ලබන 17 වැනිදා පාර්ලිමේන්තුවේ අනුමතිය සඳහා විවාදයට ගැනීමට නියමිතව ඇති ‘ක්‍රීඩාවල යෙදීමේදී උත්තේජක ද්‍රව්‍ය ගැනීමට එරෙහි සම්මුති පනත යටතේ නියෝග’ සඳහා තරුණ කටයුතු සහ ක්‍රීඩා කටයුතු පිළිබඳ අමාත්‍යාංශයීය උපදේශක කාරක සභාවේ අනුමතිය හිමිවිය.

එම කාරක සභාව තරුණ කටයුතු සහ ක්‍රීඩා ගරු අමාත්‍ය සුනිල් කුමාර ගමගේ මහතාගේ සභාපතීත්වයෙන් සහ ක්‍රීඩා නියෝජ්‍ය අමාත්‍ය සුගත් තිලකරත්න මහතාගේ සහභාගීත්වයෙන් අද (13) පාර්ලිමේන්තුවේදී රැස්වූ අවස්ථාවේදී මෙම නියෝග සළකා බලා අනුමතිය ලබාදීම සිදුවිය.

මෙහිදී ක්‍රීඩාවට අදාළව ලෝක තහනම් උත්තේජක මර්දන නියෝජිතායතනය (World Anti-Doping Agency / WADA) මගින් සෑම වසරකට වරක් ප්‍රසිද්ධියට පත් කරන ලැයිස්තුවට අනුව ශ්‍රී ලංකාව ද මෙම ගැසට් පත්‍රය මගින් අදාළ නීතිමය යාවත්කාලීන කිරීම සිදුකරන බව මෙහිදී නිලධාරීහු පැවසූහ. මෙහිදි ඇතැම් උත්තේජක ද්‍රව්‍ය ලැයිස්තුවට අලුතින් එක්වන බවත් ඇතැම් ද්‍රව්‍ය ලැයිස්තුවෙන් ඉවත් වන බවත් නිලධාරීහු වැඩිදුරටත් පෙන්වා දුන්හ. උදාහරණයක් ලෙස ‘කැෆේන්’ නම් ද්‍රව්‍ය මේ වන විට ලැයිස්තුවෙන් ඉවත් කර ඇති බවත් නිලධාරීහු සඳහන් කළහ.

මීට අමතරව අන්තර් විශ්වවිද්‍යාලයීය ක්‍රීඩා තරඟ සඳහා ක්‍රීඩා අමාත්‍යාංශයේ අනුග්‍රහය ලබා ගැනීමට ඇති හැකියාව, දිවයින පුරා යෞවන සමාජ පිහිටුවීමට ඇති ගැටලු, තරුණ සේවා නිලධාරීන්ගේ හිඟය, ක්‍රිකට් ඇතුළු ක්‍රීඩාවන් ග්‍රාමීය මට්ටමින් දියුණු කිරීමේ අවශ්‍යතාවය ආදි කරුණු මෙම අවස්ථාවට සහභාගීවූ මන්ත්‍රීවරයන් කාරක සභාවේ අවධානයට යොමු කළහ. ඒ අනුව ගතහැකි පියවර කඩිනමින් ගන්නා ලෙස අමාත්‍යවරයා අදාළ නිලධාරීන්ට උපදෙස් ලබා දුන්නේය.

මෙම අවස්ථාවට කාරක සභාවේ සමාජික මන්ත්‍රීවරයන් සහ සමාජික නොවන මන්ත්‍රීවරයන් පිරිසක්ද තරුණ කටයුතු සහ ක්‍රීඩා අමාත්‍යාංශ ලේකම්වරයා ඇතුළු නිලධාරීහු පිරිසක් ද එක්ව සිටියහ.

ආසියානු කුසලාන සුදුසුකම් ලැබීමේ පාපන්දු තරගාවලියේ චීන තායිපේ කණ්ඩායම සමග ඊයේ (11)  පැවැති තරගය සත්කාරක ශ්‍රී ලංකාව ජය ගත්තේ ය.

