා එල්ලවී තිබේ.

මෙරට තුළ වගා සිදු කිරීමෙන් පසු ශාක සදහා ආයෝජනය කල පිරිස් සහ බාහිර බලපෑම් හේතුවෙන් විශේෂයෙන් වගා ඉඩම් පෙන්වීමට සිදු වීමට සිදුවීම නිසා එම සමාගම විසින් මැඩගස්කරයේ සිදුකරනවා යැයි පැවසෙන වැනිලා හා කටුපොල් වගාවන් සඳහා ද මේවන විට මෙරට ජනතාවගෙන් තැන්පතු ලබාගෙන ඇති බව හෙළිව තිබේ.

මේ වගාවන් පිළිබඳව ඡායාරූප සාක්ෂියක් හෝ නොපෙන්වන සදාහරිත ප්ලාන්ටේෂන් මෙරටින් පිටරටට මුදල් යැවීම ද මේ හරහා සිදු කිරීම සම්බන්ධ ව්‍යාපෘතියට කිසියම් දේශපාලන සහයක් ද ලබාගන්නා බව අනාවරණය වේ.

කෙසේ වෙතත් මෙම තත්ත්වය අනාවරණය වීමත් සමඟ සිය Facebook පිටුවේ පෝස්ටුවක් තබමින් ඔවුන් සඳහන් කරන්නේ ආයතනයේ කීර්තිනාමයට කැළලක් එක්කීරීම වෙනුවෙන් පුද්ගලයින් විසින් නිර්මාණය කරන කටකතා පතුරුවා හරින බවකි.

Facebook Post

පුවත්

සෞන්දර්ය විෂයයන් ගැන අධ්‍යාපන අමාත්‍යාංශයෙන් නිවේදනයක්

Published

on

By

සෞන්දර්ය විෂයයන් ගැන අධ්‍යාපන අමාත්‍යාංශයෙන් නිවේදනයක් නිකුත් කර තිබේ.

එහි සඳහන්ව ඇත්තේ, යෝජිත අධ්‍යාපන ප්‍රතිසංස්කරණ අනුව සෞන්දර්ය විෂයයන් සාමාන්‍ය අධ්‍යාපනයේ අත්‍යවශ්‍ය අංගයක් බවය.

කණිෂ්ඨ, ද්විතීයික අධ්‍යාපනයේ හා ජ්‍යෙෂ්ඨ ද්විතීයික අධ්‍යාපනයේ දී සෞන්දර්ය විෂයයන් වැඩිදුරටත් අධ්‍යයනය කළ හැකි අතර අ.පො.ස සාමාන්‍ය පෙළ හා අ.පො.ස. උසස් පෙළ සඳහා ද සෞන්දර්යය විෂයයන් සඳහා ළමුන්ට පෙනී සිටිය හැකි බව එහි සඳහන්ය.

තවද, උසස් අධ්‍යාපනයේ සෞන්දර්ය විෂයයන් එලෙස ම පවතී.

මේ සම්බන්ධයෙන් සැකයක් ඇති වන ප්‍රකාශ හා විවිධ මාධ්‍ය උපයෝගී කර ගෙන කරනු ලබන සාවද්‍ය ප්‍රකාශ බැහැර කිරීමට අධ්‍යාපන අමාත්‍යාංශය කටයුතු කරනු ලබයි.

Continue Reading

පුවත්

ජනාධිපතිවරණය ගැන මැතිවරණ කොමිසමේ මතය

Published

on

By

ජනාධිපතිවරණ ඡන්ද විමසීම සම්බන්ධයෙන් අයවැයෙන් ඉල්ලා තිබූ බිලියන 10ක මුදල ලැබී ඇති බැවින් මැතිවරණයට අදාළ මුදල් ප්‍රතිපාදන සම්බන්ධයෙන් කිසිදු ගැටළුවක් නොමැති බව ද මැතිවරණ කොමිසම පවසයි.

කොමිසම වැඩිදුරටත් සඳහන් කළේ, මැතිවරණයට අදාළ කඩදාසි සම්බන්ධයෙන් ද මෙතෙක් ගැටළුවක් නොමැති බවය.

එමෙන්ම මෙම මස අවසන් වීමට පෙර ජනාධිපතිවරණයට අදාල ඡන්ද විමසීම ප්‍රකාශයට පත් කිරීමේ දිනය දැනුම් දෙන බව මැතිවරණ කොමිසම ප්‍රකාශ කර සිටී..

විශේෂ ප්‍රවෘත්ති සාකච්ඡාවකට එක්වෙමින් මැතිවරණ කොමිසම් සභාවේ සභාපති, ආර්.එම්.ඒ.එල්. රත්නායක මහතා පවසා සිටියේ, මේ දිනය ක්‍රියාත්මක කිරීමේ දී වෙනත් කිසිදු හේතුවක් බලනොපාන බවය.

