කූට ලේඛන සකස් කර තමාට අයිති MGM නෙට්වර්ක් සමාගමේ හිමිකාරිත්වය ලබාගනිමින් ලයිකා මොබයිල් හා අනුබද්ධිත බෙන් හෝල්ඩිංග්ස් පුද්ගලික සමාගම (Ben Holdings Pvt) විසින් ඉදිරියේදී ලංකාවටම විශාල තර්ජනයක් ඇති විය හැකි ක්‍රියාවක් සිදු කර ඇතැයි කියමින් MGM නෙට්වර්ක් සමාගමේ හිමිකරු ජනක රාමනායක මහතා අපරාධ පරීක්ෂණ දෙපාර්තමේන්තුව වෙත පැමිණිල්ලක් ඉදිරිපත් කර තිබේ.
පසුගිය බදාදා (03) පැමිණිල්ල බාරදීමෙන් පසු මාධ්‍ය වෙත අදහස් දැක්වූ රාමනායක මහතා, තමාට අයිති UHF-30 කොළඹ සහ UHF-56 හන්තාන යන සංඛ්‍යාත භාවිතා කරමින් අලුත් නාලිකාවක් අරඹා ඇති බවත් වසර හතක් පුරාවටම තමන් මේ සම්බන්ධයෙන් සටන් කරන අතර ආරක්ෂක අමාත්‍යාංශය හා අපරාධ විමර්ශන දෙපාර්තමේන්තුව මේ සම්බන්ධයෙන් දැනුවත් කර ඇති බවත් කියා සිටියේය.
තමා හෝ තම පවුල‍ේ කිසිවකු Max Television හෝ Max Radio ජාතික ආරක්ෂාවට තර්ජනයක් වන පුද්ගලයන් අතට පත් කිරීමට කිසිම ලෙසකින් කටයුතු නොකරන බවත්, මොහොමඩ් අක්‍රම් නැමැත්තා තම මස්සිනා වන රුවන් එදිරිසිංහත් සිය පියාව ජී.ටී. ජයසිලන් හා නිරුතන් රාජසුන්දරම් නැමැති පුද්ගලයන් විසින් ද රවටා මේ ගනුදෙනු සිදුකර ඇතැයි ජනක රාමනායක මහතා සිය පැමිණිල්ලෙන් වැඩිදුරටත් දක්වා ඇති බව පැවසේ.
මෙය වංචා සහගත කටයුත්තක් බවත්, වසර තුන හතරක් යනතෙක් ආරක්ෂක අමාත්‍යාංශය විසින් ජී.ටී. ජයසිලන්ට හා නිරුතන් රාජසුන්දරම් යන අයට නිෂ්කාශ බලප්‍රත්‍රත් දී නොතිබූ බවත් ඔහු හෙළිකර තිබේ.
දේශීය හා විදේශීය ව්‍යාපාර කටයුතු වල නිරත වන ජනක රාමනායක මහතා දේශීය නිෂ්පාදන විදේශීය වෙළඳපොළ තුළට නිර්මාණශීලීව ඉදිරිපත් කිරීමට වෙහෙසන අයකු ලෙස ප්‍රකට දේශීය ව්‍යාපාරිකයෙකි.
ඔහු විසින් 2007 වසරේ මුල් භාගයේදී ආරම්භ කර ශ්‍රී ලාංකේය ප්‍රේක්ෂකයින් හට නැවුම් අත්දැකීම් දායාද කළ මැක්ස් tv හා මැක්ස් Radio හි කළමනාකාර අධ්‍යක්ෂවරයාද වේ.
ඉදිරියේදී මේ සම්බන්ධයෙන් අධිකරණ ක්‍රියාමාර්ගයක් ගන්නා බව ද ඔහු කියා සිටියේය.
ලයිකා මොබයිල් හි හිමිකාරිත්වය දරනු ලබන්නේ සුභාෂ්කරන් අලිරාජා මහතා විසිනි.
සබැඳි පුවත් :
ටීවී, රේඩියෝ අල්ලාගත් අලිරාජා ටෙලිකොම් හා ලංකා රෝහලත් ගිලියි!
“රා” කියාගෙන සුභාෂ්කරන්ගේ මොණරා එයි
ETI දේපල විකුණා ඇත්තේ නීතියට පිටින්: ස්වර්ණවාහිනී ඩීල් එකත් ප්‍රශ්නගතයි
