Connect with us

පුවත්

සුභාෂ්කරන් යළි ලංකාවට; පක්ෂයකුත් ගන්න ගිහින්; ටෙලිකොම් ගැන ජනපති එක්ක යළි කතා

Published

on

ලයිකා මොබයිල් හිමිකරු සුභාෂ්කරන් අලි රාජා ලබන සතියේ යළි ලංකාවට පැමිණීමට නියමිතව ඇතැයි ශ්‍රී ලංකා මිරර් වෙත වාර්තා වේ.

සුභාෂ්කරන් ඉදිරිපත් කරන ලද එක්සත් රාජධානියේ ලයිකා සමූහයට අයත් පෙටිගෝ කොමර්සියො ඉන්ටර්නැෂනල් සමාගම (Pettigo Comercio International LDA c/o NDB Investment Bank Ltd) ටෙලිකොම් ආයතනයේ කොටස් මිලදී ගැනීම සඳහා කෙටි ලයිස්තුගත කරන ලද සමාගම් ලයිස්තුවට ඇතුළත් නොවීම ගැන ජනපති හා සාකච්ඡා කිරීමට ඔහු මෙසේ ලංකාවට පැමිණනෙ බව පැවසේ.

අදාළ කෙටි ලයිස්තුවට මේවන විට ඇතුළත්ව ඇත්තේ ඉන්දියානු හා චීන සමාගම් දෙකකි.

ඒ චීනයේ ගෝවූන් ඉන්ටර්නැෂනල් ඉන්වෙස්ට්මන්ට් හෝල්ඩිංග්ස් (Gortune International Investment Holding Ltd c/o Capital Alliance Limited) සහ ඉන්දියාවේ ජියෝ ප්ලැට්ෆෝර්ම්ස් (Jio Platforms Ltd, Gujrat, India) යන සමාගම් දෙකය.

ශ්‍රී ලංකා ටෙලිකොම් ආයතනයේ රජය සතු 50.23% කොටස් විකුණා දැමීම අවශ්‍ය පියවර ගනිමින් තිබේ.

ටෙලිකොම් මිලදී ගැනීමට කෙටි ලැයිස්තුගත කිරීම සිදුකරනු ලැබුවේ මුදල් අමාත්‍යාංශයේ විශේෂ ව්‍යාපෘති කමිටුව සහ කැබිනට් මණ්ඩලය පත්කළ විශේෂ සාකච්ඡා කමිටුව විසිනි.

අරුණළු පක්ෂය ගන්න ගිහින් 

මේ අතර, ඥානම් ෆවුන්ඩේෂන් හි ශාඛා 25ක් ලංකාව පුරා ස්ථාපනය කරමින් අලිරාජා සුභාෂ්කරන් මහතා කරාමය ලකුණෙන් මැතිවරණ කොමසාරිස් කාර්යාලයේ ලියාපදිංචි අරුණලු ජනතා පෙරමුණ (Arunalu People’s Alliance) දේශපාලන පක්ෂය මිලදී ගැනීමට උත්සාහයක නිරතව ඇති බවද වාර්තා වේ.

මේ සම්බන්ධයෙන් අප අරුණලු ජනතා පෙරමුණේ නායක දොස්තර කේ.ආර්. ක්‍රිෂාන් මහතාගෙන් විමසීමක් කළ අතර, ඔහු සුභාෂ්කරන් මහතා සිය පක්ෂය සමඟ එක්ව කටයුතු කිරීමට සාකච්ඡා කළ බව කියා සිටියේය.

ඔහු පමණක් නොව හිටපු අමාත්‍ය දයාසිරි ජයසේකර මහතා ද සන්ධානයක් සඳහා ආරාධනා කළ බවත්, ඔහු සමඟ ද තවත් වාමාංශික පක්ෂ කිහිපයක් සමඟ ද සාකච්ඡා පවත්වා ඇතැයි ඔහු කියා සිටි‍යේය.