ආසියානු කුසලාන පාපන්දු  සුදුසුකම් ලැබීමේ තරගාවලිය මේ දිනවල පැවැත්වේ.

ශ්‍රී ලංකාව එහි D කාණ්ඩය යටතේ තරගවදියි.

තරගාවලියේ ශ්‍රී ලංකාව සහභාගී වූ දෙවැනි තරගය වූ මෙය, ඊයේ කොළඹ තුරග තරග පිටියේදී පැවැත්විණි.

එහි පළමු අර්ධයේදී දෙපිලටම ගෝල වාර්තා කිරීමට නොහැකි විය.

දෙවැනි අර්ධයේදී ශ්‍රී ලංකාව ගෝල 3ක් රැස් කළේ ය.

ප්‍රතිවාදී චීන තායිපේ කණ්ඩායමට රැස් කිරීමට හැකි වූයේ ගෝලයක්  පමණි.

ඒ අනුව ගෝල 3ට 1ක් ලෙස ශ්‍රී ලංකාව තරගය ජය ගත්තේ ය.

සුදුසුකම් ලැබීමේ තරගාවලියේ තරග 2කට සහභාගී වී ඉන් එක් තරගයක් ජය  ගත් ශ්‍රී ලංකාව මේ වන විට D කාණ්ඩයේ ලකුණු සටහනේ රැඳී සිටින්නේ 3 වැනි ස්ථානයේයි.

ශ්‍රී ලංකාව සහභාගී වන මීළඟ තරගය ටර්ක්මෙනිස්ථානයට එරෙහිව පැවැත්වේ.

2024 ශ්‍රී ලංකා ක්‍රිකට් සම්මාන උළෙල ඊයේ (09) සවස කොළඹදී පැවැත්විණි.

කමිඳු මෙන්ඩිස් වසරේ පිරිමි ක්‍රිකට් ක්‍රීඩකයාට හිමි සම්මානය ලබාගත් අතර, ශ්‍රී ලංකා නායිකා චමරි අතපත්තු වසරේ කාන්තා ක්‍රිකට් ක්‍රීඩිකාව ලෙස නම් කරන ලදී.

සම්මානලාභීන්ගේ ලැයිස්තුව:

• වසරේ පිරිමි ක්‍රිකට් ක්‍රීඩකයා – කමිඳු මෙන්ඩිස්
• වසරේ කාන්තා ක්‍රිකට් ක්‍රීඩිකාව – චමරි අතපත්තු
• වසරේ නැගී එන ක්‍රීඩකයා – ජනිත් ලියනගේ

ටෙස්ට් ක්‍රිකට්

දක්ෂතම තුන් ඉරියව් ක්‍රීඩකයා – ධනංජය ද සිල්වා
දක්ෂතම පන්දු යවන්නා – ප්‍රභාත් ජයසූරිය
දක්ෂතම පිතිකරු – කමිඳු මෙන්ඩිස්

පිරිමි එක්දින අන්තර්ජාතික

දක්ෂතම තුන් ඉරියව් ක්‍රීඩකයා – චරිත් අසලංක
දක්ෂතම පිතිකරු – පැතුම් නිස්සංක
දක්ෂතම පන්දු යවන්නා – වනිඳු හසරංග

පිරිමි විස්සයි20 අන්තර්ජාතික

දක්ෂතම පිතිකරු – කුසල් මෙන්ඩිස්
දක්ෂතම තුන් ඉරියව් ක්‍රීඩකයා – වනිඳු හසරංග

කාන්තා එක්දින අන්තර්ජාතික

දක්ෂතම තුන් ඉරියව් ක්‍රීඩිකාව – චමරි අතපත්තු
දක්ෂතම පන්දු යවන්නිය – කවීෂා දිල්හාරි
දක්ෂම පිතිකාරිනිය – චමරි අතපත්තු

කාන්තා විස්සයි20 අන්තර්ජාතික

හොඳම තුන් ඉරියව් ක්‍රීඩිකාව – චමරි අතපත්තු
හොඳම පිතිකාරිනිය – චමරි අතපත්තු
හොඳම පන්දු යවන්නිය – චමරි අතපත්තු