” ඕගොල්ලෝ පොඩ්ඩක් ෂෝ වැඩියි, ඉක්මනට මේ වෙන්ස්කම් ටික කරන්න ඕන..” යන පණිඩුවය පලාත් පාලන මැතිවරණ ප්‍රතිඵලය හරහා ජනතාව ලබා දී ඇතැයි අධිකරණ සහ ජාතික ඒකාබද්ධතා අමාත්‍ය නීතීඥ හර්ෂණ නානායක්කාර මහතා පවසයි.
ජනතාව ලබාදී ඇති පණිවිඩය ආණ්ඩුව වටහාගෙන ඇති බවද ඒ මහතා කියා සිටී.
මාලිමාව තරඟ කළ පලාත් පාලන ආයතන 267න් 120ක කෙළින්ම බලය පිහිටුවීමට අවස්ථාව ඇති බවත්, 32ක් සම සමවී ඇති බවත්, ඒවායේද බලය පිහිටුවීමට හැකි බව ඔහු කියා සිටියේය.
මීට පෙර පොහොට්ටු පක්ෂයට පළාත් පාලන ආයතන 126ක බලය තිබූ බවත්, 28ක බලය සමානව තිබූ බවත් පෙන්වාදෙන අමාත්‍යවරයා ඉතිහාසයේ ලොකුම ජයග්‍රහණය කළේ ජාතික ජනබලවේගය බවද කියා සිටී.
