Connect with us

පුවත්

සනත් නිශාන්තගේ නඩුව දෙසැම්බර් 12ට කල් යයි : නඩුවට අදාළ විඩියෝ ලබා දෙන්නැයි නියෝගයක්

Published

on

අධිකරණයට අපහාස කිරීමේ කිරීමේ චෝදනාව සම්බන්ධ නඩුවට පෙනී සිටීම සඳහා රාජ්‍ය ඇමති සනත් නිශාන්ත මහතා අද (10) අධිකරණයට පැමිණ ඇත.

එහිදී අධිකරණයට අපහාස කළේ යැයි චෝදනා කරමින් රාජ්‍ය අමාත්‍ය සනත් නිශාන්තට එරෙහිව ඉදිරිපත් කළ තිබෙන පැමිණිලි නැවත දෙසැම්බර් මස 12 වනදා කැඳවන ලෙස අභියාචනාධිකරණය නියම කර ඇත.

මෙම පැමිණිල්ල අද අභියාචනාධිකරණ විනිසුරු නිශ්ශංක බන්දුල කරුණාරත්න මහතා ඉදිරියේ කැඳවනු ලැබිය.

එම අවස්ථාවේදී නීතිපතිවරයා වෙනුවෙන් පෙනී සිටි ජ්‍යෙෂ්ඨ රජයේ නීතිඥවරිය අධිකරණය හමුවේ කරුණු දක්වමින් මෙම නඩුවට අදාළ චෝදනා පත්‍රය සකස් කිරීමේ කටයුතු මේ වන විටත් සිදු වෙමින් පවතින බවත්, ඒ සඳහා මාධ්‍ය ආයතන කිහිපයකින් එම ප්‍රශ්නගත ප්‍රකාශයට අදාළ වීඩියෝ දර්ශන ලබා ගැනීමට අවශ්‍ය වේ තිබෙන බවත් ඊට අදාළව නියෝගයක් නිකුත් කරන ලෙස රජයේ නීතිඥවරිය අධිකරණයෙන් ඉල්ලා ඇත.

එම ඉල්ලීම පිළිගත් විනිසුරුවරයා පෞද්ගලික රූපවාහිනී නාලිකා වලට සහ ශ්‍රී ලංකා පොදුජන එක්සත් පෙරමුණේ මාධ්‍ය ඒකකය වෙත අදාල විඩියෝ දර්ශණ ලබා දෙන ලෙස අධිකරණය නියෝගයක් නිකුත් කර තිබේ.

ඒ අනුව දෙසැම්බර් මස එකොළොස් වන දාට පෙර එම වීඩියෝ දර්ශන ලබා දීමට පියවර ගන්නැයි නියෝග කළ අභියාචනාධිකරණ විනිසුරුවරයා පැමිණිල්ල නැවත දෙසැම්බර් මස 12 වනදා කැඳවන ලෙසත් නියෝග කළේය.

ශ්‍රී ලංකා අධිකරණ නිලධාරීන්ගේ සංගමය, නීතිඥවරුන් වන ප්‍රියලාල් සිරිසේන සහ විජිත කුමාර යන අය විසින් මෙම පෙත්සම ඉදිරිපත් කර තිබේ.

පුවත්

කිළිනොච්චි රෝහල් එක්ස් කිරණ කාමරේ ගිනිගනියි, ගිනිනිවන බඩු කල් පැනලා ගින්න නිවන්න කල් යයි!

Published

on

By

කිළිනොච්චිය රෝහලේ එක්ස් කිරණ කාමරය තුළ ඊයේ (15) හදිසියේම ගිනි ගැනීම නිසා එහි තිබූ උපකරණ රැසක් ගින්නට හසු වී විනාශ වී ගොස් තිබේ.

මේ අවස්ථාවේදී රෝහලේ සවිකොට තිබූ ගිනි නිවන උපකරණ සියල්ලම භාවිත කිරීමට රෝහල් සේවකයින් පියවර ගෙන ඇති නමුත් ඒවා යල්පැන ගිය ගිනි නිවන උපකරණ නිසා ඒවා නිසි ලෙස ක්‍රියාත්මක වී නොමැති බව පැවසේ.

