ටොනික් මූඩි උපයෝගී කරගනිමින් විද්‍යුත් ක්‍රමය හරහා හෙරොයින් ජාවාරමේ නිරත වූ පුද්ගලයෙකු අත්අඩංගුවට ගැනීමට වරකාගොඩ පොලිසිය සමත් විය.
හෙරොයින් ජාවාරමේ නිරත වන බවට ලැබුණු තොරතුරක් මත සිදුකළ වැටලීමකදී සැකකරු ඔහුගේ නිවසේ දීම හෙරොයින් සමඟ අත්අඩංගුවට ගෙන තිබේ.
සැකකරු වරකාගොඩ, ගොඩපොරහේන ප්‍රදේශයේ පදිංචි “ජෝනා” නම් අනුවර්ත නාමයෙන් හැඳින්වෙන 33 හැවිරිදි අයෙකු බව පොලීසිය සඳහන් කර ඇත
මොහු ඉතා සූක්ෂම ලෙස ටොනික් පියන් තුල රුපියල් දෙදහසේ හෙරොයින් පැකට් දමා, මාර්ග වල නොයෙක් ස්ථානවල තබමින් විද්‍යුත් ක්‍රමය ඔස්සේ මුදල් ලබාගෙන මෙම ජාවාරම සිදු කර ඇති බව පොලිසිය සොයා ගෙන තිබේ .
මෙම ක්‍රමය ඔස්සේ සැකකරු වරකාගොඩ, නෑබඩ, ඉද්දගොඩ, තෙබුවන, දොඩම්ගොඩ ආදී ප්‍රදේශවල හෙරොයින් බෙදාහැරීමේ කටයුතු සිදුකර ඇති බව පොලිසිය විසින් අනාවරණය කරගෙන තිබේ.
