රටටම විදුලිය කැපුවේ වඳුරාද විදුලි බල මණ්ඩලයේ ප්‍රකාශය හෙට!

අද (09) දිනයේ දිවයින පුරා සිදුවූ විදුලි බිඳවැටීම සම්බන්ධයෙන් ලංකා විදුලි බල මණ්ඩලය විසින් හෙට (10) දිනයේ සවිස්තර තොරතුරු ඉදිරිපත් කරන බව එහි සභාපති ආචාර්ය තිලක් සියඹලාපිටිය මහතා පවසයි.

සිද්ධිය සම්බන්ධයෙන් විදුලිබල මණ්ඩලයේ අභ්‍යන්තර කමිටුවක් විසින් විමර්ශනයක් සිදුකිරීමට නියමිත බව ඔහු වැඩිදුරටත් පැවසීය.

මේ අතර  බලශක්ති අමාත්‍යංශය විසින් ද සිද්ධිය සම්බන්ධයෙන් පුළුල් විමර්ශනයක් ක්‍රියාත්මක කරන බව අමාත්‍යංශ ලේකම් මහාචාර්ය උදයංග හේමපාල මහතා සඳහන් කළේය.

ඔහු පැවසුවේ යළි මෙවැනි තත්ත්වයක් ඇති නොවීම සඳහා අවශ්‍ය ක්‍රියාමාර්ග නිර්දේශ කිරීම සඳහා අදාළ විමර්ශනය සිදුකරන බවය.

දිවයින පුරා අවස්ථා කිහිපයක දී විදුලි බිඳවැටීම් සිදුව ඇති අතර අවසන් වරට 2023 වර්ෂයේ දෙසැම්බර් මස 09 වනදා සිදුවූ විදුලි බිඳවැටීම, යළි යථා තත්ත්වයට පත් කිරීමට ද පැය 06ක පමණ කාලයක් ගතව තිබුණි.

කොත්මලේ සිට බියගම දක්වා වන සම්ප්‍රේෂණ මාර්ගයේ ඇතිවූ බිඳවැටීමක් ඊට හේතු වී තිබු බව සඳහන් වේ.

මීට අමතරව  2016 වර්ෂයේ මාර්තු මාසයේ, 2020 වසරේ අගෝස්තු මාසයේ මෙන්ම 2021 වසරේ දෙසැම්බර් මාසයේ මෙලෙස දිවයින පුරා විදුලි බිඳ වැටීම් සිදුව ඇත.විදුලිය නැවත….

බලශක්ති අමාත්‍ය ඉංජිනේරු කුමාර ජයකොඩි මහතා කියා සිටියේ දිවයින පුරා විදුලි සැපයුම යළි යථා තත්ත්වයට පත් කිරීමට පැය 5ක කාලයක් ගත වූ බවයි. 

අමාත්‍යවරයා සඳහන් කළේ , යළි මෙවැනි තත්ත්වයක් ඇති නොවීමට ගත යුතු සියලු ක්‍රියාමාර්ග ගන්නා බවයි.කඩාකප්පල්කාරී වඳුරා…

රට පුරා විදුලිය බිඳ වැටීමට හේතුව පානදුර විදුලි උප පොලේ ට්‍රාන්ස්පෝමරයක වඳුරෙක් ගැටීම බව බලශක්ති අමාත්‍ය කුමාර ජයකොඩි මහතා කියා සිටී.

එම ගැටීමෙන් සිදුවූ බිඳ වැටීම ලංකාවටම පැතිරී පැතිරුණු බවද අමාත්‍යවරයා සඳහන් කළේය.

වඳුරා කෝ…

මේ අතර, පානදුර විදුලි උප පොලේ ට්‍රාන්ස්පෝමරය පිහිටා තිබෙන භූමියේ ආරක්ෂක නිලධාරියකු විසින් සිදුකරන ලද ප්‍රකාශයක් හේතුවෙන් අදාළ විදුලි බිඳවැටීම සිදුවූයේ වඳුරකු හේතුවෙන්මද යන්න පිළිබඳව සැකයක් මතුව තිබේ.

අදාළ ප්‍රකාශය පහත දැක්වේ.