කිළිනොච්චිය රෝහල තුළම වෙනත් ව්‍යාපෘතියක් යටතේ ඉදි කොට තිබූ ගොඩනැගිල්ලක සවි කොට තිබූ ගිනි නිවන උපකරණ කීපයක් ගලවා ගෙන පැමිණි සේවකයින් විසින් දැඩි වෙහෙසක් දරා ගින්න පාලනය කර ගැනීම නිසා ඉතා වටිනා භාණ්ඩ හා උපකරණ අසුරා තිබූ එක්ස්‍ කිරණ කාමරයට ගින්න පැතිර යාම වළක්වා ගැනීමට හැකි වී තිබේ.

කෙසේවෙතත් මෙම ගින්න හේතුවෙන් විනාශ වී ගිය බොහෝ උපකරණ යළි භාවිතයට ගැනීමට නොහැකි වීම නිසා රුපියල් ලක්ෂ 25 ක පමණ අලාභයක් කිළිනොච්චිය රෝහලට සිදුව ඇත.

මෙම ගින්න හට ගැනීමට හේතුව මෙතෙක් අනාවරණය වී නොමැත.

කිළිනොච්චිය පොලීසිය මේ සම්බන්ධයෙන් පරීක්ෂණ පවත්වා ගෙන යන අතරතුර කිළිනොච්චිය රෝහල මගින්ද මෙම ගින්න සම්බන්ධයෙන් අභ්‍යන්තර මට්ටමේ පරීක්ෂණයක් ආරම්භ කොට තිබේ.

කෙසේවෙතත් කිළිනොච්චිය රෝහලේ සවිකොට ඇති සියලුම ගිනි නිවන උපකරණ කල් ඉකුත් වී වසර කීපයක්ම ගත වී ඇති බව රෝහල කළ පරීක්ෂණ වලින් දැනට හෙළි වී තිබේ.

Continue Reading

පුවත්

ගොවීන්ගෙන් ආණ්ඩුවට වී කිලෝ 700යි 

Published

on

By

වී අලෙවි මණ්ඩලයේ ගබඩාවලට ඉකුත් සතියේ දී ගොවීන් අලෙවි කර ඇත්තේ කිලොග්‍රෑම් 700 ක වී තොගයක් පමණක් බව වාර්තා වේ. 

අම්පාර දිස්ත්‍රික්කයේ වී ගබඩාවකට මෙම වී තොගය ලැබී තිබේ.

රජය වී මිලදී ගැනීමේ වැඩපිළිවෙළ ආරම්භ කරනු ලැබුවේ ඉකුත් 06 වැනිදා සිටය. 

කෙසේවුවද, පෞද්ගලික අංශය වේලන ලද නාඩු, සම්බා වී කිලෝවක් රුපියල් 120 ත් 130 ත් අතර මිලකට මිලදී ගන්නා බව ගොවීන් කියා සිටිති. 

වී තොග රැස්කරන්නන් රැසක් කුඹුරටම ගොස් වී මිලදී ගෙන මහා පරිමාණ සහල් ව්‍යාපාරිකයන්ට අලෙවි කරන බවද පැවසේ.

මේ අතර, ශ්‍රී ලංකා මහ බැංකුව සහ හෙක්ටර් කොබ්බෑකඩුව ගොවි කටයුතු පර්‌යේෂණ ආයතනයේ වාර්තාවලට අනුව තවමත් වෙළෙඳ පොළේ සහල් අලෙවි කෙරෙන්නේ රජයේ පාලන මිල ඉක්මවා බවද පැවසේ. 

ඇතැම් ගොවීන් වී තොග අලෙවි නොකර, වී මිල තවත් වැඩිවනතුරු සිය නිවෙස්වල ගබඩා කරගෙන සිටින බව ද වාර්තා වේ.

මූලාශ්‍රය – අරුණ

Continue Reading

පුවත්

නවදිල්ලි දුම්රියපලේ තෙරපී 18ක් මරු දකියි!

Published

on

By

ඉන්දියාවේ නවදිල්ලි දුම්රිය ස්ථානයේ ඇති වූ තෙරපුමකින් පුද්ගලයින් 18 දෙනෙකු මියගොස් තිබේ.

සිද්ධියෙන් තවත් පුද්ගලයින් රැසක් තුවාල ලබා ඇතැයිද ඉන්දීය මාධ්‍ය වාර්තා කර ඇත.

ප්‍රයාග්‍රාජ් හී මහා කුම්භමේලා උත්සවය සඳහා දුම්රියවලට නැගීමට උත්සාහ කළ මගීන්ගේ හදිසි තදබදය මීට හේතුව බවද එම මාධ්‍ය වාර්තාවල සඳහන් වේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved