Connect with us

පුවත්

ජීවිතයේ හොඳම කාලය බන්ධනාගාරයේ හිටි කාලයයි – ප්‍රියමාලි

Published

on

බන්ධනාගාරයේ සිටි කාලය තමාගේ ජීවිතයේ හොඳම කාලය බව තිකෝ සමූහ ව්‍යාපාරයේ හිමිකාරිය තිලිණි ප්‍රියමාලි ඊයේ (27 ) පැවැසුවාය.

මූල්‍ය වංචා චෝදනා මත රිමාන්ඩ් භාරයේ සිටීමට සිදුවුවද, ඉන් තමාගේ අනාගතයට කිසිදු හානියක් වී නැතැයිද ඇය කීවාය.

අධිකරණය විසින් දින 10 කට පෙර ඇප මත මුදාහරිනු ලැබූ තිලිණි ප්‍රියමාලිට අදාළ ඇප මුදල් නිසි පරිදි තැන්පත් කිරීමට නොහැකිවීම හේතුවෙන් ඊයේ (27) වනතුරු බන්ධනාගාරගතව සිටීමට සිදුවිය.

සැකකාර තිලිණි ප්‍රියමාලිගේ ඇපකරුවන් ලෙස ඇයගේ දෙමාපියෝ, ස්වාමි පුරුෂයා සහ කාර්ය මණ්ඩලයේ නිලධාරීහු කොළඹ කොටුව මහෙස්ත්‍රාත් අධිකරණය වෙත පැමිණ ඊට අදාළ ලේඛනවලට අත්සන් කළහ. 

බන්ධනාගාර නිලධාරීන් විසින් තිලිණි ප්‍රියමාලිද කොළඹ මහෙස්ත්‍රාත් අධිකරණය වෙත ඊයේ (27) පෙරවරුවේ රැගෙන විත් තිබූ අතර, ඇයද අදාළ ඇප කොන්දේසිවලට අත්සන් කළාය. 

අනතුරුව තිලිණි ප්‍රියමාලි යළි බන්ධනාගාරය වෙත රැගෙන ගොස් තිබුණේ එහි තිබූ ලේඛනවලටද ඇයගේ අත්සන ගැනීම සඳහාය.

එම සියලු ඇප කොන්දේසි සපුරාලීමෙන් අනතුරුව තිලිණි ප්‍රියමාලි පස්වරු 5.15ට පමණ බන්ධනාගාරයෙන් පිටතට පැමිණියේ සුදු පැහැති මෝටර් රථයකිනි.

බන්ධනාගාරයෙන් පිටවන දොරටුව අසලදී එම මෝටර් රථයෙන් තිලිණි ප්‍රියමාලි බිමට බහින අවස්ථාවේදී ඇය පිළිගැනීමට තිකෝ සමූහ ව්‍යාපාරයේ මාධ්‍ය විශේෂඥවරියක බව කියන සුරංගි කොඩිතුවක්කු ඇතුළු එම ආයතනයේ නිලධාරීහු පැමිණ සිටියහ. 

ඔවුන් තිලිණි ප්‍රියමාලිට මල් පොකුරක් දී පිළිගත් අතර කාර්ය මණ්ඩලයේ බහුතරයක් තිලිණිට වැන්ද අතර පිරිසක් ඇය වැලඳ ගන්නා අයුරුද දක්නට ලැබිණි.

බන්ධනාගාරයෙන් එළියට පැමිණි තිලිණි ප්‍රියමාලි මාධ්‍යවේදීන් අමතමින් මෙසේ පැවැසුවාය.

‘‘මම ඉතාම හොඳින් ඉන්නවා. බන්ධනාගාරය ඇතුළේ ඉද්දී ඉතාම විවේක සුවයෙන් මම හිටියා. මුදල් වංචාවක් සම්බන්ධයෙන් එල්ල වූ චෝදනාවලට මම අද ඇප මත නිදහස්ව යනවා. මම දන්නා තරමින් මෙවැනි නඩු ලංකාවේ ගොඩාක් තියෙනවා. මෙවැනිම නඩුවලට බොහෝ දෙනෙක් ඇප මත නිදහස් වෙනවා. බොහෝ නඩු අධිකරණයේ විභාග වෙනවා. මටත් එවැනි නඩුවක් තමයි අධිකරණය හමුවේ තිබුණේ. මාව විතරක් මේ තරම් ප්‍රසිද්ධ වුණේ ඇයි කියලා මම දන්නේ නැහැ. මා ගැන මාස දෙකහමාරක් මාධ්‍යවලින් තොරතුරු වාර්තා කළා. අධිකරණයේ නඩුවක් විභාග වන විට මාධ්‍ය මගින් මට දඬුවම් දී තිබුණා. මම තවම ඇප මත ඉන්නේ. නඩුවෙන් තාම නිදහස් වෙලා නැහැ. එම නිසා අධිකරණයේ පවතින නඩු ගැන කතා කරන්න මට අයිතියක් නැහැ.’’

