පුවත්

අපරාධ වැඩිම බුදුන් වැඩි කැලණියේයි

Published

2 years ago

December 28, 2022

editor

මේ වසරේ ගතවූ කාලය තුළ බරපතළ අපරාධ 29,930ක් වාර්තා වී තිබේ.

මනුෂ්‍ය ඝාතන 497ක් සිදුවී ඇති අතර ඉන් 223ක් වෙඩිතැබීම් හෝ පහරදීම් මත සිදුවී ඇති බව පේරාදෙණිය විශ්වවිද්‍යාලයේ ආර්ථික විද්‍යා අධ්‍යයන අංශයේ මහාචාර්ය වසන්ත අතුකෝරල මහතා පවසයි.

එම විශ්වවිද්‍යාලය විසින් සිදු කළ සමීක්ෂණයකදී මේ බව අනාවරණය වී ඇති බව ඔහු පැවසීය.

ඉන් සියයට 37ක් බස්නාහිර පළාතින් වාර්තාවී ඇති බව මහාචාර්ය වසන්ත අතුකෝරල මහතා පෙන්වා දෙයි.

වයඹ පළාතින් සියයට 13ක්, දකුණු පළාතින් සියයට 10ක්, සබරගමුව පළාතින් සියයට 09ක් සහ මධ්‍යම පළාතින් සියයට 08ක් වාර්තාවී ඇත.

ගතවූ මෙම කාලය තුළ දේපළ සම්බන්ධයෙන් අපරාධ 16,317ක් සහ පුද්ගලයින්ට එරෙහිව අපරාධ 5,964ක් සිදුවී තිබේ.

එමෙන්ම ගතවූ මාස 11ක කාලය තුළ වාහන සොරකම් කිරිමේ සිද්ධීන් 1,466ක් වාර්තා වී ඇති බව සඳහන්ය.

ඉන් බහුතරයක් යතුරුපැදි සහ ත්‍රීරෝද රථ සොරාගැනීමේ සිද්ධින් වන අතර ඉන් සියයට 39ක් බස්නාහිර පළාතෙන් වාර්තා වී ඇති බව මහාචාර්ය වසන්ත අතුකෝරල මහතා පැවසීය.

එමෙන්ම වහාන සොරාගැනීමේ සිද්ධිවලින් සියයට 14ක් වයඹ පළාතෙන් සහ සියයට 13ක් දකුණු පළාතෙන් වාර්තා වී ඇත.

බරපතළ අපරාධ සිදුවී ඇති පොලිස් කොට්ඨාස අතරින් මේ වසරේ ගතවූ කාලය තුළ වැඩිම අපරාධ සංඛ්‍යාවක් කැලණිය පොලිස් කොට්ඨාසයෙන් වාර්තා වී ඇති අතර එම සංඛ්‍යාව 2,287ක් බව ඔහු සඳහන් කරයි.

අපරාධ 2,058ක් අනුරාධපුරින් සහ අපරාධ 2,018ක් නුගේගොඩ පොලිස් කොට්ඨාසයෙන් වාර්තා වී තිබේ.

මීට අමතරව මීගමුව, මහනුවර, කුරුණෑගල, ගල්කිස්ස, කොළඹ, රත්නපුර, ගම්පහ, කුලියාපිටිය සහ පානදුර යන පොලිස් කොට්ඨාසවලින්ද අපරාධ 1,000කට අධික සංඛ්‍යාවක් වාර්තා වී ඇති බව සඳහන් වෙයි.

ගතවූ මෙම කාලය තුළ පුද්ගල පැහැරගැනීමේ සිද්ධීන් 3,596ක්, ගෙවල් බිදීම් 6,208ක්, මංකොල්ලකෑම් 2,159ක් වාර්තා වී තිබේ.

2020 වසරට සාපේක්ෂව 2021 වසරේ මෙරට සිදුවී ඇති බරපතළ අපරාධ සංඛ්‍යාව 4,336කින් ඉහළ ගොස් ඇත.

2020 වසරේ බරපතළ අපරාධ 31,098ක් වාර්තා වී ඇති අතර 2021 වසරේ එම සංඛ්‍යාව 35,434ක් දක්වා ඉහළ ගොස් තිබේ.

රට තුළ පවතින ආර්ථික අර්බුදය මෙලෙස අපරාධ ඉහළයාම සඳහා ප්‍රධාන හේතුවක්වී ඇති බවද අදාළ වාර්තාවෙන් පෙන්වා දෙයි.