1995 වසරේ සිට ක්‍රියාකාරී පක්ෂයක් වන සිය පක්ෂය ඉකුත් කාලයේදී පළාත් පාලන මැතිවරණය සඳහා පළ‍ාත් පාලන ආයතන 40 කට පමණ සාමාජිකයන් ඉදිරිපත් කළ කළ බවත් කියා සිටියේය.

‍කෙසේවුවද, සුභාෂ්කරන් මහතාගේ දේශපාලන අරමුණට රජයේ ප්‍රබල දේශපාලඥයකුගෙන් එල්ලවූ බලපෑමක් හේතුවෙන් මේවන විට ඔහු තාවකාලික පසුබෑමක් ලබා ඇතැයි ද වාර්තා වේ.

ජානකීගේ භූමිකාව

මේ අතර, සුභාෂ්කරන් මහතාගේ මෙරට ප්‍රධානම සහයිකාව ලෙස කටයුතු කරන නිළියක හා ටෙලි නාට්‍ය නිෂ්පාදිකාවක වූ ජානකී විජේරත්න මහත්මිය පසුගියදා අස්ගිරිය මහා විහාරයට ද ගොස් ඇතැයි වාර්තා වේ.

වැඩි විස්තර පසුවට….

සබැඳි පුවත්
“රා” කියාගෙන සුභාෂ්කරන්ගේ මොණරා එයි

ටෙලිකොම් ගන්න ඉන්න අලි රාජා ජනපතිව ලන්ඩනයේදී මුණගැහෙයි! 

ටෙලිකොම්හි ෆයිබර් ඔප්ටික් කේබල් 5ත් වික්කම ලංකාවට අබ සරණයි 

ටීවී, රේඩියෝ අල්ලාගත් අලිරාජා ටෙලිකොම් හා ලංකා රෝහලත් ගිලියි!

පුවත්

උතුරු – නැගෙනහිරට සංවර්ධනයේ ප්‍රතිලාභ දෙන බව ජනපති කියයි

Published

on

By

යුද්ධය නිසා උතුරු නැගෙනහිරට බලපෑ ප්‍රශ්න කඩිනමින් අවසන් කර එම ජනතාවට ද සංවර්ධනයේ ප්‍රතිලාභ ලබා දෙන බව ජනාධිපති රනිල් වික්‍රමසිංහ මහතා පවසයි.

උතුරු පළාත තුළ උසස් මට්ටමේ සෞඛ්‍ය සේවාවක් සහතික කිරීම වෙනුවෙන් යාපනය රෝහල නුදුරේදීම ජාතික රෝහලක් බවට පත් කිරීමට කටයුතු කරන බවත් දකුණු පළාත තුළ පැවති දීර්ඝකාලීන අවශ්‍යතාවයක් ඉටු කරමින් කරාපිටිය රෝහල ජාතික රෝහලක් බවට පත් කිරීමට අදාළ කැබිනට් අනුමැතිය හිමිවී ඇති බවද ජනාධිපතිවරයා සඳහන් කළේය.

ජනපතිවරයා යාපනය විශ්වවිද්‍යාලයේ වෛද්‍ය පීඨයේ ඉදිකළ සායනික පුහුණු සහ පර්යේෂණ අංශ ගොඩනැගිල්ල විවෘත කිරීමේ අවස්ථාවට අද (24) පෙරවරුවේ මේ බව පැවසීය.

මේ අතර “උරුමය ”  වැඩසටහන යටතේ යාපනය දිස්ත්‍රික්කයේ ප්‍රාදේශීය ලේකම් කාර්යාල 15ම ආවරණය වන පරිදි සින්නක්කර ඔප්පු 1,286ක් ජනාධිපති රනිල් වික්‍රමසිංහ මහතා අතින් ජනතාවට ලබාදීම අද යාපනයේදී සිදුකෙරිණි.