ඕනෑම අයෙකුට ආණ්ඩුක්‍රම ව්‍යවස්ථාව සහ ජනාධිපති පනත අනුව මෙම දින පිළිබඳ සලකා බැලිය හැකි බවද ඔහු සඳහන් කලේය.

Continue Reading

පුවත්

දොස්තර රංගනයක යෙදුනු වෙන්ඩ දොස්තර නෝනා රිමාන්ඩ්

Published

on

By

සීමාවාසික වෛද්‍ය පුහුණුව ආරම්භ කිරීමටත් පෙර පුහුණු වෛද්‍යවරියක ලෙස පෙනී සිට නීතිඥ යුවළකගේ අවුරුදු 6 සහ 8 වියේ පසුවූ කුඩා දරුවන් දෙදෙනෙකුට පෞද්ගලික වෛද්‍ය සායනයක් තුළ දී වෛද්‍ය ප්‍රතිකාර ලබාදීමේ චෝදනාවට අත්අඩංගුවට ගත් වෛද්‍ය ශිෂ්‍යාවක් ලබන 19 වනදා දක්වා රක්ෂිත බන්ධනාගාරගත කිරීමට කොළඹ අතිරේක මහෙස්ත්‍රාත් හර්ෂණ කැකුණවෙල මහතා ඊයේ (15) පස්වරුවේ නියෝග කළේය.

පසුගිය 3 වැනිදා කොළොන්නාව ප්‍රදේශයේ පිහිටි වෛද්‍ය මධ්‍යස්ථානයකට පැමිණ තිබූ නීතිඥ  හුසේන් අසාර් සයිතුන් මහතා සහ නීතිඥවරියක වන පාතිමා ජුතයින් මහත්මිය සිය දරුවන් දෙදෙනොට වෛද්‍ය ප්‍රතිකාර ලබාදී තිබූ අතර, එකී වෛද්‍ය ප්‍රතිකාර ලැබීමෙන් පසුව ඔවුන්ගේ රෝගී තත්ත්වය උත්සන්න වීම නිසා ඒ පිළිබඳ සැකකාර වෛද්‍යවරියට දන්වා වෛද්‍ය සහතිකයක් ලබාගැනීමට පියවර ගෙන තිබිණි.

එකී වෛද්‍ය සහතිකයේ සඳහන් නිල මුද්‍රාවේ වෙනත් වෛද්‍යවරයෙකුගේ නමක් සඳහන්වී තිබී ඇත.

පසුව ඒ පිළිබඳව විමසීමේ දී ඕනෑම අයෙකුට වෛද්‍ය ප්‍රතිකාර ලබාදීමට තරම් තමා සුදුසුකම් ලබා ඇති බව සැකකාරිය පවසා ඇති අතර ඒ අනුව වැල්ලම්පිටිය පොලීසියට පැමිණිල්ලක් ගොනුකර තිබේ.

එකී පැමිණිල්ල අනුව අධිකරණයට ඉදිරිපත් කිරීම සඳහා තොරතුරු වාර්තාවක් සකස් කොට කොළඹ මහෙස්ත්‍රාත් අධිකරණයේ ලියාපදිංචි කර තිබූ නමුත්, එවැනි සැකකාරියක් හෝ පෙර කී තොරතුරු වාර්තාව, අධිකරණයට ඉදිරිපත් නොකිරීම පිළිබඳව එම නීතිඥ යුවළ හා සෙසු නීතිඥවරුන් පිරිසක් අතිරේක මහෙස්ත්‍රාත්වරයාට කරුණු දක්වා තිබිණි.

ඒ අනුව අදාළ පොලිස් නිලධාරීන් කැඳවූ අතිරේක මහෙස්ත්‍රාත් හර්ෂණ කැකුණවෙල මහතා, සැකකාර වෛද්‍ය සිසුවිය සිදුකර ඇත්තේ, මිනීමැරීමට තැත් කිරීමට සමාන වරදක් වන බැවින් වහාම ඇය අත්අඩංගුවට ගෙන අධිකරණයට ඉදිරිපත් කරන ලෙස පොලීසියට නියෝග කර තිබිණි.

නිසි බලයක් නොමැතිව වෛද්‍ය වෘත්තියේ නියැලීම යන චෝදනාවට අත්අඩංගුවට ගත් අජ්රා නියාස් නැමති සැකකාරිය එලෙස රක්ෂිත බන්ධනාගාරගත කිරීමට නියෝග කර ඇති අතර, නීතිඥ චින්තක ප්‍රනාන්දු, මර්වින් ද සිල්වා යන මහත්වරුන් ඇතුළු 30කට ආසන්න නීතිඥ මණ්ඩලයක් සමග ජ්‍යෙෂ්ඨ නීතිඥ වීරසේන රණහේවා මහතා අගතියට පත් පාර්ශවය වෙනුවෙන් පෙනී සිටියේය.

Continue Reading

Trending

Copyright © 2023 Sri Lanka Mirror. All Rights Reserved