Connect with us

පුවත්

රාජගිරියේ ඉඩම් වංචාවක සැකකරුවන් අත්අඩංගුවට නොගත් CID නිලධාරීන් පිරිසකට නියෝගයක්

Published

on

රාජගිරියේ පිහිටි රුපියල් කෝටි 370 ක් පමණ වටිනා ඉඩමක් සඳහා කූට ලේඛන සකස් කර වංචාවක් කළ සංවිධානාත්මක කණ්ඩායමක් දීර්ඝ කාලයක් තිස්සේ අත්අඩංගුවට ගැනීමට නොහැකිවීම සම්බන්ධයෙන් අධිකරණය හමුවේ පෙනී සිට කරුණු දක්වන ලෙස කොළඹ ප්‍රධාන මහෙස්ත්‍රාත් තනුජා ලක්මාලි අපරාධ පරීක්ෂණ දෙපාර්තමේන්තුවේ විමර්ශන නිලධාරියාට නියෝග කළාය.

මෙම සිද්ධියට අදාළව පුද්ගලයන් 6 දෙනකු සැකකරුවන් ලෙස නම් කරමින් මෙතෙක් අත්අඩංගුවට ගෙන තිබුණද, එම වංචාවට සම්බන්ධ අනෙකුත් සැකකරුවන් පිරිස අත්අඩංගුවට ගැනීමට වසර 6 ක් තිස්සේ අපරාධ පරීක්ෂණ දෙපාර්තමේන්තුවට නොහැකි වූයේ ඇයිදැයි පැමිණිල්ලේ ජ්‍යෙෂ්ඨ නීතිඥ ගුණරත්න වන්නිනායක දීර්ඝ වශයෙන් කරන ලද කරුණු දැක්වීම සලකා බැලීමෙන් අනතුරුව ප්‍රධාන මහෙස්ත්‍රාත්වරිය එම නියෝගය කළාය.

රාජගිරිය, නානායක්කාර මාවතේ පිහිටි අක්කර 4 ක පමණ විශාල ඉඩමක් සඳහා කූට ලේඛන සකස් කර දේපොළ වංචා කළ බව කියන සිද්ධියකට අදාළ පැමිණිල්ලක් කොළඹ ප්‍රධාන මහෙස්ත්‍රාත් තනුජා ලක්මාලි ඉදිරියේ කැඳවූ අවස්ථාවේදී එම සිද්ධියට අදාළව නිසි විමර්ශනයක් පවත්වන ලෙසට අපරාධ පරීක්ෂණ දෙපාර්තමේන්තුවට නියෝග කරන ලෙස ඉල්ලමින් ජ්‍යෙෂ්ඨ නීතිඥ ගුණරත්න වන්නිනායක එලෙස කරුණු ඉදිරිපත් කළේය.

බත්තරමුල්ල, ජයන්තිපුර බෝධිරාජ මාවතේ පදිංචි ව්‍යාපාරිකයකු වන සුදත් දේවපුර නමැති අය විසින් අදාළ පැමිණිල්ල 2019 අගෝස්තු මස 28 වැනිදා අපරාධ පරීක්ෂණ දෙපාර්තමේන්තුවේ වාණිජ අපරාධ විමර්ශන අංශ 3 හි ස්ථානාධිපතිවරිය ලෙස කටයුතු කළ කාන්තා පොලිස් පරීක්ෂක නාලිනී දිසානායක වෙත ඉදිරිපත් කර තිබිණි.

මෙම නඩුවේ දැනට අනාවරණය වී ඇති සැකකරුවන් ලෙස කැලණිය, පොල්හේන පදිංචි ඇලෝසියස් ලෝරන්ස් කැප්පෙටිපොල (අදාළ සැකකරු කොරෝනා වයිරසය හේතුවෙන් 2021 අගෝස්තු 20 වැනිදා මියගොස් තිබිණි.) මල්වාන පදිංචි බුත්ගමුව මුදියන්සේලාගේ ඉන්ද්‍රසේන, කුණ්ඩසාලේ වරාපිටිය පදිංචි බින්දු කපිලරත්න, බණ්ඩාර වීරතුංග, කටාන කඳවල පදිංචි ගේබ්‍රියල් ප්‍රනාන්දු හෙවත් ගාමිණී ප්‍රනාන්දු, අමරසිංහ ආරච්චිගේ සමිත, ජයසිංහ ආරච්චිගේ ගුණවර්ධන යන අය නම් කර තිබිණි.

පැමිණිල්ල වෙනුවෙන් පෙනී සිටි ජ්‍යෙෂ්ඨ නීතිඥ ගුණරත්න වන්නිනායක කරුණු ඉදිරිපත් කරමින් පැමිණිලිකරු මෙම සිද්ධියට අදාළව අල්ලස් කොමිසම වෙත පැමිණිලි කර ඇති බවත්, එම පැමිණිලිද මේ වනවිට විභාග වන බව දන්වා සිටියේය.