එමෙන්ම උතුරු පළාතට අයත් මුලතිව්, කිලිනොච්චිය, වවුනියාව හා මන්නාරම දිස්ත්‍රික්කවලට අදාළව “උරුමය” වැඩසටහන යටතේ සින්නක්කර ඔප්පු 13,858ක් ඉදිරියේදී ලබා දීමට නියමිතව තිබේ.


Continue Reading

පුවත්

පැපුවා නිව් ගිනියාවේ දරුණු  නායයාමක්

Published

on

By

පැපුවා නිව් ගිනියාවේ දුෂ්කර ගම්මාන හයකට බලපෑම් එල්ල කරමින් ඇති වූ නායයෑමෙන් ජීවිත රැසක් අහිමි වී ඇතැයි විදෙස් මාධ්‍ය වාර්තා කර තිබේ.

ඊයේ (23) සිදු වූ මෙම නායයෑමෙන් නිවාස 100කට වැඩි ගණනක් පස්වලින් සම්පූර්ණයෙන්ම යට වී ඇති බව විදෙස් වාර්තාවල දැක්වේ.

මෙහිදී සිදු වී ඇති ජීවිත හානි ගණන හෝ සුන්බුන් අතර කොපමණ පිරිසක් සිරවී ඇති ද යන්න නිශ්චිතවම තවමත් ප්‍රකාශ කළ නොහැකි බවද පැවසේ.

මෙම නායයෑම සිදු වූ  Enga නම් ප්‍රදේශයේ ආණ්ඩුකාරවරයා මාධ්‍යයට පවසා ඇත්තේ මෙය මීට පෙර සිදුනොවූ ස්වභාවික ව්‍යවසනයක් බවය.

එමෙන්ම පැපුවා නිව් ගිනියාවේ අග්‍රාමාත්‍ය James Marape පවසා ඇත්තේ, මළ සිරුරු ගොඩගැනීම සඳහා අවශ්‍ය සහන සේවා සැපයීමට සහ යටිතල පහසුකම් සඳහා අදාළ ස්ථානයට ආපදා නිලධාරීන් යොමු කර ඇති බවය.

Continue Reading

පුවත්

හලාවත ගොල්ෆ් පිටියක් හදන්න සැලසුම් කරයි

Published

on

By

හලාවත ගොල්ෆ් පිටියක් ඉදිකිරීමට සැලසුම් කරන බව කැබිනට් ප්‍රකාශක බන්දුල ගුණවර්ධන මහතා  නිවේදනය කළේය.

ඒ ඉරණවිල හා හලාවත ප්‍රදේශය සංචාරක කේන්ද්‍රස්ථානයක් ලෙස සංවර්ධනය කිරීමේ සමස්ත උපාය මාර්ගයේ කොටසක් ලෙස බවද ඔහු කීය.

මේවන විට ශ්‍රී ලංකාව තුළ දැනටමත් කොළඹ, මහනුවර සහ නුවරඑළියේ ගොල්ෆ් පිටි කිහිපයක් තිබේ.

සිදුරු 18කින් යුත් ගොල්ෆ් පිටි පහක් සහ සිදුරු 9කින් යුත් ‍ගොල්ෆ ක්‍රීඩාංගණ කිහිපයක් ද ශ්‍රී ලංකාව සතුවේ.

ගොල්ෆ් පිටියට අමතරව හලාවත සහ බිංගිරිය අතර සම්බන්ධක මාර්ගයක් ඉදිකෙරෙන අතර ඉන් අපනයන කලාපයක් පුළුල් කරන බව ද අමාත්‍ය ගුණවර්ධන මහතා පවසයි.

හලාවත – ඉරණවිල සංචාරක මධ්‍යස්ථානයේ සංවර්ධන කටයුතු බිංගිරිය ඒකාබද්ධ සංවර්ධන සැලැස්මට සම්බන්ධ කාර්ය සාධක බලකායක් මගින් අධීක්ෂණය කිරීමට නියමිත බවද පැවසේ.

Continue Reading
Advertisement

Trending

Copyright © 2023 Sri Lanka Mirror. All Rights Reserved