පුවත්

රාජකාරි වේලාවකදී TikTok කරන සෞඛ්‍ය සේවකයින්ට වැඩ වරදින ලකුණු

Published

on

By

රජයේ වෛද්‍යවරුන්, හෙදියන් සහ සෞඛ්‍ය කාර්ය මණ්ඩලය TikTok වැනි සමාජ මාධ්‍ය වේදිකාවල නිරතවීම සම්බන්ධයෙන් විමර්ශනයක් සිදු කරන බව සෞඛ්‍ය හා ජනමාධ්‍ය ඇමැති වෛද්‍ය නලින්ද ජයතිස්ස පවසයි.

කැබිනට් තීරණ දැනුම්දීම සඳහා රජයේ ප්‍රවෘත්ති දෙපාර්තමේන්තුවේ ඊයේ (22) පැවති මාධ්‍ය හමුවේදී ඇමැතිවරයා මේ බව අනාවරණය කළේය.

මාධ්‍යවේදියෙකු විසින් කළ විමසීමකට පිළිතුරු ලෙස අමාත්‍යවරයා සඳහන් කළේ, රාජකාරි වේලාවේදී ඨික්ඨොක් වැනි සමාජ මාධ්‍ය භාවිතයට සම්බන්ධ වීඩියෝ කිහිපයක් සෞඛ්‍ය අමාත්‍යාංශයට ලැබී ඇති බවය.

ඒ අනුව, මෙම ආකාරයේ ක්‍රියාකාරකම් රාජකාරි නීති හා විනය රීතිවලට පටහැනිද යන්න පිළිබඳව සොයා බලන බවත්, අවශ්‍ය නම් තවත් පියවර ගනු ඇති බවත් අමාත්‍යවරයා විසින්  පවසන ලදී.

Continue Reading

පුවත්

බොරැල්ල කනත්ත වටරවුම ආසන්නයේ ගසක් කඩා වැටෙයි

Published

on

By

බොරැල්ල කනත්ත වටරවුම ආසන්නයේ ගසක් කඩාවැටීමෙන් රථවාහන තදබදයක් ඇතිවී තිබේ.

පොලීසිය සඳහන් කළේ වාහන කිහිපයකට හානි සිදුව ඇති බවය.

මේ වනවිටත් ගස ඉවත්කිරීමේ කටයුතු සිදුකරන අතර ඇතිවී ඇති මාර්ග තදබදය හේතුවෙන් විකල්ප මාර්ග භාවිතා කරන ලෙස පොලීසිය රියැදුරන්ගෙන් ඉල්ලා සිටී.

Continue Reading

පුවත්

තැපැල් ඡන්ද හිමියන්ට මැතිවරණ කොමිසමෙන් දැනුම්දීමක්

Published

on

By

තැපැල් ඡන්ද හිමියන්ට සිය ඡන්දය ප්‍රකාශ කරන ස්ථානය හා සහතික කිරීමේ නිලධාරියා හඳුනා ගැනීම සඳහා ‘e’ සේවාවක් ක්‍රියාත්මක බව මැතිවරණ කොමිෂන් සභාව පවසයි.

එම කොමිෂන් සභාව පැවසුවේ මැතිවරණය සඳහා ඉදිරිපත්ව ඇති අපේක්ෂකයින් මෙන්ම ඔවුන්ගේ කණ්ඩායම් සහ පක්ෂ මෙන්ම සලකුණ හඳුනා ගැනීම සඳහා ද මෙමගින් පහසුකම් සලසා ඇති බවය.

eservices.elections.gov.lk යන යොමුව මඟින් මැතිවරණ ‘e’ සේවාව වෙත පිවිස එහි රාජ්‍ය නිලධාරීන් සඳහා වන තැපැල් ඡන්ද තොරතුරු සඳහා වන යොමුව වෙත පිවිස තොරතුරු ලබා ගැනීමේ හැකියාව පවතී.

Continue Reading
Advertisement

Trending

Copyright © 2023 Sri Lanka Mirror. All Rights Reserved