මෙම වංචාවට අදාළ සම්බන්ධ සියලු පුද්ගලයන් අත්අඩංගුවට ගැනීම අපරාධ පරීක්ෂණ දෙපාර්තමේන්තුවේ නිලධාරීන් දීර්ඝ කාලයක් ප්‍රමාද කිරීමෙන් පැමිණිලි පාර්ශ්වයට අගතිදායක තත්ත්වයක් ඇතිවී තිබෙන බවද ජ්‍යෙෂ්ඨ නීතිඥ ගුණරත්න වන්නිනායක දන්වා සිටියේය.

මෙම නඩුව ලබන ජුනි 3 වැනිදා කැඳවන ලෙස නියම කළ ප්‍රධාන මහෙස්ත්‍රාත්වරිය එදිනට විමර්ශනයේ ප්‍රගතිය වාර්තා කරන ලෙසද අපරාධ පරීක්ෂණ දෙපාර්තමේන්තුවට නියම කළාය.

පුවත්

ලක්මාලිට ලොකු තනතුරක්

Published

on

By

ආර්ථික සංවර්ධනය සහ අන්තර්ජාතික සබඳතා පිළිබඳ ආංශික අධීක්ෂණ කාරක සභාවේ සභාපති ලෙස පාර්ලිමේන්තු මන්ත්‍රී නීතිඥ ලක්මාලි හේමචන්ද්‍ර මෙනෙවිය පත්ව තිබේ.

කාරක සභාවේ මංගල රැස්වීම පාර්ලිමේන්තුවේදී අද (22) රැස් වූ අවස්ථාවේදී ඇය මේ සඳහා පත්ව තිබේ.

මන්ත්‍රී විජේසිරි බස්නායක මහතා විසින් ලක්මාලි හේමචන්ද්‍ර මෙනෙවියගේ නම යොජනා කර ඇති අතර, මන්ත්‍රී කන්දසාමි ප්‍රභු මහතා විසින් එය ස්ථිරකරන ලදී.

කාරක සභාවේ සෙසු සාමාජික පාර්ලිමේන්තු මන්ත්‍රීවරුවන ලක්ෂ්මන් නිපුණ ආරච්චි, නීතිඥ සාගරිකා අතාවුද, නීතිඥ නිලන්ති කොට්ටහච්චි හා තිළිණ සමරකෝන් යන අයද මෙම රැස්වීමට සහභාගි වී තිබේ.

Continue Reading

පුවත්

එක්සත් ජාතික පක්ෂයෙන් දැඩි තීරණයක්

Published

on

By

පළාත් පාලන ආයතන සඳහා නියෝජිතයන් පත් කිරීමේදී ඔවුන් ලබාගත් ඡන්ද ප්‍රතිශතය පමණක් සැලකිල්ලට ගැනීමට එක්සත් ජාතික පක්ෂයේ තීරණය කර තිබේ.

ඒ අනුව එක්සත් ජාතික පක්ෂය නියෝජනය කරමින් පළාත් පාලන ආයතනවලට පත්වීමට සුදුසුකම් ලබන්නේ වැඩිම ඡන්ද ප්‍රතිශතය ගත් අපේක්ෂකයන්ට පමණි.

එක්සත් ජාතික පක්ෂයේ පළාත් පාලන ආයතන නියෝජිතයන් පත්කිරීම සඳහා පත්කරන ලද කමිටුව විසින් ගන්නා ලද මෙම තීරණය කිසිම හේතුවක් නිසා වෙනස් නොකරන ලෙස එක්සත් ජාතික පක්ෂ නායක හිටපු ජනාධිපති රනිල් වික්‍රමසිංහ මහතා උපදෙස් දී තිබේ.

Continue Reading

පුවත්

රාජ්‍ය ආයතනවලට ඉන්ධන සැපයීමට ඩිජිටල් කාඩ්පතක්

Published

on

By

රාජ්‍ය ආයතනවල වාහන සඳහා ඉන්ධන සැපයීමේදි මුදල් ගෙවීම් සඳහා නව ඩිජිටල් කාඩ්පතක් හඳුන්වාදීමට ලංකා ඛනිජ තෙල් නීතිගත සංස්ථාව විසින් පියවර ගෙන තිබේ.

ඉන්ධන සැපයීමේදී සිදුවන අක්‍රමිකතා මගහැර, කාර්යක්ෂමතාව ඉහළ නැංවීමේ අරමුණින් මෙම පියවර ගෙන ඇත.

රජයේ ඩිජිටල්කරණ ප්‍රතිපත්තිය යටතේ මෙම නව කාඩ්පත හඳුන්වාදීම සිදුවන බව වැඩිදුරටත් සඳහන්ය.

Continue Reading
Advertisement

Trending

Copyright © 2023 Sri Lanka Mirror. All Rights Reserved