පසුගියදා මධ්‍යම ඉන්දීය සාගරයේදී පෙරළුණු චීන ධීවර යාත්‍රාවක තිබුනු මළ සිරුරු 07ක් ශ්‍රී ලාංකික කිමිදුම්කරුවන් විසින් සොයාගෙන ඇතැයි වාර්තා වේ.

ශ්‍රී ලාංකික කිමිදුම්කරුවන් නෞකාවේ කුටියක තිබුණු මෙම සිරුරු කොටස් සොයාගත් බව චීන ප්‍රවාහන අමාත්‍යාංශය පවසන බව CCTV පුවත් සේවය වාර්තා කරයි.

පසුගිය අඟහරුවාදා දිනයේදී Lupeng Yuanyu 028 නම් මෙම යාත්‍රාව අනතුරට ලක්වීමෙන් පසුව ශ්‍රී ලංකාව, ඉන්දියාව, ඕස්ට්‍රේලියාව, ඉන්දුනීසියාව, මාලදිවයින හා පිලිපීනය ඇතුළු රටවල් 7ක් අතුරුදහන් වූ නැව් කාර්ය මණ්ඩල සාමාජිකයන් 39 දෙනා සොයාගැනීමට සහය ලබාදී තිබුණි.

මෙම යාත්‍රාව අයත් වන්නේ චීනයේ ෂැංඩොං පළාතේ Penglai Jinglu Fishery Co Ltd නම් සමාගමටයි.