ඒ සම්බන්ධයෙන් වැඩිදුරටත් අදහස් දැක්වූ මහාචාර්ය වසන්ත අතුකෝරල මහතා,

“2022 වසරේදී අපාරාධ පිළිබඳ සම්පූර්ණ වාර්තාව සකස් වෙලා නැහැ. නමුත් ලැබී තියෙන තොරතුරු අනුව බරපතළ අපාරාධ 29,930ක් පමණ වාර්තාවෙලා තියෙනවා. මේවයින් 36%ක් පමණ වාර්තා වෙන්නේ බස්නාහිර පළාත තුළින්. ඒ වගේම වයඹ පළාතෙන් 13%ක්, දකුණු පළාතෙන් 10%ක්, සබරගමුව පළාතෙන් 9%ක්, මධ්‍යම පළාතෙන් 8%ක් පමණ. මේ කාලය තුළ දේපළවලට එරෙහිව සිදුවෙලා තියෙන අපරාධ ප්‍රමාණය 16,317ක් කියන එක බව පොලිස් වාර්තාවල සඳහන් වෙනවා. ඒ වගේම පුද්ගලයන්ට එරෙහිව වාර්තාවෙලා තියෙන අපරාධ 5,964ක්.

2022 මුල් මාස 10ත් 11ත් අතර වාහන සොරකම් කිරීම් පමණක් 1,466ක් වාර්තා වෙනවා. මේ තුළ වැඩි වශයෙන් යතුරුපැදි සහ ත්‍රීරෝද රථ. එයින් 39%ක් පමණ බස්නාහිර පළාතෙන් තමයි වාර්තා වෙන්නේ. මේ මාස 11 තුළ මනුෂ්‍ය ඝාතන 497ක් වාර්තා වෙනවා. එයින් 46%ක් පමණ ඒ කියන්නේ 223ක් පමණ වෙඩිතැබීම් හා පහරදීම් මත සිදුවෙලා තියෙන මනුෂ්‍ය ඝාතන.”

පුවත්

දුන්හිඳ බස් අනතුරෙන් 03ක් මියයයි

Published

2 hours ago

June 21, 2025

editor

බදුල්ල – මහියංගනය ප්‍රධාන මාර්ගයේ දුන්හිඳ හතරේ කණුව ප්‍රදේශයේදී බස් රථයක් මාර්ගයේ පෙරළී යාමෙන් අද (21) සවස 06ට පමණ සිදුවූ අනතුරකින් පුද්ගලයින් තිදෙනෙකු මියගොස් තිබේ.

අනතුරෙන් පුද්ගලයන් 34 දෙනෙකු තුවාල ලබා ඇති බවත්, ඔවුන් බදුල්ල රෝහලට ඇතුළත් කර ඇති බවත් වාර්තා වේ.

මෙලෙස අනතුරට ලක්ව ඇත්තේ තඹුත්තේගම සිට බදුල්ල දක්වා ගමන්කරමින් සිටි වන්දනාකරුවන් පිරිසකි. ඔවුන් තඹුත්තේගම ප්‍රදේශයේ පදිංචිකරුවන් බව පැවසේ.

බදුල්ල පොලීසිය අනතුර සම්බන්ධව වැඩිදුර විමර්ශන ක්‍රියාත්මක කරනු ලබයි. දෙක ආසන්නයේ බස් රථයක් පෙරලී ගොස් තිබේ.

අනතුරින් පුද්ගලයින් 25කට අධික පිරිසක් තුවාල ලබා රෝහල් ගත කර ඇතැයි වාර්තා වේ.

(ඡායාරූපය : Accident1st)

ක්‍රීඩා

මැතිව්ස්, ටෙස්ට් පිටියට සමු දෙයි

Published

3 hours ago

June 21, 2025

editor

ශ්‍රී ලංකාවේ හිටපු නායක ඇන්ජලෝ මැතිව්ස්, ක්‍රීඩා ලෝලීන්ට ආචාරය දක්වමින් සිය ටෙස්ට් දිවියට අද (21) සමුදුන්නේය.

ඒ, සංචාරක බංග්ලාදේශ කණ්ඩායම සමග පැවැත්වෙන පළමු ටෙස්ට් ක්‍රිකට් තරගයේ දෙවන දිනයේදී තයිජුල් ඉස්ලාම්ගේ පන්දුවක් හමුවේ මොමිනුල් හක් අතට උඩ පන්දුවක් ලබා දෙමිනි.

මෙම තරගය අද දිනයේදී ජය පරාජයෙන් තොරව අවසන් විය.

16 වසරක් පුරාවට ශ්‍රී ලංකා ටෙස්ට් ක්‍රීඩකයෙකු ලෙස ක්‍රීඩා කළ මැතිව්ස්, ටෙස්ට් තරග 119කදී ඉනිම 211ක් ක්‍රීඩා කර තිබේ.

එහිදී ලකුණු 8,214ක් ලබා ගෙන ඇති ඔහු, ටෙස්ට් ශතක 16කට සහ අර්ධ ශතක 45ක් ලබාගැනීමටද සමත් වී තිබේ.

ඊට අමතරව ඔහු විසින් ටෙස්ට් කඩුලු 33ක්ද දවා ගෙන තිබේ.

