රන්ජන් කරන්නේ ලයිකා මොබයිල් ව්‍යාපෘතියක් – ප්‍රසන්න අධිකාරී රන්ජා කුඩුපට්ටම්කරයි (වීඩියෝ)

හිටපු පාර්ලිමේන්තු මන්ත්‍රී හා නළු රන්ජන් රාමනායක සිදුකරනු ලබන්නේ ලයිකා මොබයිල් ආයතනයේ දේශපාලන ව්‍යාපෘතියක් බව එම පක්ෂයේ කොළඹ දිස්ත්‍රික් අපේක්ෂක ප්‍රසන්න අධිකාරී මහතා කියයි.

ඔහු මේ බව කියා සිටියේ ඊයේ (30) කොළඹ මාධ්‍ය හමුවක් පවත්වමිනි.

එසේම එක්සත් ප්‍රජාතන්ත්‍රවාදී හඬ යනුවෙන් පක්ෂයක් මැතිවරණ කොමිසමේ ලියාපදිංචි වී නැතැයි ද එහි ලියාපදිංචිවී ඇති පක්ෂය වන්නේ එක්සත් කොංග්‍රස් පක්ෂය බවද ඔහු කීය.

අදාළ පක්ෂය 2024 මහ මැතිවරණය සඳහා එක්සත් ප්‍රජාතන්ත්‍රවාදී හඬ යනුවෙන් තාවකාලිකව නම වෙනත් කරගෙන ඇතැයි ඔහු අනාවරණය කළේය.

එසේම මේ පක්ෂයේ නායකයා රන්ජන් රාමනායක නොවන බවත්, මේ පක්ෂයේ ජාතික සංවිධායකයා තිලකරත්න ඩිල්ෂාන් නොවන බවත් ඔහු මෙහිදී හෙළිකළේය.

https://www.facebook.com/share/v/tFnqVLEWmVRKbfnK/?mibextid=KsPBc6

එක්සත් ප්‍රජාතන්ත්‍රවාදී හඬ සුභාෂ්කරන් අලිරාජා විසින් මෙහෙයවන පක්ෂයක් බව මුලින්ම හෙළිකරනු ලැබුවේ දේශපාලඥයකු මෙන්ම සමාජ ක්‍රියාකාරියකු වන ඕෂල හේරත් මහතා විසිනි.

ඔහු කියා සිටියේ මැතිවරණ කොමිසමේ පිලිගත් දේශපාලන පක්ෂ තොරතුරු ඇතුළත් පිටුවෙහි ඇතුළත් නිලධාරී මණ්ඩලයේ ලේකම් ලෙස නම ඇතුළත්ව ඇත්තේ ස්වර්ණවාහිනී මාධ්‍ය ජාලයේ හිමිකාර සමාගම ලෙස කටයුතු කරනු ලබන බෙන් හෝල්ඩිංග්ස් සමාගමේ (Ben Holdings Pvt)  සමූහ අධ්‍යක්ෂ ගෝවින්දසාමි ජයසීලන් මහතාගේ බවය.

ජයසීලන් මහතා රාජ්‍ය ආරක්ෂක අමාත්‍යංශය නිෂ්කාශන සහතිකයක් ලබාදීම ප්‍රතික්ෂේප කරන ලද පුද්ගලයෙක් බව මීට පෙර මාධ්‍ය වාර්තා කර තිබිණි.

ඊට අදාල ලිපිය පහත දැක්වේ.

සබැඳි පුවත්

රන්ජන් ඡන්දය ඉල්ලන්නේ “ලයිකා මොබයිල්” පක්ෂයෙන් ඕෂලගෙන් චෝදනා