බදුල්ල – පස්සර 15 කණුව ප්‍රදේශයේදී පෞද්ගලික බස් රථයක් මාර්ගයෙන් ඉවතට පැන බෑවුම් ප්‍රදේශයකට ගමන් කිරීමෙන් අනතුරක් සිදුව තිබේ.
අද (11) උදෑසන 6:30ට පමණ මෙම අනතුර සිදුවී ඇත.
මෙම අනතුරෙන් තුවාල ලැබූ 13 දෙනෙකු පමණ පස්සර රෝහලට ඇතුළත් කර ඇති බවද වාර්තා වේ.
ඔවුන් බරපතළ තත්වයේ නොවන බවද සඳහන්ය.
පොලීසිය සඳහන් කළේ කොළඹ සිට පස්සර බලා ධාවනය වූ බස් රථයට මෙසේ අනතුරට ලක්ව ඇති බවය.
රියදුරුට නින්දයෑම හේතුවෙන් අනතුර සිදුවී ඇති බව වැඩිදුරටත් වාර්තා වේ.