පුවත්

කෝටි 433ක බදු පොලු තැබූ සමාගම් 5ක අධ්‍යක්ෂකවරුන්ගේ දේපළ ආණ්ඩුවට

Published

5 hours ago

June 21, 2025

editor

රුපියල් කෝටි හාරසිය තිස් තුනකට අධික (4,334,997,188) මහා පරිමාණ වැට් බදු පැහැර හැරීම් සිදුකර සිර දඬුවම් ලැබූ සමාගම් 5ක අධ්‍යක්ෂවරුන්ගෙන් හිඟ බදු අයකර ගැනීම සඳහා දේශීය ආදායම් දෙපාර්තමේන්තුව පියවර ගනිමින් සිටින බව වාර්තා වේ.

මෙම සමාගම්වලට හෝ එහි අධ්‍යක්ෂවරුන්ට අයත් දේශීය හා විදේශීය නිශ්චල හා චංචල දේපළ පවරා ගැනීම හෝ වත්කම් පවරා ගැනීමට දේශීය ආදායම් දෙපාර්තමේන්තුව කටයුතු කරමින් සිටියි.

යාන වාහන, යන්ත්‍ර සූත්‍ර, සමාගම් කොටස්, ස්ථාවර තැන්පතු ආදී මොන යම් හෝ දේපළකින් හිඟ බදු මුදල අයකර ගැනීමට පියවර ගනිමින් සිටින බවට වාර්තා වේ.

දේශීය ආදායම් දෙපාර්තමේන්තුව පවසන්නේ, ඒ සඳහා මෙම සමාගම් අධ්‍යක්ෂවරුන්ගේ තොරතුරු පරීක්ෂා කරමින් සිටින බව ය.

සිර දඬුවම් විඳීමෙන් පසුව නිදහස් වූ නමුත් මෙතෙක් බදු මුදල් ගෙවීමට අපොහොසත් වූ මෙම සමාගම්වල අධ්‍යක්ෂවරුන්ගේ හා සමාගම්වල තොරතුරු අනාවරණය විය.

මෙලෙස වැට් බදු මුදල් පැහැර හැරීම සිදුකළ සමාගම් හා පුද්ගලයන්ගේ තොරතුරු මෙසේ ය.

කේ. ඒ. ගීත ප්‍රසංග රුපියල් 46,655,028ක වැට් බදු මුදලක් පැහැර හැර තිබේ. එම සමාගම් අධ්‍යක්ෂවරයා මේ වන විටත් සිර දඬුවම් විඳිමින් සිටියි.

සමාගම් අධ්‍යක්ෂවරුන් වන ආර්. ජී. ඇන්ඩ්‍රාඩෝ රුපියල් 40,066,805ක් සහ ජේ.ඒ. ජයසුන්දර 31,134,367ක හිඟ බදු ගෙවා නැත.

මෙන්ඩිස් සහ සමාගමේ අධ්‍යක්ෂවරුන් වන අර්ජුන ඇලෝසියස් සහ ඇන්තොනි ජෝන් 3,983,937,872 ක මුදලක් ගෙවා නැති බව වාර්තා වේ.

සමරනායක සහ සමාගම, අධ්‍යක්ෂවරුන් එච්.ඒ.ඒ.ආර්.එම්. සමරනායක, ශ්‍රී රජෝර් ෂම්මුගනාදන් සහ ජී.එම්.එම්. තුෂානි රුපියල් 19,283,204ක් වැට් බදු පැහැර හැර තිබේ.

එම සමාගම පැහැර හරින ලද තවත් රුපියල් 213,919,912ක වැට් බදු මුදලක් ඇත. එම සමාගම යොමුකළ ප්‍රතිශෝධන අයැදුම්පත සලකා බලා මහාධිකරණයෙන් ඇප නියම කර ඇත.

සමාගම් අධ්‍යක්ෂ කේ. ඒ. ගීත ප්‍රසංග මේ වනවිටත් දඬුවම් විඳිමින් සිටින අතර අනෙකුත් සමාගම්වල අධ්‍යක්ෂවරුන් සියලු ම දෙනා සිරදඬුවම් විඳීමට පසුව නිදහස් වූ අය නමුත් ඔවුන්ගෙන් බදු මුදල් අයකර ගන්නා බව දේශීය ආදායම් දෙපාර්තමේන්තුව පවසයි.

වැට් බදු ගෙවීම පැහැර හැරීම සිදුකළ විජිත එන්ටප්‍රයිස් පෞද්ගලික සමාගමේ අධ්‍යක්ෂවරුන් එච්. එම්.එම්.බී. ගුණසේකර සහ ටී.කේ. අමරසිංහ රුපියල් 32,512,815ක හිඟ බදු මුදල මේ වන විට ගෙවා ඇත.